യുജി അഞ്ചാം സെമസ്റ്റർ പുനഃപ്രവേശനം: അപേക്ഷ ക്ഷണിച്ചു
വിദൂരവിദ്യാഭ്യാസം ബിഎ, ബികോം, ബിഎസ് സി മാത്സ്, ബിബിഎ (സിയുസിബിസിഎസ്എസ്) പ്രോഗ്രാമുകൾക്ക് 2011 മുതൽ 2014 വരെപ്രവേശനം നേടി ഒന്നും രണ്ടും മൂന്നും നാലും സെമസ്റ്റർ പരീക്ഷകൾക്ക് അപേക്ഷിച്ച ശേഷം തുടർപഠനം നടത്താനാവാത്ത എസ്ഡിഇ വിദ്യാർഥികൾക്ക് അഞ്ചാം സെമസ്റ്ററിലേക്ക് പുനഃപ്രവേശനം നേടുന്നതിന് ഓണ്ലൈനായി ഓഗസ്റ്റ് പത്ത് വരെ അപേക്ഷിക്കാം. ഗസറ്റഡ് ഓഫീസർ സാക്ഷ്യപ്പെടുത്തിയ അപേക്ഷയുടെ പ്രിന്റൗട്ട്, ചലാൻ, നാലാം സെമസ്റ്റർ പരീക്ഷയുടെ ഹാൾടിക്കറ്റിന്റെ പകർപ്പ്, എസ്ഡിഇ ഐഡി കാർഡ്, ടിസി എന്നിവ സഹിതം എസ്ഡി ഇയിൽ ലഭിക്കേണ്ട അവസാന തിയതി ഓഗസ്റ്റ് 17. വിവരങ്ങൾ വെബ്സൈറ്റിൽ. ഫോണ് : 0494 2407356.
ബിടെക് പ്രൊവിഷണൽ സർട്ടിഫിക്കറ്റ്, മാർക്ക് ലിസ്റ്റ് വിതരണം
ബിടെക് (09 സ്കീം) ഏപ്രിൽ 2017 പരീക്ഷ വിജയിച്ച വിദ്യാർഥികളുടെ പ്രൊവിഷണൽ സർട്ടിഫിക്കറ്റും കണ്സോളിഡേറ്റഡ് മാർക്ക് ലിസ്റ്റും ഓഗസ്റ്റ് ഏഴ് മുതൽ സർവകലാശാലാ ബിടെക് ബ്രാഞ്ചിൽ നിന്നും വിതരണം ചെയ്യും. പൂരിപ്പിച്ച അപേക്ഷ, 400 രൂപ ചലാൻ, ഫോട്ടോ പതിച്ച തിരിച്ചറിയൽ രേഖ സഹിതം ഹാജരാകണം.
രണ്ടാം സെമസ്റ്റർ യുജി സപ്ലിമെന്ററി, ഇംപ്രൂവ്മെന്റ് പരീക്ഷാ അപേക്ഷ: തിയതി നീട്ടി
ഫലം പ്രസിദ്ധീകരിച്ച അഫിലിയേറ്റഡ് കോളജുകളിലെ രണ്ടാം സെമസ്റ്റർ ബികോം, ബിബിഎ, ബിഎച്ച്എ, ബിടിഎച്ച്എം (സിയുസിബിസിഎസ്എസ്), ബി കോം ഓണേഴ്സ് (സിസിഎസ്എസ്) (2014 മുതൽ പ്രവേശനം) വിദ്യാർഥികൾക്ക് സപ്ലിമെന്ററി, ഇംപ്രൂവ്മെന്റ് പരീക്ഷക്ക് അപേക്ഷിക്കാനുള്ള തിയതി പിഴകൂടാതെ 22 വരെയും 150 രൂപ പിഴയോടെ 25 വരെയും നീട്ടി.
പരീക്ഷാ അപേക്ഷ
കാലിക്കട്ട് സർവകലാശാല എംഎസ്സി ബയോടെക്നോളജി (നാഷണൽ സ്ട്രീം) നാലാം സെമസ്റ്റർ പരീക്ഷയ്ക്ക് പിഴകൂടാതെ 22 വരെയും 150 രൂപ പിഴയോടെ 24 വരെയും സാധാരണ ഫോമിൽ അപേക്ഷിക്കാം.
പരീക്ഷ
രണ്ടാം സെമസ്റ്റർ എംബിഎ (സിയുസിഎസ്എസ്) ഇന്റർനാഷണൽ ഫിനാൻസ് റഗുലർ പരീക്ഷ 31നും, ഹെൽത്ത് കെയർ മാനേജ്മെന്റ് റഗുലർ പരീക്ഷ ഓഗസ്റ്റ് ഒന്നിനും ഡോ.ജോണ് മത്തായി സെന്ററിൽ ആരംഭിക്കും.
ഏഴാം സെമസ്റ്റർ ബിടെക്, പാർട്ട്ടൈം ബിടെക് (2009 സ്കീം) സപ്ലിമെന്ററി, ഇംപ്രൂവ്മെന്റ് പരീക്ഷ ഓഗസ്റ്റ് 11ന് ആരംഭിക്കും.