സർട്ടിഫിക്കറ്റ് കോഴ്സ് ഇൻ ഫാർമസി (ഹോമിയോ)
തിരുവനന്തപുരം, കോഴിക്കോട് ഗവണ്മെന്റ് ഹോമിയോ മെഡിക്കൽ കോളജുകളിൽ 201718 വർഷത്തെ സർട്ടിഫിക്കറ്റ് കോഴ്സ് ഇൻ ഫാർമസി (ഹോമിയോപ്പതി) കോഴ്സിനുള്ള പ്രവേശനത്തിന് അപേക്ഷ ക്ഷണിച്ചു. പ്രോസ്പെക്ടസ് വെബ്സൈറ്റിൽ പ്രസിദ്ധീകരിച്ചിട്ടുണ്ട്. 20 വരെ കേരളത്തിലെ ഫെഡറൽ ബാങ്കിന്റെ ശാഖകളിലും അപേക്ഷാ ഫീസ് സ്വീകരിക്കും.
ബാങ്കിൽനിന്നു ലഭിക്കുന്ന ചെല്ലാൻ നമ്പരും അപേക്ഷാ നമ്പരും ഉപയോഗിച്ച് അപേക്ഷകർക്ക് 21 വരെ വ്യക്തിഗത വിവരങ്ങൾ ഓണ്ലൈനായി രജിസ്റ്റർ ചെയ്യാം. അപേക്ഷകൾ 23 ന് വൈകിട്ട് അഞ്ചുവരെ സ്വീകരിക്കുന്നു. അപേക്ഷാഫീസ് പൊതുവിഭാഗത്തിന് 400 രൂപയും പട്ടികജാതി/വർഗ വിഭാഗത്തിന് 200 രൂപയുമാണ്. അപേക്ഷകർ അംഗീകാരമുള്ള സ്ഥാപനങ്ങളിൽ നിന്നു സംസ്ഥാന ബോർഡുകൾ നടത്തിവരുന്ന എസ്എസ്എൽസിയോ തത്തുല്യ പരീക്ഷയോ മിനിമം 50 ശതമാനം മാർക്കോടെ പാസായിരിക്കണം.
അപേക്ഷാർഥികളുടെ ഉയർന്ന പ്രായപരിധി 33 വയസ്. സർവീസ് ക്വോട്ടയിലുള്ളവർക്ക് 48.
കൂടുതൽ വിവരങ്ങൾക്ക് 04714 2560361, 2560362, 256363, 2560364, 2560365 എന്നീ നമ്പരുകളുമായി ബന്ധപ്പെടണം.വെബ്സൈറ്റ്: www.lbscentre.in
ഹോമിയോ/ആയുർവേദ പിജി പ്രവേശനം
കേരളത്തിലെ വിവിധ സർക്കാർ/സ്വാശ്രയ ഹോമിയോ/ആയുർവേദ കോളജുകളിൽ ലഭ്യമായ എല്ലാ സീറ്റുകളിലേക്കും 2017 വർഷത്തെ വിവിധ ബിരുദാനന്തര ബിരുദ ഹോമിയോ/ ആയുർവേദ കോഴ്സുകളിലേക്കുള്ള പ്രവേശനത്തിനായി ഓണ്ലൈനായി അപേക്ഷകൾ ക്ഷണിക്കുന്നു.
ഓണ്ലൈൻ അപേക്ഷ പ്രവേശന പരീക്ഷാ കമ്മീഷണറുടെ www.cee.kerala.gov.in എന്ന വെബ്സൈറ്റിലൂടെ 16 മുതൽ 19 ന് വൈകുന്നേരം അഞ്ചുവരെ സമർപ്പിക്കാം. വിവരങ്ങൾക്ക് www.cee.kerala.gov.in.