എംബിഎ(എസ്ഡിഇ) ഇന്റേണൽ മാർക്ക്
വിദൂര വിദ്യാഭ്യാസ കേന്ദ്രം നടത്തുന്ന എംബിഎ (എസ്ഡിഇ) മൂന്നാം സെമസ്റ്റർ ഇന്റേണൽ മാർക്ക് എസ്ഡിഇ വെബ്സൈറ്റിൽ പ്രസിദ്ധീകരിച്ചു. പരാതിയുള്ളവർ ഏഴ് ദിവസത്തിനുള്ളിൽ കോഓർഡിനേറ്ററെ അറിയിക്കണം. അത് കഴിഞ്ഞ് ലഭിക്കുന്ന പരാതികൾ പരിഗണിക്കില്ല.
എംഎ ഇസ്ലാമിക ചരിത്രം വൈവ വോസി
എം.എ ഇസ്ലാമിക ചരിത്രം (സിഎസ്എസ്) നാലാം സെമസ്റ്റർ വിദ്യാർഥികളുടെ വൈവ വോസി പരീക്ഷ 24ന് രാവിലെ 10ന് കാര്യവട്ടം ഇസ്ലാമിക പഠനവിഭാഗത്തിൽ നടക്കും. വിദ്യാർഥികൾ രാവിലെ 9.30ന് ഹാൾടിക്കറ്റുമായി ഇസ്ലാമിക പഠനവിഭാഗത്തിൽ ഹാജരാകണം.
ഫംഗ്ഷണൽ മലയാളം സർട്ടിഫിക്കറ്റ് കോഴ്സ് (ഈവനിംഗ്)
ലിംഗ്വിസ്റ്റിക്സ് ഡിപ്പാർട്ട്മെന്റ് നടത്തുന്ന മൂന്ന് മാസത്തെ ഫംഗ്ഷണൽ മലയാളം സർട്ടിഫിക്കറ്റ് കോഴ്സിന് അപേക്ഷ ക്ഷണിക്കുന്നു. മലയാളം പഠിച്ചിട്ടില്ലാത്തവർക്കും, യൂണിവേഴ്സിറ്റിയിൽ ഉപരിപഠനം നടത്തുന്ന വിദേശ വിദ്യാർഥികൾക്കും മലയാള ഭാഷാ പഠനം നടത്താൻ ആഗ്രഹിക്കുന്ന പ്രഫഷണലുകൾക്കും ഭാഷാ പഠനത്തിൽ തല്പരരായ അന്യഭാഷാ വിദ്യാർഥികൾക്കും ഈ കോഴ്സിന് അപേക്ഷിക്കാം. അപേക്ഷകൾ 30ന് മുന്പ് അസോസിയേറ്റ് പ്രഫസർ ആൻഡ് ഹെഡ്, ഡിപ്പാർട്ട്മെന്റ് ഓഫ് ലിംഗ്വിസ്റ്റിക്സ്, കേരള സർവകലാശാല, കാര്യവട്ടം 695581 എന്ന വിലാസത്തിൽ എത്തിക്കണം. അപേക്ഷാഫോറം നേരിട്ടും സർവകലാശാല വെബ്സൈറ്റിലും ലഭിക്കും. ക്ലാസുകൾ ജൂണ് ഒന്നിന് ആരംഭിക്കും. കൂടുതൽ വിവരങ്ങൾക്ക് കാര്യവട്ടം കാന്പസിലെ ലിംഗ്വിസ്റ്റിക്സ് ഡിപ്പാർട്ട്മെന്റുമായി ബന്ധപ്പെടുക. ഫോണ്: 9947539589, 04712308469.
ബിആർക് ഫലം
2016 ഏപ്രിലിൽ നടത്തിയ നാലാം സെമസ്റ്റർ ബിആർക് പരീക്ഷയുടേയും 2016 നവംബറിൽ നടത്തിയ മൂന്നാം സെമസ്റ്റർ (2008 സ്കീം) പരീക്ഷയുടേയും ഫലം വെബ്സൈറ്റിൽ ലഭിക്കും.
എംടെക് ടൈംടേബിൾ
ഒന്നാം സെമസ്റ്റർ എംടെക് (ഫുൾ ടൈം ആൻഡ് പാർട്ട് ടൈം), മൂന്നാം സെമസ്റ്റർ എംടെക് (പാർട്ട് ടൈം) 2013 സ്കീം സപ്ലിമെന്ററി പരീക്ഷകളുടെ ടൈംടേബിൾ വെബ്സൈറ്റിൽ ലഭിക്കും.
കെമാറ്റ് പരീക്ഷ
ജൂണ് 11ന് നടക്കുന്ന കെമാറ്റ് 2017 പരീക്ഷയ്ക്ക് ഓണ്ലൈൻ അപേക്ഷകൾ സ്വീകരിക്കുന്ന അവസാന തീയതി 31. കൂടുതൽ വിവരങ്ങൾക്ക് kmatkerala.in എന്ന വെബ്സൈറ്റ് സന്ദർശിക്കുക.
എൽഎൽബി സൂക്ഷ്മപരിശോധന
2016 മേയിൽ നടത്തിയ ഒന്നാം സെമസ്റ്റർ ബിഎ/ബിബിഎ/ബികോം ഇന്റഗ്രേറ്റഡ് എൽഎൽബി പരീക്ഷയുടെ സൂക്ഷ്മപരിശോധനയ്ക്ക് അപേക്ഷിച്ചവർ 16 മുതൽ 22വരെയുള്ള പ്രവൃത്തി ദിവസങ്ങളിൽ (സമയം: 10.30 04.30) ഹാൾടിക്കറ്റുമായി പുനർമൂല്യനിർണയ വിഭാഗത്തിൽ എത്തണം.