ഒന്നാം വർഷ ബിരുദ പ്രവേശനം - 2017: എസ്സി/എസ്ടി സ്പോട്ട് അലോട്ട്മെന്റ് ഒന്പതിന
201718ലെ ഒന്നാം വർഷ ബിരുദ പ്രവേശനവുമായി ബന്ധപ്പെട്ട് ഒഴിവുള്ള എസ്സി/എസ്ടി സീറ്റുകളിലേയ്ക്ക് മേഖലാതലത്തിൽ സ്പോട്ട് അലോട്ട്മെന്റ് നടത്തുന്നു. ആലപ്പുഴ മേഖലയിലുള്ള കോളജുകളിൽ ഓപ്ഷൻ നൽകിയിട്ടുള്ള വിദ്യാർഥികൾ ആലപ്പുഴ എസ്ഡി കോളജിലും, തിരുവനന്തപുരം മേഖലയിലുള്ള കോളജുകളിൽ ഓപ്ഷൻ നൽകിയിട്ടുള്ള വിദ്യാർഥികൾ സർവകലാശാല സെനറ്റ് ഹാളിലും ഒന്പതിന് ഹാജരാകണം. കൊല്ലം മേഖലയിലുള്ള കോളജുകളിൽ ഓപ്ഷൻ നൽകിയിട്ടുള്ള വിദ്യാർഥികൾ കൊല്ലം എസ്.എൻ.കോളജിലും അടൂർ മേഖലയിലുള്ള കോളജുകളിൽ ഓപ്ഷൻ നൽകിയിട്ടുള്ള വിദ്യാർഥികൾ അടൂർ സെന്റ് സിറിൾസ് കോളജിലും 10ന് ഹാജരാകണം.
രാവിലെ ഒന്പതു മുതൽ 11 വരെ എസ്സി/എസ്ടി വിദ്യാർഥികൾ ഓണ്ലൈൻ അപേക്ഷയുടെ പ്രിന്റ് ഔട്ട് സഹിതം ഹാജരായി റിപ്പോർട്ട് ചെയ്യണം. പ്രിന്റൗട്ട് കൈവശമില്ലാതെ വരുന്ന വിദ്യാർഥികളെ പരിഗണിക്കുന്നതല്ല. നിലവിൽ കോളജുകളിൽ പഠിച്ചുകൊണ്ടിരിക്കുന്ന വിദ്യാർഥികൾ സ്പോട്ട് അലോട്ട്മെന്റിൽ പ്രവേശനം ഉറപ്പായാൽ മാത്രമേ ടിസിവാങ്ങുവാൻ പാടുള്ളൂ. ഇതുവരെ പ്രവേശനം ലഭിക്കാതെ സ്പോട്ട് അലോട്ട്മെന്റിൽ പങ്കെടുക്കാൻ വരുന്ന വിദ്യാർഥികളുടെ കൈവശം യോഗ്യതയും ജാതിയും തെളിയിക്കുന്ന അസൽ സർട്ടിഫിക്കറ്റുകൾ ഉണ്ടായിരിക്കണം. സ്പോട്ട് അലോട്ട്മെന്റിൽ പങ്കെടുക്കാൻ വരുന്ന ആർക്കും തന്നെ സർട്ടിഫിക്കറ്റ് ഹാജരാക്കുവാൻ പ്രത്യേക സമയം അനുവദിക്കുന്നതല്ല. കോളജും കോഴ്സും അലോട്ട് ചെയ്തു കഴിഞ്ഞാൽ യാതൊരു കാരണവശാലും മാറ്റം അനുവദിക്കുകയില്ല. രജിസ്ട്രേഷൻ സമയം (രാവിലെ 9 മുതൽ 11 മണി വരെ) കഴിഞ്ഞു വരുന്നവരെ ഒരു കാരണവശാലും പരിഗണിക്കില്ല. ഓരോ മേഖലയിലും ഉൾപ്പെടുത്തിയിരിക്കുന്ന കോളജുകളുടേയും അതത് കോളജുകളിൽ ഒഴിവുള്ള സീറ്റുകളുടെയും വിശദവിവരം സർവകലാശാല വെബ്സൈറ്റിൽ പ്രസിദ്ധീകരിച്ചിട്ടുണ്ട്. രജിസ്ട്രേഷൻ സമയത്ത് റിപ്പോർട്ട് ചെയ്യുന്ന വിദ്യാർത്ഥികളിൽ നിന്നും സർവകലാശാല തയാറാക്കുന്ന റാങ്ക് പട്ടികയുടെ അടിസ്ഥാനത്തിലാണ് പ്രവേശനം നടക്കുക. രജിസ്ട്രേഷൻ ഇല്ലാത്തവരേയും ഓണ്ലൈൻ അപേക്ഷ സമർപ്പിച്ചിട്ടില്ലാത്തവരെയും യാതൊരു കാരണവശാലും ഈ അലോട്ട്മെന്റിൽ പരിഗണിക്കില്ല. അലോട്ട്മെന്റ് ലഭിച്ചാൽ ഉടൻ തന്നെ ഒടുക്കേണ്ട തായ പ്രവേശന ഫീസ് (840/ രൂപ) കൈയിൽ കരുതണം. ഇതിനായി കൂടുതൽ സമയം അനുവദിക്കുന്നതല്ല. നിലവിൽ കോളജുകളിൽ പഠിച്ചുകൊണ്ടിരിക്കുന്ന വിദ്യാർഥികൾ കോളജിൽ നിന്നും ലഭിച്ച തിരിച്ചറിയൽ കാർഡ്, ഓണ്ലൈൻ അപേക്ഷയുടെ പ്രിന്റൗട്ട് എന്നിവ നിർബന്ധമായും ഹാജരാക്കണം. പ്രവേശന ഫീസായ 840/ രൂപ മുൻപ് ഒടുക്കിയിട്ടുള്ള വിദ്യാർഥികൾ വീണ്ടും ഈ തുക ഒടുക്കേണ്ട തില്ല. അവർ ഈ തുക ഒടുക്കിയ രസീതിന്റെ പകർപ്പ് കൈവശം സൂക്ഷിക്കണം.
ബിഎസ്സി പ്രാക്ടിക്കൽ, പ്രോജക്ട് & വൈവ പരീക്ഷ
വിദൂര വിദ്യാഭ്യാസ വിഭാഗം 16 മുതൽ ആരംഭിക്കുന്ന അവസാന വർഷ ബിഎസ്സി കംപ്യൂട്ടർ സയൻസ്/ബിസിഎ പ്രാക്ടിക്കൽ, പ്രോജക്ട് & വൈവ പരീക്ഷ പാളയം എസ്ഡിഇ, കൊല്ലം മുളങ്കാടകം യുഐടി, ആലപ്പുഴ യുഐടി എന്നീ സെന്ററുകളിൽ നടത്തുന്നു. വിശദവിവരങ്ങൾ വെബ്സൈറ്റിൽ ലഭിക്കും.
ഇന്റർവ്യു മാറ്റി
യുഐടികളിലേക്ക് ബിസിനസ് മാനേജ്മെന്റ് വിഷയത്തിൽ കോണ്ട്രാക്ട് ലക്ചറർ തസ്തികയിലേക്ക് ഒന്പതിന് നടത്താനിരുന്ന ഇന്റർവ്യൂ 16ലേക്ക് മാറ്റി.
എംഎസ്സി ടൈംടേബിൾ
വിദൂരവിദ്യാഭ്യാസ പഠനകേന്ദ്രം 21 മുതൽ നടത്തുന്ന ഒന്നാം സെമസ്റ്റർ എംഎസ്സി കംപ്യൂട്ടർ സയൻസ് സപ്ലിമെന്ററി പരീക്ഷയുടെ വിശദമായ ടൈംടേബിൾ വെബ്സൈറ്റിൽ ലഭിക്കും.