പി.ജി പ്രവേശനം 2017-18 : മൂന്നാം സപ്ലിമെന്ററി അലോട്ട്മെന്റ് പ്രസിദ്ധീകരിച്ചു
20172018 അധ്യയന വർഷത്തെ പി.ജി. പ്രവേശനത്തിനുള്ള മൂന്നാം സപ്ലിമെന്ററി അലോട്ട്മെന്റ് പ്രസിദ്ധീകരിച്ചു. ആപ്ലിക്കേഷൻ നന്പരും പാസ്വേർഡും ഉപയോഗിച്ച് ലോഗിൻ ചെയ്ത് അപേക്ഷകർ തങ്ങളുടെ അലോട്ട്മെന്റ് പരിശോധിക്കണം. അലോട്ട്മെന്റ് ലഭിച്ച അപേക്ഷകർ അഡ്മിഷൻ ഫീസ് അടയ്ക്കുന്നതിനുള്ള ചലാൻ പ്രിന്റൗട്ട് എടുത്ത് എസ്ബിഐയുടെ ഏതെങ്കിലും ശാഖയിൽ ഫീസ് അടയ്ക്കണം. അഡ്മിഷൻ ഫീസ് ജനറൽ വിഭാഗത്തിന് 900 രൂപയും എസ്സി/എസ്ടി/ഒഇസി വിഭാഗത്തിന് 340 രൂപയും ആണ്. മുൻ അലോട്ട്മെന്റുകളിൽ പ്രവേശനം ലഭിച്ച് അഡ്മിഷൻ ഫീസ് ഒടുക്കിയവർ വീണ്ടും അഡ്മിഷൻ ഫീസ് അടയ്ക്കേണ്ടതില്ല. അഡ്മിഷൻ ഫീസ് ഒടുക്കിയ അപേക്ഷകർ ഫീസടച്ചതിന്റെ വിവരം വെബ്സൈറ്റിൽ നൽകിയ ശേഷം അലോട്ട്മെന്റ് മെമ്മോ ഡൗണ്ലോഡ് ചെയ്യണം. അലോട്ട്മെന്റ് ലഭിച്ച കോളജ്, കോഴ്സ്, കാറ്റഗറി, അഡ്മിഷൻ എടുക്കേണ്ട തീയതി എന്നിവ അലോട്ട്മെന്റ് മെമ്മോയിൽ ഉണ്ടായിരിക്കും. ആറ്, ഏഴ് തീയതികളിലാണ് കോളജുകളിൽ അഡ്മിഷൻ എടുക്കേണ്ടത്. യോഗ്യത തെളിയിക്കുന്ന അസൽ സർട്ടിഫിക്കറ്റുകൾ സഹിതം (കൂടുതൽ വിവരങ്ങൾക്ക് അലോട്ട്മെന്റ് മെമ്മോ കാണുക) മെമ്മോയിൽ പ്രസ്താവിച്ചിരിക്കുന്ന ദിവസം കോളജിൽ ഹാജരായി അഡ്മിഷൻ എടുക്കണം. അലോട്ട്മെന്റ് മെമ്മോയിൽ പറഞ്ഞിരിക്കുന്ന സമയത്ത് അതത് കോളജുകളിൽ അഡ്മിഷൻ എടുക്കാത്ത അപേക്ഷകരുടെ അലോട്ട്മെന്റ് റദ്ദാകും. അവരെ യാതൊരു കാരണവശാലും തുടർന്നുള്ള അലോട്ട്മെന്റുകളിൽ പരിഗണിക്കില്ല. മുൻപുള്ള അലോട്ട്മെന്റുകളിൽ കോളജുകളിൽ അഡ്മിഷൻ നേടിയവർക്ക് മൂന്നാം സപ്ലിമെന്ററി അലോട്ട്മെന്റ് പ്രകാരം തങ്ങളുടെ ഹയർ ഓപ്ഷനുകളിലേതിലെങ്കിലും പുതിയ അലോട്ട്മെന്റ് ലഭിച്ചിട്ടുണ്ടെങ്കിൽ ഇപ്പോൾ പഠിച്ചു കൊണ്ടിരിക്കുന്ന കോളജിൽ നിന്നും ടിസി വാങ്ങിയ ശേഷം പുതിയ അലോട്ട്മെന്റ് പ്രകാരമുള്ള കോളജിൽ അഡ്മിഷൻ എടുക്കണം. അലോട്ട്മെന്റ് ലഭിച്ച അപേക്ഷകർ തങ്ങൾക്ക് ലഭിച്ച സീറ്റിൽ തൃപ്തരല്ലെങ്കിലും തുടർന്നുള്ള അലോട്ട്മെന്റുകളിൽ പരിഗണിക്കപ്പെടേണ്ടതിനായി അലോട്ട്മെന്റ് മെമ്മോയിൽപറഞ്ഞിരിക്കുന്ന സമയത്ത് അലോട്ട്മെന്റ് ലഭിച്ച കോളജിൽ അഡ്മിഷൻ എടുക്കേണ്ടതാണ്. അഡ്മിഷൻ എടുത്തവർ ആ സീറ്റിൽ സംതൃപ്തരാണെങ്കിൽ ഒന്പതിനു വൈകുന്നേരം അഞ്ചിനു മുന്പ് അവരുടെ ഹയർ ഓപ്ഷനുകൾ നീക്കം ചെയ്യണം. നിലനിർത്തപ്പെടുന്ന ഹയർ ഓപ്ഷനുകൾ തുടർന്നു വരുന്ന അലോട്ട്മെന്റുകളിൽ പരിഗണിക്കുന്നതും പുതിയ അലോട്ട്മെന്റ് ലഭിക്കുന്ന പക്ഷം ആ സീറ്റ് നിർബന്ധമായും സ്വീകരിക്കണം.
ബിആർക്ക് ടൈംടേബിൾ
ഒന്നും രണ്ടും സെമസ്റ്റർ ബിആർക്ക് (2013 സ്കീം സപ്ലിമെന്ററി) ഡിഗ്രി പരീക്ഷയുടെ (നവംബർ 2017) ടൈംടേബിൾ വെബ്സൈറ്റിൽ ലഭിക്കും.
എൽഎൽബി വൈവാ വോസി ടൈംടേബിൾ
ആറാം സെമസ്റ്റർ യൂണിറ്ററി (ത്രിവത്സര എൽഎൽബി) കോഴ്സിന്റെ വാചാപരീക്ഷ പാറശാല സിഎസ്ഐ ഇൻസ്റ്റിറ്റ്യൂട്ടിൽ 13 നും തിരുവനന്തപുരം ഗവണ്മെന്റ് ലാ കോളജിൽ 14, 15, 16, 17 തീയതികളിലും, തിരുവനന്തപുരം ലാ അക്കാദമി ലോ കോളജിൽ 20, 21, 22, 23, 24 തീയതികളിലും നടത്തും. വിശദമായ ടൈംടേബിൾ വെബ്സൈറ്റിൽ ലഭിക്കും.
മേഴ്സി ചാൻസ് അനുവദിച്ചു
ബിഎ/ബിഎസ്സി/ബികോം റീസ്ട്രക്ചേർഡ് / വൊക്കേഷണൽ വിഭാഗത്തിൽപ്പെട്ട ഇരുപത്തി രണ്ട് കോഴ്സുകൾക്കും ബിസിഎ (എസ്ഡിഇ), ബിഎസ്സി കംപ്യൂട്ടർ സയൻസ് (എസ്ഡിഇ) എന്നീ കോഴ്സുകൾക്കും 2008 അഡ്മിഷൻ വരെയുള്ളവർക്ക് മേഴ്സി ചാൻസ് അനുവദിച്ച് ഉത്തരവായി. വിജ്ഞാപനം ഉടൻ പുറപ്പെടുവിക്കുന്നതാണ്. വിശദവിവരങ്ങൾ വെബ്സൈറ്റിൽ ലഭിക്കും.
എംഫിൽ സീറ്റ് ഒഴിവുകൾ
അക്വാട്ടിക് ബയോളജി ആന്റ് ഫിഷറീസ്, ഡമോഗ്രഫി, ഫ്യൂച്ചർ സ്റ്റഡീസ്, കെമസ്ട്രി, എൻവയോണ്മെന്റൽ സയൻസ്, ജിയോളജി, സ്റ്റാറ്റിസ്റ്റിക്സ്, ലിംഗ്വിസ്റ്റിക്സ് എന്നീ വകുപ്പുകളിൽ എസ്സി/എസ്ടി വിഭാഗങ്ങളിൽ ഏതാനും ഒഴിവുകളുണ്ട്. താല്പര്യമുള്ള വിദ്യാർഥികൾ ഒൻപതിന് രാവിലെ 10.30ന് അതാതു പഠനവകുപ്പുകളിൽ അസൽ സർട്ടിഫിക്കറ്റുകളുമായി ഹാജരാകണം. തിരുവനന്തപുരം യൂണിവേഴ്സിറ്റി കോളജിലെ ബോട്ടണി, കെമസ്ട്രി, മലയാളം, മാത്തമാറ്റിക്സ്, സുവോളജി എന്നീ വകുപ്പുകളിൽ എസ്സി വിഭാഗത്തിലും കെമസ്ട്രി, ഇക്കണോമിക്സ്, ഹിന്ദി, മലയാളം എന്നീ വകുപ്പുകളിൽ എസ്ടി വിഭാഗത്തിലും ഒഴിവുകൾ ഉണ്ട്. താല്പര്യമുള്ള വിദ്യാർഥികൾ 10ന് രാവിലെ 10.30 ന് അതാതു വകുപ്പുകളിൽ അസൽ സർട്ടിഫിക്കറ്റുകളുമായി ഹാജരാകണം.
എൽഎൽബി ഫലം
ഓഗസ്റ്റിൽ നടത്തിയ പത്താം സെമസ്റ്റർ പഞ്ചവത്സര ബിഎ എൽഎൽബി പരീക്ഷാഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനും24 വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ ലഭിക്കും.
എംഎഡ് പരീക്ഷ
രണ്ടാം സെമസ്റ്റർ എംഎഡ് (നോണ് സിഎസ്എസ്2014 സ്കീം) ഡിഗ്രി പരീക്ഷയ്ക്ക് 20 വരെ (50 രൂപ പിഴയോടെ നവംബർ 22, 125 രൂപ പിഴയോടെ നവംബർ 24) ഫീസ് അടയ്ക്കാം.