2016 സെപ്റ്റംബറിൽ നടത്തിയ നാലാം സെമസ്റ്റർ എൽഎൽഎം പരീക്ഷാഫലം പ്രസിദ്ധീകരിച്ചു. സൂക്ഷ്മപരിശോധനയ്ക്ക് ഏപ്രിൽ 12 വരെ അപേക്ഷിക്കാം. കേരള ലോ അക്കാദമി ലോ കോളജിലെ ആർ.പി. രാധിക ഒന്നാം റാങ്ക് നേടി (1279 മാർക്ക്).
ബിഎ ഓണേഴ്സ് വാചാപരീക്ഷ
ഏപ്രിലിൽ നടത്തുന്ന ആറാം സെമസ്റ്റർ ബിഎ ഓണേഴ്സ് ഡിഗ്രി പ്രോഗ്രാം ഇൻ ഇംഗ്ലീഷ് ലാംഗ്വേജ് ആൻഡ് ലിറ്ററേച്ചർ പരീക്ഷയുടെ വാചാപരീക്ഷയും പെർഫോമെൻസും (നാടകാവതരണം) യഥാക്രമം 24നും, 27നും ഗവ. വിമൻസ് കോളജിൽ നടത്തും. വിശദമായ ടൈംടേബിൾ വെബ്സൈറ്റിൽ ലഭിക്കും.
പെൻഷൻകാർ മസ്റ്റർ ചെയ്യണം
കേരള സർവകലാശാലയിൽ നിന്നും പെൻഷൻ കൈപ്പറ്റുന്നവർ ഏപ്രിൽ ഒന്നു മുതൽ മേയ് 15 വരെ മസ്റ്റർ ചെയ്യുകയോ ലൈഫ് സർട്ടിഫിക്കറ്റ് ഹാജരാക്കുകയോ ചെയ്യാത്തപക്ഷം ജൂണ് മുതൽ പെൻഷൻ ലഭിക്കുന്നതല്ല. മസ്റ്റർ ചെയ്യാൻ തിരിച്ചറിയൽ രേഖ സഹിതം ഹാജരാകണം.
201718 സാന്പത്തിക വർഷം ആദായ നികുതിയുടെ പരിധിയിൽ വരുന്നവർ നികുതി കണക്കാക്കി അനുബന്ധ രേഖകൾ സഹിതം ഏപ്രിൽ 30ന് മുന്പ് പെൻഷൻ സെക്ഷനിൽ നൽകണം.
പുതുക്കിയ ടൈംടേബിൾ
ഏഴാം സെമസ്റ്റർ ബിടെക് 2008 സ്കീം സപ്ലിമെന്ററി പരീക്ഷയുടെ പുതുക്കിയ ടൈംടേബിൾ വെബ്സൈറ്റിൽ .
ബിഎഡ് ടൈംടേബിൾ
ഏപ്രിൽ മൂന്നിന് ആരംഭിക്കുന്ന നാലാം സെമസ്റ്റർ ബിഎഡ് ഡിഗ്രി ഓണ്ലൈൻ (ദ്വിവൽസര കോഴ്സ് 2015 സ്കീം റെഗുലർ) പരീക്ഷാടൈംടേബിൾ വെബ്സൈറ്റിൽ ലഭിക്കും. വിദ്യാർഥികൾ അവരുടെ കോളജുകളിൽ നിന്നും ഹാൾടിക്കറ്റ് കൈപ്പറ്റി, അവർക്ക് അനുവദിച്ചിട്ടുള്ള സമയത്തു തന്നെ അതാത് പരീക്ഷാകേന്ദ്രങ്ങളിൽ ഹാജരായി പരീക്ഷ എഴുതണം.