എംഎസ് സി ഫുഡ് സയൻസ് സീറ്റ് ഒഴിവ്
സ്വാശ്രയ എംഎസ് സി ഫുഡ് സയൻസ് ആൻഡ് ടെക്നോളജിക്ക് എൻട്രൻസ് വിഭാഗത്തിൽ സീറ്റുകൾ ഒഴിവുണ്ട്. യോഗ്യത: 50% മാർക്കിൽ കുറയാത്ത സയൻസ് ബിരുദം, ബിരുദം അഥവാ പ്ലസ്ടു തലത്തിൽ ഗണിതം ഒരു വിഷയമായി പഠിച്ചിരിക്കണം. സ്വയം സാക്ഷ്യപ്പെടുത്തിയ സർട്ടിഫിക്കറ്റുകളുടെ പകർപ്പുകൾ, അപേക്ഷാ ഫീസ് 500 രൂപ, ഫോട്ടോ എന്നിവ സഹിതം 22ന് രാവിലെ പത്തിന് സർവകലാശാലാ കാന്പസിലെ സ്കൂൾ ഓഫ് ഹെൽത്ത് സയൻസസിൽ ഹാജരാകണം. ഫോണ് : 0494 2407345.
പിജി പ്രവേശനം
18ന് പൊതുഅവധിയും, 19ന് സർവകലാശാലാ പരിധിയിൽ വരുന്ന ചില ജില്ലകളിൽ വിദ്യാഭ്യാസ സ്ഥാപനങ്ങൾക്ക് അവധിയുമായിരുന്നതിനാൽ ഏകജാലക പിജി സപ്ലിമെന്ററി അലോട്ട്മെന്റിന് ശേഷം വിവിധ പ്രോഗ്രാമുകളിൽ ഒഴിവുള്ള എസ് സി/എസ്ടി/ബിപിഎൽ (മുന്നോക്ക വിഭാഗം) ഒഴികെയുള്ള സീറ്റുകളിൽ പ്രവേശനത്തിന് റാങ്ക് ലിസ്റ്റിലുൾപ്പെട്ടവർക്ക് 22ന് ഉച്ചയ്ക്ക് ഒന്ന് വരെ ഡിപ്പാർട്ടുമെന്റ്/കോളജുകളിൽ റിപ്പോർട്ട് ചെയ്യുന്നതിനുള്ള അവസരമുണ്ടാകും. റിപ്പോർട്ടുചെയ്തവരെ ഉൾപ്പെടുത്തി 22ന് മൂന്നിന് പ്രസിദ്ധീകരിക്കുന്ന റാങ്ക് ലിസ്റ്റിൽ നിന്ന് 25, 26 തിയതികളിൽ ഡിപ്പാർട്ടുമെന്റ്/കോളജുകൾ പ്രവേശനം നൽകും. 26ന് ശേഷം പിജി പ്രവേശനം അവസാനിക്കുന്ന തിയതി വരെ ഉണ്ടാവുന്ന ഒഴിവുകളിലേക്കും 22ന് ഡിപ്പാർട്ടുമെന്റ്/കോളജ് തയ്യാറാക്കുന്ന റാങ്ക് ലിസ്റ്റിൽ നിന്ന് പ്രവേശനം നൽകും.
ഹാൾടിക്കറ്റ്
25ന് ആരംഭിക്കുന്ന വിദൂരവിദ്യാഭ്യാസം/പ്രൈവറ്റ് രജിസ്ട്രേഷൻ രണ്ടാം സെമസ്റ്റർ (സിയുസിബിസിഎസ്എസ്) ബിഎ/ബിഎസ് സി/ബിഎ അഫ്സൽ ഉൽ ഉലമ/ബിഎപിഒടി/ബിഎംഎംസി റഗുലർ/സപ്ലിമെന്ററി/ഇംപ്രൂവ്മെന്റ് പരീക്ഷാ ഹാൾടിക്കറ്റുകൾ വെബ്സൈറ്റിൽ.
നാലാം സെമസ്റ്റർ പിജി വൈവാ വോസി
നാലാം സെമസ്റ്റർ എംഎ ഇംഗ്ലീഷ്/മലയാളം, എംകോം (സിയുസിബിസിഎസ്എസ്) ജൂലൈ 2017 പരീക്ഷയുടെ ഭാഗമായ ഡെസർട്ടേഷൻ മൂല്യനിർണയവും വൈവാ വോസിയും 25 മുതൽ അതത് കോളജിൽ നടക്കും. നാലാം സെമസ്റ്റർ എംഎ സംസ്കൃതം (സിയുസിഎസ്എസ്) ഡെസർട്ടേഷൻ മൂല്യനിർണയവും വൈവാ വോസിയും 22, 23 തിയതികളിലും, വിദൂരവിദ്യാഭ്യാസം എംഎ സംസ്കൃതം മേയ് 2017 പരീക്ഷയുടെ വൈവാ വോസി ഒക്ടോബർ 10നും പട്ടാന്പി എസ്എൻജിഎസ് കോളജിൽ നടക്കും. ഷെഡ്യൂൾ വെബ്സൈറ്റിൽ.
അഫ്സൽഉൽഉലമ പ്രിലിമിനറി സപ്ലിമെന്ററി പരീക്ഷാ കേന്ദ്രം
27ന് ആരംഭിക്കുന്ന രണ്ടാം വർഷ അഫ്സൽഉൽഉലമ പ്രിലിമിനറി സപ്ലിമെന്ററി (2005, 2008 പ്രവേശനം) പരീക്ഷയുടെ ഹാൾടിക്കറ്റുകൾ അതത് പരീക്ഷാ കേന്ദ്രങ്ങളിൽ നിന്ന് 22 മുതൽ വിതരണം ചെയ്യും. താഴെ കൊടുത്ത കോളജുകൾ പരീക്ഷാ കേന്ദ്രമായി അപേക്ഷിച്ചവർ ബ്രാക്കറ്റിൽ കാണുന്ന കേന്ദ്രത്തിൽ നിന്നും ഹാൾടിക്കറ്റ് കൈപ്പറ്റി അവിടെ തന്നെ പരീക്ഷയ്ക്ക് ഹാജരാകണം.
മോങ്ങം അൻവാറുൽ ഇസ്ലാം വിമൻസ് അറബിക് കോളജ്, പുളിക്കൽ മദീനത്തുൽ ഉലൂം അറബിക് കോളജ് (ഫറോക്ക് റൗളത്തുൽ ഉലും അറബിക് കോളജ്), കരുവാരക്കുണ്ട് ദാറുന്നജാത്ത് അറബിക് കോളജ്, എടവണ്ണ ജാമിയ നദ്വിയ്യ ആർട്സ് ആൻഡ് സയൻസ് കോളജ്, വാഴക്കാട് ദാറുൽ ഉലൂം അറബിക് കോളജ്, ചേന്നമംഗലൂർ സുന്നിയ അറബിക് കോളജ് (അരീക്കോട് സുല്ലമുസ്സലാം അറബിക് കോളജ്), പേരാന്പ്ര സികെജി മേമ്മോറിയൽ ഗവ. കോളജ്, മടപ്പള്ളി ഗവ. കോളജ്, മൊകേരി ഗവണ്മെന്റ് കോളജ് (കടമേരി റഹ്മാനിയ അറബിക് കോളജ്), ആലങ്കോട് അസബ അറബിക് കോളജ്, പൊന്നാനി എംഇഎസ് കോളജ്, തിരൂരങ്ങാടി പിഎസ്എംഒ കോളജ്, തിരൂരങ്ങാടി കെഎംഎംഎംഒ കോളജ് (വളവന്നൂർ അൻസാർ അറബിക് കോളജ്), തിരൂർക്കാട് ഇലാഹിയ അറബിക് കോളജ് (തിരൂർക്കാട് അൻവാറുൽ ഇസ്ലാം അറബിക് കോളജ്), പുല്ലേപ്പടി ദാറുൽ ഉലൂം വിഎച്ച്എസ്എസ് (തൃശൂർ സെന്റ് തോമസ് കോളജ്), മണ്ണാർക്കാട് എംഇഎസ് കല്ലടി കോളജ്, ഒറ്റപ്പാലം മർക്കസ് ഓറിയന്റൽ അറബിക് കോളജ്, പാലക്കാട്കരിങ്ങനാട് സലഫിയ അറബിക് കോളജ്, പാലക്കാട് ഗവ. വിക്ടോറിയ കോളജ് (ഒറ്റപ്പാലം മർക്കസ് ഓറിയന്റൽ അറബിക് കോളജ്). മറ്റ് പരീക്ഷകൾക്ക് മാറ്റമില്ല.
പരീക്ഷാ അപേക്ഷ
എട്ടാം സെമസ്റ്റർ ബിടെക്/പാർട്ട് ടൈം ബിടെക് (2009 സ്കീം) സപ്ലിമെന്ററി/ഇംപ്രൂവ്മെന്റ് പരീക്ഷക്ക് പിഴകൂടാതെ ഒക്ടോബർ മൂന്ന് വരെയും 150 രൂപ പിഴയോടെ ഒക്ടോബർ ആറ് വരെയും അപേക്ഷിക്കാം.
പരീക്ഷ
പിജി ഡിപ്ലോമ ഇൻ കൗണ്സലിംഗ് റഗുലർ/സപ്ലിമെന്ററി പരീക്ഷ 25ന് നടക്കും.
ബിഎഡ് ഇന്റേർണൽ മാർക്ക്
രണ്ടാം സെമസ്റ്റർ ബിഎഡ് (2016 പ്രവേശനം) റഗുലർ പരീക്ഷയുടെ ഇന്റേർണൽ മാർക്ക് അപ് ലോഡ് ചെയ്യാനുള്ള ലിങ്ക് ഒക്ടോബർ മൂന്ന് വരെ ലഭ്യമാവും.
ദേശീയ മാനേജ്മെന്റ് മീറ്റ്അസന്റ് 2കെ17 ന് വർണാഭമായ തുടക്കം
തേഞ്ഞിപ്പലം: ദേശീയ മാനേജ്മെന്റ് മീറ്റ്അസന്റ് 2കെ17ന് കാലിക്കട്ട് സർവകലാശാലയിൽ വർണാഭമായ തുടക്കം. സുവർണ ജൂബിലി ആഘോഷങ്ങളുടെ ഭാഗമായി സംഘടിപ്പിച്ച ദേശീയ മീറ്റിന്റെ ഉദ്ഘാടനം വൈസ് ചാൻസലർ ഡോ.കെ. മുഹമ്മദ് ബഷീർ നിർവഹിച്ചു.
പ്രമുഖ സംരംഭകനും സംസ്ഥാന യുവസംരംഭകത്വ പുരസ്കാര ജേതാവുമായ വരുണ് ചന്ദ്രൻ മുഖ്യപ്രഭാഷണം നടത്തി. പാഠപുസ്തകത്തിനപ്പുറത്തെ അറിവ് നേടുന്നതിലൂടെ മാത്രമേ തൊഴിൽക്ഷമത മെച്ചപ്പെടുത്താൻ സാധ്യമാവുകയുള്ളൂ എന്ന് അദ്ദേഹം പറഞ്ഞു. അക്കാദമിക മികവുകൊണ്ട് മാത്രം മികച്ച തൊഴിലുകൾ നേടാൻ കഴിയില്ലെന്നത് തിരിച്ചറിയണമെന്നും അദ്ദേഹം പറഞ്ഞു. ചടങ്ങിൽ മാനേജ്മെന്റ് വകുപ്പ് മേധാവി ഡോ.ബി. ജോണ്സണ് അധ്യക്ഷത വഹിച്ചു. എം.ആർ. ഫ്രാൻസിസ്, ഡോ.എം.എ. ജോസഫ്, അസന്റ് പ്രോഗ്രാം കോഓർഡിനേറ്റർ ഡോ.ബി. വിജയചന്ദ്രൻ പിള്ള, കണ്വീനർ കെ.സി. ഹിദായത്ത് എന്നിവർ പ്രസംഗിച്ചു.
വിദൂരവിദ്യാഭ്യാസ വിഭാഗത്തിൽ 26 അസിസ്റ്റന്റ് പ്രഫസർ നിയമനം
തേഞ്ഞിപ്പലം: കാലിക്കട്ട് സർവകലാശാലാ വിദൂരവിദ്യാഭ്യാസ വിഭാഗത്തിലേക്ക് 26 താത്കാലിക അസിസ്റ്റന്റ് പ്രഫസർമാരുടെ തസ്തികയിലേക്ക് ഓണ്ലൈൻ അപേക്ഷ ക്ഷണിച്ചു. അവസാന തിയതി 28. വിശദവിവരങ്ങൾ സർവകലാശാലാ വെബ്സൈറ്റിൽ.
കംപ്യൂട്ടർ ഹാർഡ് വെയർ വിദഗ്ധൻ: വാക്ഇൻഇന്റർവ്യൂ
തേഞ്ഞിപ്പലം: കാലിക്കട്ട് സർവകലാശാല യുജിസി ഹ്യൂമണ് റിസോഴ്സ് ഡവലപ്മെന്റ് സെന്ററിൽ (അക്കാഡമിക് സ്റ്റാഫ് കോളജ്) ദിവസവേതന നിരക്കിൽ കംപ്യൂട്ടർ ഹാർഡ് വെയർ സാങ്കേതിക വിദഗ്ധനെ നിയമിക്കുന്നതിന് ഒക്ടോബർ അഞ്ചിന് രാവിലെ 11ന് വാക്ഇൻഇന്റർവ്യൂ നടക്കും. യോഗ്യത: പിജിഡിസിഎ/ഇലക്ട്രോണിക്സ്/കംപ്യൂട്ടർ ഹാർഡ് വെയറിൽ ത്രിവത്സര പോളിടെക്നിക് ഡിപ്ലോമ, കംപ്യൂട്ടറുകളുടെയും പെരിഫറലുകളുടെയും ഹാർഡ് വെയർ, നെറ്റ് വർക്കിംഗ് മെയിന്റനൻസ് എന്നിവയിൽ രണ്ട് വർഷത്തിൽ കുറയാത്ത പ്രായോഗിക പരിജ്ഞാനം. പ്രായം 2017 ജനുവരി ഒക്ടോബർ ഒന്നിന് 18നും 35നും മധ്യേ. താത്പര്യമുള്ളവർ സർട്ടിഫിക്കറ്റുകൾ സഹിതം ഹ്യൂമണ് റിസോഴ്സ് ഡവലപ്മെന്റ് സെന്ററിൽ രാവിലെ 10ന് വാക്ഇൻഇന്റർവ്യൂവിന് ഹാജരാകണം.
അറബി വിഭാഗം പൂർവവിദ്യാർഥി സംഗമം: സ്വീകരണ കമ്മിറ്റി
തേഞ്ഞിപ്പലം: കാലിക്കട്ട് സർവകലാശാലാ അറബി വിഭാഗം പൂർവവിദ്യാർഥികളുടെ സംഗമം കാന്പസിൽ ഒക്ടോബർ എട്ടിന് നടക്കും. ഇതോടനുബന്ധിച്ച് സ്വീകരണ കമ്മിറ്റിയും ഉപസമിതികളും രൂപീകരിച്ചു.
പൂർവവിദ്യാർഥികൾ ഫോണ് നന്പറും മേൽവിലാസവും പഠനവകുപ്പ് മേധാവി ഡോ.എ.ബി. മൊയ്തീൻകുട്ടിയെ (9447530013) അറിയിക്കണം. പൂർവ അധ്യാപകർ, ഗവേഷകർ, കോളജധ്യാപകർ, പൂർവ വിദ്യാർഥികളായ വിരമിച്ച അധ്യാപകർ, 2000ന് ശേഷമുള്ള പൂർവ വിദ്യാർഥികൾ, 2000ന് മുന്പുള്ള വിദ്യാർഥികൾ എന്നിവരുടെ ചുമതലകൾ യഥാക്രമം ഡോ.ഇ. അബ്ദുൾ മജീദ് (9497343532), നൗഷാദ് (8594054893), ഡോ.പി.ടി. സൈനുദ്ദീൻ (9447950954), ഡോ.പി. മുഹമ്മദ് ഹനീഫ (9495377397), അൻവർ ശാഫി, (9995014528), എ.പി. ഫസലുറഹ്മാൻ (9633665356), വി.ടി. അബ്ദുൾ വാഹിദ് (9496492171) എന്നിവർക്കാണ്.