ഖരഗ്പൂർ ഐഐടിയിൽ മെഡിക്കൽ സയൻസ്
വൈദ്യശാസ്ത്രവും സാങ്കേതികവിദ്യയും സമന്വയിപ്പിച്ചുകൊണ്ട് ഖരഗ്പൂർ ഐഐടി നടത്തുന്ന മാസ്റ്റർ ഓഫ് മെഡിക്കൽ ടെക്നോളജി കോഴ്സിനു ചേരാൻ ഡോക്ടർമാർക്ക് അവസരം. രാജ്യത്തെ മികച്ച വൈദ്യശാസ്ത്ര ഗവേഷണ സ്ഥാപനങ്ങളുമായും വ്യവസായ മേഖലയുമായും സഹകരിച്ചു നടത്തുന്ന ഇന്റർ ഡിസിപ്ലിനറി കോഴ്സാണിത്. മികച്ച ആരോഗ്യപരിരക്ഷാ വിദഗ്ധരെ വാർത്തെടുക്കുകയാണ് കോഴ്സു കൊണ്ട് ഉദ്ദേശിക്കുന്നത്.
എംബിബിഎസ് ബിരുദധാരികളെ ഉദ്ദേശിച്ച് നടത്തുന്ന കോഴ്സ് മൂന്നു വർഷം ദൈർഘ്യമുള്ളതാണ്. തെരഞ്ഞെടുക്കപ്പെടുന്നവർക്ക് പ്രതിമാസം 25,000 രൂപയുടെ അസിസ്റ്റന്റ്ഷിപ്പ് ലഭിക്കും.
55 ശതമാനം മാർക്കോടെ എംബിബിഎസ് പാസായവർക്ക് അപേക്ഷിക്കാം. രണ്ടു മണിക്കൂർ ദൈർഘ്യമുള്ള പ്രവേശന പരീക്ഷയുടെ അടിസ്ഥാനത്തിലാണ് അഡ്മിഷൻ. ഓബ്ജക്ടീവ് മാതൃകയിൽ 120 ചോദ്യങ്ങൾ ഉൾപ്പെടുന്നതാണു പരീക്ഷ. കോൽക്കത്തയിൽ മാത്രമാണു പരീക്ഷാകേന്ദ്രം. ഓണ്ലൈനായി ഏപ്രിൽ 27നകം അപേക്ഷിക്കണം. അപേക്ഷാ ഫീസ് 1500 രൂപ. പട്ടിക ജാതിവർഗക്കാർക്ക് 750 രൂപ. പ്രവേശന പരീക്ഷാ തീയതി ഏപ്രിൽ 27. വെബ്സൈറ്റ് gate.iit kgp.ac.in/mmst.
ഗോഹട്ടി ഐഐടിയിൽ എംഎ ഡവലപ്മെന്റ് സ്റ്റഡീസ്
ഗോഹട്ടി ഐഐടിയിലെ ഹ്യുമാനിറ്റീസ് വിഭാഗം നടത്തുന്ന ഡവലപ്മെൻറ് സ്റ്റഡീസിൽ എംഎ പ്രോഗ്രാമിന് അപേക്ഷ ക്ഷണിച്ചു. രണ്ടു വർഷത്തെ ഫുൾ ടൈം കോഴ്സാണ്. ഏതെങ്കിലും വിഷയത്തിൽ 50 ശതമാനം മാർക്കോടെ ബിരുദം നേടിയവർക്കും അവസാന വർഷ വിദ്യാർഥികൾക്കും അപേക്ഷിക്കാം. പഠനത്തിൽ മികച്ച നിലവാരം പുലർത്തുന്നവർക്കു രണ്ടാം വർഷം മുതൽ സ്കോളർഷിപ്പ് ലഭിക്കും.
ഓണ്ലൈനായി ലഭിക്കുന്ന അപേക്ഷ പരിശോധിച്ച് ഷോർട്ട് ലിസ്റ്റ് ചെയ്യുന്നവരെ എഴുത്തു പരീക്ഷ നടത്തിയാണു തെരഞ്ഞെടുക്കുന്നത്. ഓണ്ലൈനായി അപേക്ഷ സമർപ്പിച്ച ശേഷം യാതൊരു രേഖയും അയച്ചു കൊടുക്കേണ്ടതില്ല. എഴുത്തു പരീക്ഷയ്ക്കു ചെല്ലുന്പോൾ അപേക്ഷാ ഫീസായ 150 രൂപ ഡിഡിയും ബന്ധപ്പെ രേഖകളും നൽകണം. അപേക്ഷ സമർപ്പിക്കേണ്ട അവസാന തീയതി ഏപ്രിൽ 17. കൂടുതൽ വിവരങ്ങൾക്ക്: www.iit g.ernet.in.