ഫാർമസിസ്റ്റ് തസ്തിക: നിയമന നടപടികൾ റദ്ദാക്കി
2006ലെ പത്രക്കുറിപ്പിലൂടെ കേരള സർവകലാശാല ഹെൽത്ത് സെന്ററിൽ സ്ഥിരനിയമനാടിസ്ഥാനത്തിൽ ഫാർമസിസ്റ്റ് തസ്തികയിലേക്ക് അപേക്ഷ ക്ഷണിച്ചിരുന്നു, എന്നാൽ പ്രസ്തുത നിയമനവുമായി മുന്നോട്ട് പോകേണ്ട തില്ല എന്ന് സർവകലാശാല തീരുമാനമെടുത്തതിന്റെ അടിസ്ഥാനത്തിൽ നിയമന നടപടികൾ റദ്ദ് ചെയ്ത് സർവകലാശാല ഉത്തരവായി. ഇതിലേക്കായി അടച്ച അപേക്ഷാഫീസ് തിരികെ ലഭിക്കാനുള്ള അപേക്ഷകൾ 15 ദിവസത്തിനകം സമർപ്പിക്കണം.
മാർക്ക് ലിസ്റ്റ് കൈപ്പറ്റണം
രണ്ടാം വർഷ ബിഎസ്സി കംപ്യൂട്ടർ സയൻസ്/ ബിസിഎ റെഗുലറായി പരീക്ഷ എഴുതിയ വിദ്യാർഥികളിൽ തിരുവനന്തപുരം ജില്ലയിലെ കേന്ദ്രങ്ങളിൽ പരീക്ഷ എഴുതിയവർ പാളയത്തെ എസ്ഡിഇ ഓഫീസിൽ നിന്നും കൊല്ലം ജില്ലയിലെ കരിക്കോട്, ടികെഎം ആർട്സ് & സയൻസ് കോളജിൽ നിന്നും മറ്റുള്ള ജില്ലകളിലെ കേന്ദ്രങ്ങളിൽ പരീക്ഷ എഴുതിയവർ ചേർത്തല എസ്.എൻ കോളജിൽ നിന്നും 26, 27, 28 തീയതികളിൽ ഹാൾടിക്കറ്റുമായി വന്ന് മാർക്ക് ലിസ്റ്റ് കൈപ്പറ്റണം. സൂക്ഷ്മപരിശോധനയ്ക്കും പുനർമൂല്യനിർണയത്തിനും അപേക്ഷിക്കാനുള്ള അവസാന തീയതി ഓഗസ്റ്റ് 10.
പരീക്ഷാകേന്ദ്രത്തിൽ മാറ്റം
26, 28 തീയതികളിൽ നടത്തുന്ന ബിഎ (ആന്വൽ സ്കീം) മാർച്ച്/ഏപ്രിൽ 2017 പാർട്ട് രണ്ട് പേപ്പർ രണ്ട്, മൂന്ന് പരീക്ഷയ്ക്ക് യൂണിവേഴ്സിറ്റി കോളജ് പരീക്ഷാകേന്ദ്രമായി ഓണ്ലൈനായി അപേക്ഷിച്ചിട്ടുള്ള ബിഎ ഹിസ്റ്ററി, ബിഎ ഇംഗ്ലീഷ് മെയിൻ വിദ്യാർഥികൾ വിദൂരവിദ്യാഭ്യാസ കേന്ദ്രത്തിൽ (എസ്ഡിഇ, പാളയം) പരീക്ഷ എഴുതണം. ഓഫ്ലൈനായി അപേക്ഷിച്ചവർക്ക് പരീക്ഷാകേന്ദ്രത്തിൽ മാറ്റമില്ല.
പി.ജി അഡ്മിഷൻ: ബിരുദ മാർക്ക്/ഗ്രേഡുകൾ വെബ്സൈറ്റിൽ രേഖപ്പെടുത്തണം
വിവിധ പഠനവകുപ്പുകളിലേക്ക് 201718 അധ്യയന വർഷത്തിലെ ബിരുദാനന്തര ബിരുദ പ്രവേശനത്തിനുള്ള മത്സരപരീക്ഷ എഴുതിയവരുടെ പരീക്ഷാഫലം സർവകലാശാലയുടെ അഡ്മിഷൻ വെബ്സൈറ്റിൽ ലോഗിൻ ചെയ്ത് അറിയുകയും 27ന് മുന്പ് തങ്ങളുടെ ബിരുദതലത്തിലെ മാർക്ക്/ഗ്രേഡ് പ്രസ്തുത വെബ്സൈറ്റിൽ രേഖപ്പെടുത്തുകയും വേണം.
എംഎഎസ്എൽപി: അപേക്ഷകൾ ക്ഷണിച്ചു
അഫിലിയേറ്റ് ചെയ്തിട്ടുള്ള നാഷണൽ ഇൻസ്റ്റിറ്റ്യൂട്ട് ഓഫ് സ്പീച്ച് & ഹിയറിംഗ് (ചകടഒ) ൽ 201718 അധ്യയന വർഷത്തിൽ എംഎഎസ്എൽപി കോഴ്സിലേക്കുള്ള അപേക്ഷ ക്ഷണിച്ചു. വിശദവിവരങ്ങൾ വെബ്സൈറ്റിൽ ലഭിക്കും.
പി.ജി ഓണ്ലൈൻ രജിസ്ട്രേഷൻ ആരംഭിച്ചു
അഫിലിയേറ്റ് ചെയ്തിട്ടുള്ള സർക്കാർ, എയ്ഡഡ്, സ്വാശ്രയ കോളജുകൾ/ സെന്ററുകൾ എന്നിവിടങ്ങളിലെ ഒന്നാം വർഷ ബിരുദാനന്തര ബിരുദ പ്രവേശനത്തിനുള്ള (201718) ഓണ്ലൈൻ രജിസ്ട്രേഷൻ ആരംഭിച്ചു. വിശദവിവരങ്ങൾ വെബ്സൈറ്റിൽ ലഭിക്കും.
ഒന്നാം വർഷ ബിരുദ പ്രവേശനം2017:ഓണ്ലൈൻ അപേക്ഷയിൽ തിരുത്തലിന് 24 മുതൽ അവസരം
അഫിലിയേറ്റ് ചെയ്തിട്ടുള്ള ആർട്സ് ആൻഡ് സയൻസ് കോളജുകളിൽ (ഗവ, എയ്ഡഡ്, സ്വാശ്രയ, ഐഎച്ച്ആർഡി) ഒന്നാം വർഷ ബിരുദ പ്രവേശനത്തിന് അപേക്ഷിച്ചിട്ടുള്ള വിദ്യാർഥികൾക്ക് ഓണ്ലൈൻ അപേക്ഷയിൽ മാറ്റം (തിരുത്തൽ) വരുത്തുവാൻ അവസരം നൽകുന്നു. 27വരെ വൈകുന്നേരം അഞ്ച്വരെ സ്വന്തം ഓണ്ലൈൻ അപേക്ഷയിൽ മാറ്റങ്ങൾ വരുത്താം. പുതിയ ഓപ്ഷനുകൾ ചേർക്കാനും ഹയർ ഓപ്ഷനുകൾ ക്യാൻസൽ ചെയ്യാനും ഓപ്ഷനുകൾ പുന:ക്രമീകരിക്കുന്നതിനും ഓണ്ലൈൻ അപേക്ഷയിൽ എന്തെങ്കിലും തിരുത്തലുകൾ വരുത്തുവാനും ഉണ്ടെ ങ്കിൽ ഈ അവസരം പ്രയോജനപ്പെടുത്താം. 27നു വൈകുന്നേരം അഞ്ചിന് ഓണ്ലൈൻ അപേക്ഷയിൽ യാതൊരു വിധത്തിലുള്ള തിരുത്തലുകളും ഒരു കാരണവശാലും അനുവദിക്കുന്നതല്ല. ഓരോ കോളജുകളിലും നിലവിലുള്ള ഒഴിവുകളും ഏറ്റവും ഒടുവിൽ പ്രവേശനം ലഭിച്ച കുട്ടിയുടെ ഇൻഡക്സ് മാർക്ക് വെബ്സൈറ്റിൽ പ്രസിദ്ധപ്പെടുത്തും. വിദ്യാർഥികൾക്ക് തങ്ങളുടെ ഇൻഡക്സ് മാർക്ക് ഈ വിവരവുമായി താരതമ്യപ്പെടുത്തി തങ്ങൾക്ക് പ്രയോജനപ്പെടുന്ന രീതിയിൽ ഓപ്ഷനുകൾ ക്രമീകരിക്കാം. ഇത്തരത്തിൽ വരുത്തിയ മാറ്റങ്ങൾ എല്ലാം പരിഗണിച്ച് 31ന് നാലാം സപ്ലിമെന്ററി അലോട്ട്മെന്റ് പ്രസിദ്ധപ്പെടുത്തും. ഒന്നാം ഓപ്ഷൻ തന്നെ ലഭിച്ച വിദ്യാർഥികൾക്ക് തിരുത്തലിന് അവസരം ഇല്ല. പ്രവേശനം നേടിക്കഴിഞ്ഞ വിദ്യാർഥികൾക്ക് ഹയർ ഓപ്ഷനുകളിൽ മാറ്റം വരുത്താം. ഇപ്പോൾ ലഭിച്ച കോളജ്, കോഴ്സ് എന്നിവയിൽ തൃപ്തരാണെങ്കിൽ ഹയർ ഓപ്ഷനുകൾ ക്യാൻസൽ ചെയ്യണം.
എൽഎൽബി പരീക്ഷ
ത്രിവത്സര എൽഎൽബി കോഴ്സിന്റെ ആറാം സെമസ്റ്റർ യൂണിറ്ററി പരീക്ഷകൾ ഓഗസ്റ്റ് 11ന് ആരംഭിക്കും. പരീക്ഷകൾക്ക് 31വരെ, 50 രൂപ പിഴയോടെ ഓഗസ്റ്റ് രണ്ട് വരെ ഫീസടച്ച് അപേക്ഷിക്കാം. ഓണ്ലൈൻ രജിസ്ട്രേഷൻ 25ന് ആരംഭിക്കും.
ലക്ചറർ : അപേക്ഷ ക്ഷണിച്ചു
കൊമേഴ്സ് പഠനവകുപ്പിൽ കരാറടിസ്ഥാനത്തിൽ ലക്ചറർ നിയമനത്തിന് അപേക്ഷ ക്ഷണിച്ചു. അവസാന തീയതി ഓഗസ്റ്റ് നാല്. വിശദവിവരങ്ങൾ വെബ്സൈറ്റിൽ ലഭിക്കും.
എംടെക് ഫലം
സെപ്റ്റംബറിൽ നടത്തിയ ഒന്നാം സെമസ്റ്റർ (ഫുൾടൈം & പാർട്ട്ടൈം 2008 സ്കീം)/ മൂന്നാം സെമസ്റ്റർ (പാർട്ട്ടൈം 2008 സ്കീം) സപ്ലിമെന്ററി, രണ്ടാം സെമസ്റ്റർ (ഫുൾടൈം & പാർട്ട്ടൈം 2013 സ്കീം) സപ്ലിമെന്ററി, നാലാം സെമസ്റ്റർ (പാർട്ട്ടൈം 2013 സ്കീം) റഗുലർ & സപ്ലിമെന്ററി, ഒന്നാം സെമസ്റ്റർ (ഫുൾടൈം & പാർട്ട്ടൈം 2003 സ്കീം)/മൂന്നാം സെമസ്റ്റർ (പാർട്ട്ടൈം 2003 സ്കീം) എംടെക് ഡിഗ്രി മേഴ്സി ചാൻസ് പരീക്ഷകളുടെ ഫലം പ്രസിദ്ധീകരിച്ചു. റിസൾട്ട് കോപ്പി വെബ്സൈറ്റിലും അതാത് കോളജുകളിലും ഓഗസ്റ്റ് 14 വരെ ലഭിക്കും. സൂക്ഷ്മപരിശോധനയ്ക്ക് അപേക്ഷിക്കേണ്ട അവസാന തീയതി ഓഗസ്റ്റ് ഒന്പത്.