പ്രോവിഡൻസ് കോളജ് കേന്ദ്രം ബികോം, ബിബിഎ പരീക്ഷാർഥികളുടെ ശ്രദ്ധയ്ക്ക്
16 ന് തുടങ്ങിയ വിദൂരവിദ്യാഭ്യാസം രണ്ടാം സെമസ്റ്റർ ബികോം, ബിബിഎ റഗുലർ, സപ്ലിമെന്ററി, ഇംപ്രൂവ്മെന്റ് (സിയുസിബിസിഎസ്എസ്) പരീക്ഷയ്ക്ക് കോഴിക്കോട് പ്രൊവിഡൻസ് കോളജ് കേന്ദ്രമായി ഹാൾടിക്കറ്റ് ലഭിച്ചവർ അതേ ഹാൾടിക്കറ്റുമായി 21, 22 തീയതികളിലെ പരീക്ഷയ്ക്ക് കോഴിക്കോട്, ഈസ്റ്റ് നടക്കാവ് ഹോളിക്രോസ് ഇൻസ്റ്റിട്ട്യൂട്ട് ഓഫ് മാനേജ്മെന്റ് ആൻഡ് ടെക്നോളജിയിലാണ് ഹാജരാകേണ്ടത്.
എംസിഎ പ്രവേശനം രണ്ടാംഘട്ട അലോട്ട്മെന്റ് 18ന്
കാലിക്കട്ട് സർവകലാശാലയുടെ സിസിഎസ്ഐടി കേന്ദ്രങ്ങളിൽ എംസിഎ പ്രവേശനം രണ്ടാം കൗണ്സലിംഗ്, അലോട്ട്മെന്റ് 18ന് നടക്കും. എംസിഎ പ്രവേശന റാങ്ക് ലിസ്റ്റിലുൾപ്പെട്ട അപേക്ഷകർ രാവിലെ 10.30ന് സർവകലാശാലാ സെമിനാർ കോംപ്ലക്സിൽ ഹാജരാവണം. നേരത്തെ നടന്ന അഭിമുഖത്തിൽ പങ്കെടുത്ത് പ്രവേശനം ലഭിക്കാത്തവർക്കും പങ്കെടുക്കാം.
എംഎസ് സി കംപ്യൂട്ടർ സയൻസ് രണ്ടാംഘട്ട അലോട്ട്മെന്റ്
എംഎസ് സി കംപ്യൂട്ടർ സയൻസ് പ്രവേശനം രണ്ടാംഘട്ട അലോട്ട്മെന്റ് 21ന് രാവിലെ 10ന് സർവകലാശാലാ സെമിനാർ കോംപ്ലക്സിൽ നടക്കും. കോളജുകൾ തിരിച്ചുള്ള ഒഴിവുവിവരം www.cuonline.ac.in വെബ്സൈറ്റിൽ. ഫോണ് : 0494 2407325.
പരീക്ഷ
ഒന്പതാം സെമസ്റ്റർ ബിബിഎഎൽഎൽബി (2011 സ്കീം) റഗുലർ, സപ്ലിമെന്ററി പരീക്ഷ 29ന് ആരംഭിക്കും.
കോളജ്, വിദൂരവിദ്യാഭ്യാസം, പ്രൈവറ്റ് മോഡിലുള്ള രണ്ടാം സെമസ്റ്റർ ബിഎ, ബിഎസ് സി, ബിഎ അഫ്സൽഉൽഉലമ, ബിഎസ്ഡബ്ല്യൂ, ബിവിസി, ബിഎംഎംസി, ബിടിഎഫ്പി, ബിസിഎ (സിയുസിബിസിഎസ്എസ്) റഗുലർ, സപ്ലിമെന്ററി, ഇംപ്രൂവ്മെന്റ് പരീക്ഷ സെപ്റ്റംബർ 25ന് ആരംഭിക്കും.
പരീക്ഷാ അപേക്ഷ
ഈയടുത്ത് ഫലം പ്രസിദ്ധീകരിച്ച വിദൂരവിദ്യാഭ്യാസം, പ്രൈവറ്റ് മോഡിലുള്ള രണ്ടാം സെമസ്റ്റർ ബിഎംഎംസി (സിയുസിബിസിഎസ്എസ്) വിദ്യാർഥികൾക്ക് സപ്ലിമെന്ററി, ഇംപ്രൂവ്മെന്റ് പരീക്ഷയ്ക്ക് പിഴകൂടാതെ 22 വരെയും 150 രൂപ പിഴയോടെ 24 വരെയും അപേക്ഷിക്കാം.
ബിഎസ് സി, ബിസിഎ പുനർമൂല്യനിർണയ അപേക്ഷ
ഫലം പ്രസിദ്ധീകരിച്ച രണ്ടാം സെമസ്റ്റർ ബിഎസ് സി, ബിസിഎ (സിയുസിബിസിഎസ്എസ്) റഗുലർ, സപ്ലിമെന്ററി, ഇംപ്രൂവ്മെന്റ് ഏപ്രിൽ 2016 പരീക്ഷയുടെ പുനർമൂല്യനിർണയത്തിന് 26 വരെ അപേക്ഷിക്കാം. പ്രിന്റൗട്ട് ചലാൻ സഹിതം 30നകം ലഭിക്കണം.
പരീക്ഷാഫലം
2016 ഡിസംബറിൽ നടത്തിയ ഒന്ന്, മൂന്ന് സെമസ്റ്റർ എംഎ ഇക്കണോമിക്സ്, എംഎ അപ്ലൈഡ് ഇക്കണോമിക്സ് (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 30 വരെ അപേക്ഷിക്കാം.
വിദൂരവിദ്യാഭ്യാസം രണ്ടാം സെമസ്റ്റർ ബിഎംഎംസി (സിയുസിബിസിഎസ്എസ്) റഗുലർ, സപ്ലിമെന്ററി, ഇംപ്രൂവ്മെന്റ് ഏപ്രിൽ 2016 പരീക്ഷാ ഫലം വെബ്സൈറ്റിൽ. പുനർമൂല്യനിർണയത്തിന് 27 വരെ അപേക്ഷിക്കാം. പ്രിന്റൗട്ട് സെപ്റ്റംബർ രണ്ടിനകം ലഭിക്കണം.
അറബിക്ഇംഗ്ലീഷ് ട്രാൻസ്ലേഷൻ കോഴ്സ്
ഇസ്ലാമിക് ചെയർ നടത്തുന്ന അറബിക്ഇംഗ്ലീഷ് ട്രാൻസ്ലേഷൻ പരിശീലനം 19ന് ആരംഭിക്കും. മൂന്ന് മാസത്തെ സർട്ടിഫിക്കറ്റ് കോഴ്സിൽ ചേരാനാഗ്രഹിക്കുന്നവർ ബന്ധപ്പെടുക. ഫോണ് : 9847729601/9605193618.
ബിഎസ് സി കെമിസ്ട്രി എക്സാമിനേഴ്സ് മീറ്റിംഗ്
നാലാം സെമസ്റ്റർ ബിഎസ്സി കെമിസ്ട്രി ഏപ്രിൽ 2017 പ്രാക്ടിക്കൽ പരീക്ഷയുടെ എക്സാമിനേഴ്സ് മീറ്റിംഗിന് പാലക്കാട് ജില്ലയിലെ അധ്യാപകർ 21ന് പാലക്കാട് ഗവണ്മെന്റ് വിക്ടോറിയ കോളജിൽ രാവിലെ 10ന് ഹാജരാകണം.
സ്പോർട്സ് ഹോസ്റ്റൽ മെസ് നടത്താൻ അപേക്ഷ ക്ഷണിച്ചു
കാലിക്കട്ട് സർവകലാശാലാ സ്പോർട്സ് ഹോസ്റ്റലിൽ മെസ് നടത്താൻ താത്പ്പര്യമുള്ളവരിൽ നിന്നും ക്വട്ടേഷൻ ക്ഷണിച്ചു. അപേക്ഷ ഫോം 29ന് ഉച്ചയ്ക്ക് 12ന് പ്ലാനിംഗ് ആൻഡ് ഡവലപ്മെന്റ് വിഭാഗത്തിൽ നിന്ന് ലഭിക്കും. വിവരങ്ങൾ സർവകലാശാലാ വെബ്സൈറ്റിൽ. (www.universityofcalicut.info).