ഹിന്ദി ദേശീയ സെമിനാർ ആരംഭിച്ചു
കോഴിക്കോട്: ഉത്തരാധുനികതയും ഹിന്ദി സാഹിത്യ വിമർശനവും എന്ന വിഷയത്തിൽ യുജിസിയുടെ ആഭിമുഖ്യത്തിൽ കാലിക്കട്ട് സർവകലാശാലയിൽ ത്രിദിന ദേശീയ സെമിനാർ ആരംഭിച്ചു. പ്രോവൈസ് ചാൻസലർ ഡോ.പി. മോഹൻ ഉദ്ഘാടനം ചെയ്തു. ചടങ്ങിൽ ഡോ.പ്രമോദ് കൊവ്വപ്രത്ത് അധ്യക്ഷത വഹിച്ചു. പ്രഫ.സഞ്ജീവ് ദുബെ മുഖ്യപ്രഭാഷണം നടത്തി. ഡോ.ആർ. സേതുനാഥ്, ഡോ.കെ.കെ. ഗീതകുമാരി, ഡോ.പി.ജെ. ഹെർമൻ, ഡോ.വി.ജി. മാർഗരറ്റ്, പ്രഫ.എൽ.ജി. ശശിധർ, പ്രഫ.രാംപ്രകാശ്, ഡോ.ടി.കെ.ഗീത, ഡോ.പി.പ്രിയ തുടങ്ങിയവർ പങ്കെടുത്തു. സെമിനാർ നാളെ സമാപിക്കും.
കമ്മ്യൂണിക്കേറ്റീവ് ഇംഗ്ലീഷ് ശിൽപശാല
കോഴിക്കോട്: വയനാട് ചെതലയത്തെ കാലിക്കട്ട് സർവകലാശാലാ ഗോത്ര വർഗ പഠനകേന്ദ്രവും ഗോത്ര വികസന വകുപ്പും സംയുക്തമായി പഠനകേന്ദ്രത്തിൽ നടത്തുന്ന കമ്മ്യൂണിക്കേറ്റീവ് ഇംഗ്ലീഷ് ത്രിദിന ശിൽപശാല, ഡയറക്ടർ ഡോ. ഇ. പുഷ്പലത ഉദ്ഘാടനം ചെയ്തു. വിദ്യാർഥികളുടെ ആശയ വിനിമയ ശേഷി പരിപോഷിപ്പിക്കുന്ന പ്രായോഗികതയിലൂന്നിയ സെഷനുകളാണ് നടത്തുന്നത്. സുരേഷ് ബാബു, മുജീബ് റഹ്മാൻ, ഡോ.ഉബൈദ് വാഫി, സഫറുദ്ദീൻ എന്നിവർ പ്രസംഗിച്ചു.