കേന്ദ്ര വാർത്താവിതരണ പ്രക്ഷേപണ മന്ത്രാലയത്തിനു കീഴിലുള്ള ഇന്ത്യൻ ഇൻസ്റ്റിറ്റ്യൂട്ട് ഓഫ് മാസ് കമ്യൂണിക്കേഷനിൽ, മാസ് കമ്യൂണിക്കേഷനിൽ ബിരുദാനന്തര ബിരുദ ഡിപ്ലോമ കോഴ്സിന് അപേക്ഷ ക്ഷണിച്ചു. ഇൻസ്റ്റിറ്റ്യൂട്ടിന്‍റെ കോട്ടയം ഉൾപ്പടെയുള്ള കേന്ദ്രത്തിൽ പ്രിന്‍റ്, ഇലക്ട്രോണിക്, അഡ്വർടൈസിംഗ്, പബ്ലിക് റിലേഷൻസ് കോഴ്സുകൾക്കാണ് അപേക്ഷ ക്ഷണിച്ചിുള്ളത്. കോട്ടയം, ന്യൂഡൽഹി, ഐസ്വാൾ (മിസോറാം), അമരാവതി (മഹാരാഷ്‌ട്ര) കേന്ദ്രങ്ങളിലാണു ജേണലിസം കോഴ്‌സ്. റേഡിയോ ആൻഡ് ടെലിവിഷൻ ജേണലിസം, അഡ്വർടൈസിംഗ് ആൻഡ് പബ്ലിക് റിലേഷൻസ് കോഴ്സുകൾ ന്യൂഡൽഹി കേന്ദ്രത്തിൽ മാത്രമാണുള്ളത്.
ബിരുദാധാരികൾക്കും അവസാന വർഷ വിദ്യാർഥികൾക്കും അപേക്ഷിക്കാം. 1992 ഓഗസ്റ്റ് ഒന്നിനോ അതിനു ശേഷമോ ജനിച്ചവരായിരിക്കണം അപേക്ഷകർ. സംവരണ വിഭാഗങ്ങൾക്ക് ഇളവുണ്ട്. ജേണലിസം കോഴ്സിന് കോട്ടയം സെന്‍ററിൽ 15 സീറ്റാണുള്ളത്.
ഒരു വർഷത്തെ ജേണലിസം കോഴ്സിനു ഫീസ് 72000 രൂപ. റേഡിയോ ആൻഡ് ടെലിവിഷൻ ജേണലിസം കോഴ്സിനു ഫീസ് 132000 രൂപ. അഡ്വർടൈസിംഗ് ആൻഡ് പബ്ലിക് റിലേഷൻസ് കോഴ്സിനു ഫീസ് 102000 രൂപ. കോട്ടയത്തു നടത്തുന്ന മലയാളം ജേണലിസം കോഴ്സിന് 39000 രൂപയാണു ഫീസ്.
പ്രവേശന പരീക്ഷ മേയ് 28നു നടത്തും. കൊച്ചി പരീക്ഷാ കേന്ദ്രമാണ്. ന്യൂഡൽഹി, അഹദാബാദ്, ഐസ്വാൾ, ബംഗളൂരു, ഭോപ്പാൽ, ഭുവനേശ്വർ, ചെന്നൈ, ഗോഹിട്ടി, ഹൈദരാബാദ്, ജമ്മു, കോൽക്കത്ത, ലക്നോ, മുംബൈ, നാഗ്പൂർ, പാറ്റ്ന, റായ്പൂർ, റാഞ്ചി, ശ്രീനഗർ എന്നിവിടങ്ങളിലാണു മറ്റു പരീക്ഷാ കേന്ദ്രങ്ങൾ. മലയാളം ജേണലിസം കോഴ്സിന്റെ പ്രവേശന പരീക്ഷ കൊച്ചി കേന്ദ്രത്തിൽ മാത്രമായി മേയ് 27നു നടത്തും.
അപേക്ഷാഫോം വെബ്സൈറ്റിൽ നിന്നു ഡൗണ്ലോഡ് ചെയ്തും ഓണ്‍ലൈനായും അപേക്ഷിക്കാം. പൂരിപ്പിച്ച അപേക്ഷകൾ ലഭിക്കേണ്ട അവസാന തീയതി മേയ് അഞ്ച്. ഓരോ കോഴ്സിനും പ്രത്യേകം അപേക്ഷിക്കണം. അപേക്ഷാ ഫീസ് 1200 രൂപ. സംവരണ വിഭാഗങ്ങൾക്ക് 1100 രൂപ.
വിലാസം: രജിസ്ട്രാർ, ഇന്ത്യൻ ഇൻസ്റ്റിറ്റ്യൂട്ട് ഓഫ് മാസ് കമ്യൂണിക്കേഷൻ, അരുണ അസഫ് അലി മാർഗ്, ന്യൂഡൽഹി110067.
വെബ്സൈറ്റ്: www.iimc.go v.in. ഇമെയിൽ: iimcadmissi
[email protected].
ഫോണ്: കോയം 09995822904. ന്യൂഡൽഹി: 011 26741062, 2674 1073, 26741352.
ബിഎഫ്എ പ്രവേശനം സാങ്കേതിക വിദ്യാഭ്യാസ വകുപ്പിന്‍റെ കീഴിലുള്ള തിരുവനന്തപുരം, മാവേലിക്കര, തൃശൂർ ഫൈൻ ആർട്സ് കോളജുകളിലെ ഒന്നാം വർഷ ബിഎഫ്എ പ്രവേശനത്തിന് അപേക്ഷ ക്ഷണിച്ചു. അപേക്ഷാഫോം കോളജുകളിൽ നിന്നും മേയ് 15 മുതൽ 30 വരെ വിതരണം ചെയ്യും.
അപേക്ഷാഫോമും പ്രോസ്പെക്ടസും 150 രൂപയ്ക്ക് നേരിട്ടോ പ്രിൻസിപ്പൽമാർക്ക് മാറാവുന്ന 185 രൂപാ ഡിമാൻഡ് ഡ്രാഫ്റ്റ് മുഖേന തപാൽ മാർഗമോ ലഭിക്കും. പട്ടികജാതി/വർഗക്കാർക്ക് യഥാക്രമം 75 രൂപയും 110 രൂപയുമാണ്. മണി ഓർഡർ/ചെക്ക്/പോസ്റ്റൽ ഓർഡർ എന്നിവ സ്വീകരിക്കില്ല.
അപേക്ഷകർ ഹയർ സെക്കൻഡറിയോ തത്തുല്യ പരീക്ഷയോ പാസായവരും, ഡിപ്ലോമ ഇൻ എൻജിനിയറിംഗ് പാസായ ശ്രവണ സംസാരശേഷി ഇല്ലാത്തവരും 2017 ജൂണ്‍ ഒന്നിന് 17 വയസ് പൂർത്തിയായവരും എന്നാൽ 27 വയസ് തികയാത്തവരുമായിരിക്കണം.
പൂരിപ്പിച്ച അപേക്ഷകൾ മേയ് 30ന് വൈകിട്ട് അഞ്ച് മണിക്ക് മുന്പ് സാങ്കേതിക വിദ്യാഭ്യാസ ഡയറക്ടർ, പത്മവിലാസം റോഡ്, ഫോർട്ട് പി.ഒ, തിരുവനന്തപുരം 695 023 എന്ന വിലാസത്തിൽ ലഭിക്കണം.