ത്രിവത്സര എൽഎൽബി: രണ്ടാം ഘട്ട അലോട്ട്മെന്റ് ഇന്ന്
തിരുവനന്തപുരം: കേരളത്തിലെ സർക്കാർ ലോ കോളജുകളിലെയും സ്വകാര്യ സ്വാശ്രയ ലോ കോളജുകളിലെയും ത്രിവത്സര എൽഎൽബി കോഴ്സിലേയ്ക്ക് പ്രവേശനത്തിനുള്ള രണ്ടാമത്തെയും അവസാനത്തെയും കേന്ദ്രീകൃത അലോട്ട്മെന്റ് വെബ്സൈറ്റിൽ ഇന്ന് പ്രസിദ്ധീകരിക്കും. 23 ന് വൈകുന്നേരം അഞ്ചു വരെ നിലവിലുളള ഓണ്ലൈൻ ഓപ്ഷനുകളുടെ അടിസ്ഥാനത്തിലാണ് അലോട്ട്മെന്റ്.
അലോട്ട്മെന്റ് ലഭിക്കുന്നവർ അവരുടെ അലോട്ട്മെന്റ് മെമ്മോയും അസൽ രേഖകളും സഹിതം 25, 26 എന്നീ തീയതികളിലൊന്നിൽ ബന്ധപ്പെട്ട കോളജിൽ നേരിട്ട് ഹാജരായി അഡ്മിഷൻ നേടണം. അഡ്മിഷൻ സമയത്ത് ബന്ധപ്പെട്ട സർക്കാർ ഉത്തരവുകൾ പ്രകാരമുള്ള മുഴുവൻ ഫീസും കോളജിൽ ഒടുക്കേണ്ടതാണ്. 04712339101, 2339102, 2339103, 2339104