ബിരുദം: 53153 പേർ രജിസ്റ്റർ ചെയ്തു
ഏകജാലകം വഴിയുള്ള ഒന്നാം വർഷ ഡിഗ്രി പ്രോഗ്രാമുകളിൽ പ്രവേശനത്തിന് ചൊവാഴ്ച വരെ 53153 പേർ ഓണ്ലൈൻ രജിസ്ട്രേഷൻ നടത്തി. 45,253 പേർ അപേക്ഷാ ഫീസ് ഒടുക്കുകയും ചെയ്തു. ഓണ്ലൈൻ രജിസ്ട്രേഷൻ 29നു വൈകുന്നേരം അഞ്ചിനു അവസാനിക്കും.
പുതുക്കിയ പരീക്ഷാതീയതി
മേയ് 17, 18, 19 തീയതികളിൽ നടത്താനിരുന്നതും മാറ്റിവച്ചതുമായ നാലാം സെമസ്റ്റർ പിജി (സിഎസ്എസ്) പരീക്ഷകൾ (നാലാം സെമസ്റ്റർ എം കോം ഒഴികെ) യഥാക്രമം ജൂണ് 14, 16, 19 തീയതികളിലേക്കു പുതുക്കി നിശ്ചയിച്ചു. മേയ് 17നും 19 നും നടത്താൻ നിശ്ചയിച്ചിരുന്ന നാലാം സെമസ്റ്റർ എംകോം (സിഎസ്എസ്) പരീക്ഷകൾ ജൂണ് രണ്ട്, അഞ്ച് തീയതികളിലേക്ക് മാറ്റി. 30 മുതൽ നടത്താൻ നിശ്ചയിച്ചിരുന്ന ഒന്നാം സെമസ്റ്റർ പിജി (സിഎസ്എസ് 20132015 അഡ്മിഷൻ സപ്ലിമെന്ററി, 2012 അഡ്മിഷൻ മേഴ്സി ചാൻസ്) പരീക്ഷകൾ ജൂണ് 27 മുതൽ നടത്തുന്നതിനായി പുതുക്കി നിശ്ചയിച്ചു. വിശദമായ ടൈം ടേബിൾ പിന്നീട്. പരീക്ഷാ സമയത്തിനും കേന്ദ്രത്തിനും മാറ്റമില്ല.
പരീക്ഷ തീയതി
തൃപ്പൂണിത്തുറ ആർഎൽവി കോളജ് ഓഫ് മ്യൂസിക് ആൻഡ് ഫൈൻ ആർട്സിലെ എംഎഫ്എ (റെഗുലർ, സപ്ലിമെന്ററി) ഡിഗ്രി പരീക്ഷകൾ ജൂണ് 16നു ആരംഭിക്കും. അപേക്ഷകൾ ജൂണ് രണ്ടു വരെയും, 50 രൂപ പിഴയോടെ അഞ്ചു വരെയും 500 രൂപ സൂപ്പർഫൈനോടെ ഏഴു വരെയും സ്വീകരിക്കും.
നാലാം സെമസ്റ്റർ ബിഎഡ് (സ്പെഷൽ എഡ്യൂക്കേഷൻ ഇന്റലക്ച്വൽ ഡിസെബിലിറ്റി 2015 അഡ്മിഷൻ, ക്രഡിറ്റ് ആൻഡ് സെമസ്റ്റർ) ഡിഗ്രി പരീക്ഷകൾ ജൂണ് 15 ന് ആരംഭിക്കും. അപേക്ഷകൾ ജൂണ് രണ്ടു വരെയും 50 രൂപ പിഴയോടെ അഞ്ചു വരെയും, 500 രൂപ സൂപ്പർഫൈനോടെ ഏഴു വരെയും സ്വീകരിക്കും. അപേക്ഷകർ 100 രൂപ സിവി ക്യാന്പ് ഫീസായും 100 രൂപ പ്രൊവിഷണൽ സർട്ടിഫിക്കറ്റ് ഫീസായും നിശ്ചിത പരീക്ഷാഫീസിനു പുറമേ അടയ്ക്കണം.
പ്രാക്ടിക്കൽ, പ്രോജക്ട് ആൻഡ് വൈവാവോസി
മൂന്നാം സെമസ്റ്റർ എംപിഎച്ച് (2015 അഡ്മിഷൻ റെഗുലർ, 2015ന് മുന്പുള്ള അഡ്മിഷൻ സപ്ലിമെന്ററി) ഏപ്രിൽ, മേയ് 2017 ഡിഗ്രി പരീക്ഷകളുടെ പ്രൊജക്ട് ഇവാല്യൂവേഷനും വൈവാവോസിയും നാളെ ഗാന്ധിനഗർ എസ്എംഇയിൽ നടത്തും. ടൈംടേബിൾ വെബ്സൈറ്റിൽ.
2017 ഏപ്രിലിൽ നടത്തിയ നാലാം സെമസ്റ്റർ ബിഎസ്സി ഫാമിലി ആൻഡ് കമ്യൂണിറ്റി സയൻസ് പരീക്ഷയുടെ പ്രാക്ടിക്കൽ കോളജുകളിൽ നാളെ മുതൽ നടക്കും.
പിഎച്ച്ഡി നൽകി
എംജി സർവകലാശാല പി.ജെ. രാജു (സിറിയക് ലാംഗ്വേജ്), നിത്യ മറിയം ജോണ്, ആൽവിൻ ജോസഫ് (ഇംഗ്ലീഷ്), എൽ. സുപ്രഭ (ഇക്കണോമിക്സ്) എന്നിവർക്കു പിഎച്ച്ഡി നൽകി.
പരീക്ഷാഫലം
2015 ഒക്ടോബറിൽ നടത്തിയ പ്രീവിയസും ഫൈനലും എംഎസ്സി കെമിസ്ട്രി (മേഴ്സി ചാൻസ് 2001 ന് മുന്പുള്ള അഡ്മിഷൻ) ഡിഗ്രി പരീക്ഷയുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷ ജൂണ് 15 വരെ സ്വീകരിക്കും.
വിഎച്ച്എസ്ഇ അപേക്ഷകരുടെ ശ്രദ്ധയ്ക്ക്
കേരള വൊക്കേഷണൽ ഹയർ സെക്കൻഡറി ബോർഡിൽനിന്നു പ്ലസ് ടു വിജയിച്ചിട്ടുള്ള അപേക്ഷകരിൽ വൊക്കേഷണൽ പേപ്പറുകളുടെയും ജിഎഫ്സിയുടെയും മാർക്കുകൾ ഓണ്ലൈൻ അപേക്ഷയിൽ നൽകേണ്ടതില്ല. അത്തരം അപേക്ഷകർ ഫസ്റ്റ് ലാഗ്വേജ്, കോർ വിഷയങ്ങൾ എന്നിവയുടെ മാർക്കും മാത്രമേ നൽകേണ്ടതുള്ളൂ.