പി.ജി പ്രവേശനം : നാലാം സപ്ലിമെന്ററി അലോട്ട്മെന്റ് പ്രസിദ്ധീകരിച്ചു
20172018 അധ്യായന വർഷത്തെ പിജി പ്രവേശനത്തിനുള്ള നാലാം സപ്ലിമെന്ററി അലോട്ട്മെന്റ് പ്രസിദ്ധീകരിച്ചു. ആപ്ലിക്കേഷൻ നന്പരും പാസ്വേർഡും ഉപയോഗിച്ച് ലോഗിൻ ചെയ്ത് അപേക്ഷകർ അലോട്ട്മെന്റ് പരിശോധിക്കേണ്ടതാണ്. അലോട്ട്മെന്റ് ലഭിച്ച അപേക്ഷകർ അഡ്മിഷൻ ഫീസ് അടയ്ക്കുന്നതിനുള്ള ചലാൻ പ്രിന്റൗട്ട് എടുത്ത് എസ്ബിഐയുടെ ഏതെങ്കിലും ശാഖയിൽ ഫീസ് അടയ്ക്കണം. അഡ്മിഷൻ ഫീസ് ജനറൽ വിഭാഗത്തിന് 900 രൂപയും എസ്സി/എസ്ടി/ഒഇസി വിഭാഗത്തിന് 340 രൂപയും ആണ്. മുൻ അലോട്ട്മെന്റുകളിൽ പ്രവേശനം ലഭിച്ച് അഡ്മിഷൻ ഫീസ് ഒടുക്കിയവർ വീണ്ടും അഡ്മിഷൻ ഫീസ് ഒടുക്കേണ്ടതില്ല. അഡ്മിഷൻ ഫീസ് ഒടുക്കിയ അപേക്ഷകർ ഫീസടച്ചതിന്റെ വിവരം വെബ്സൈറ്റിൽ നൽകിയ ശേഷം അലോട്ട്മെന്റ് മെമ്മോ ഡൗണ്ലോഡ് ചെയ്യേണ്ട താണ്. അലോട്ട്മെന്റ് ലഭിച്ച കോളജ്, കോഴ്സ്, കാറ്റഗറി, അഡ്മിഷൻ എടുക്കേണ്ട തീയതി എന്നിവ അലോട്ട്മെന്റ് മെമ്മോയിൽ ഉണ്ടായിരിക്കും. ഇന്ന് അതത് കോളജുകളിൽ ഹാജരായി അഡ്മിഷൻ എടുക്കേണ്ടതാണ്. യോഗ്യത തെളിയിക്കുന്ന അസൽ സർട്ടിഫിക്കറ്റുകൾ സഹിതം (കൂടുതൽ വിവരങ്ങൾക്ക് അലോട്ട്മെന്റ് മെമ്മോ കാണുക) മെമ്മോയിൽ പ്രസ്താവിച്ചിരിക്കുന്ന ദിവസം കോളജിൽ ഹാജരായി അഡ്മിഷൻ എടുക്കേണ്ടതാണ്. അലോട്ട്മെന്റ് മെമ്മോയിൽ പറഞ്ഞിരിക്കുന്ന സമയത്ത് അതത് കോളജുകളിൽ അഡ്മിഷൻ എടുക്കാത്ത അപേക്ഷകരുടെ അലോട്ട്മെന്റ് റദ്ദാകുന്നതാണ്. മുൻപുള്ള അലോട്ട്മെന്റുകളിൽ കോളജുകളിൽ അഡ്മിഷൻ നേടിയവർക്ക് നാലാം സപ്ലിമെന്ററി അലോട്ട്മെന്റ് പ്രകാരം തങ്ങളുടെ ഹയർ ഓപ്ഷനുകളിലേതിലെങ്കിലും പുതിയ അലോട്ട്മെന്റ് ലഭിച്ചിട്ടുണ്ടെ ങ്കിൽ ഇപ്പോൾ പഠിച്ചു കൊണ്ടിരിക്കുന്ന കോളജിൽ നിന്നും ടിസി വാങ്ങിയ ശേഷം പുതിയ അലോട്ട്മെന്റ് പ്രകാരമുള്ള കോളേജിൽ അഡ്മിഷൻ എടുക്കേണ്ട താണ്.
ബികോം മാർക്ക് ലിസ്റ്റുകൾ കൈപ്പറ്റണം
വിദൂര വിദ്യാഭ്യാസ വിഭാഗം നടത്തിയ ബികോം കംപ്യൂട്ടർ ആപ്ലിക്കേഷൻ ഡിഗ്രി കോഴ്സിന്റെ മൂന്നാം വർഷ മാർക്ക് ലിസ്റ്റുകൾ (റഗുലർ) തിരുവനന്തപുരം ജില്ലാ കേന്ദ്രങ്ങളിൽ പരീക്ഷ എഴുതിയ വിദ്യാർഥികൾ എസ്ഡിഇ ഓഫീസിൽ നിന്നും ഫാത്തിമാ മെമ്മോറിയൽ നാഷണൽ കോളജിൽ പരീക്ഷ എഴുതിയ വിദ്യാർഥികൾ അവിടെ നിന്നും പുനലൂർ സെന്റ് ഗോറേത്തി എച്ച്എസ്എസ്, പരീക്ഷ എഴുതിയവർ പുനലൂർ എസ്എൻ കോളജിൽ നിന്നും ചെങ്ങന്നൂർ ക്രിസ്റ്റ്യൻ കോളജിൽ പരീക്ഷ എഴുതിയവർ അവിടെ നിന്നും മറ്റുള്ള കേന്ദ്രങ്ങളിൽ പരീക്ഷ എഴുതിയവർ ചേർത്തല എസ്എൻ കോളജിൽ നിന്നും കൈപ്പറ്റേണ്ട താണ്.
എംഎസ്സി പ്രാക്ടിക്കൽപരീക്ഷകൾ
ഓഗസ്റ്റിൽ നടത്തിയ രണ്ടാം സെമസ്റ്റർ എംഎസ്സി ഫിസിക്സ് പരീക്ഷയുടെ പ്രാക്ടിക്കൽ പരീക്ഷകൾ 29 ന് ആരംഭിക്കും. വിശദമായ ടൈംടേബിൾ വെബ്സൈറ്റിൽ.
ഓഗസ്റ്റിൽ നടത്തിയ രണ്ടാം സെമസ്റ്റർ എംഎസ്സി കെമിസ്ട്രി/അനലിറ്റിക്കൽ/അപ്ലൈഡ്/മെഡിസിനൽ കെമിസ്ട്രി പരീക്ഷകളുടെ പ്രാക്ടിക്കൽ പരീക്ഷകൾ 27 ന് ആരംഭിക്കും. വിശദമായ ടൈംടേബിൾ വെബ്സൈറ്റിൽ.
എംഎഡ് ടൈംടേബിൾ
ഡിസംബർ അഞ്ചിന് ആരംഭിക്കുന്ന ഒന്നാം സെമസ്റ്റർ എംഎഡ് (ദ്വിവത്സര പ്രോഗ്രാം 2015 സ്കീം റഗുലർ ആൻഡ് സപ്ലിമെന്ററി) ഡിഗ്രി പരീക്ഷയുടെ ടൈംടേബിൾ വെബ്സൈറ്റിൽ
ബിഎ/ബികോം പ്രൈവറ്റ് രജിസ്ട്രേഷൻ
20182020 വർഷത്തിലെ ബിഎ (സോഷ്യോളജി)/ബികോം (ടാക്സേഷൻ, കോർപറേഷൻ) എന്നീ വാർഷിക കോഴ്സുകൾക്ക് പ്രൈവറ്റ് രജിസ്ട്രേഷന് 20 മുതൽ അപേക്ഷിക്കാം. അപേക്ഷകൾ ഡിസംബർ 20 വരെ പിഴ കൂടാതെ സ്വീകരിക്കും. വിശദവിവരങ്ങൾ വെബ്സൈറ്റിൽ 20 മുതൽ ലഭിക്കും.
സൂക്ഷ്മപരിശോധന: വിദ്യാർഥികൾ ഹാജരാകണം
2016 ഡിസംബറിൽ നടത്തിയ ബിഎ മൂന്നാം സെമസ്റ്റർ (സിബിസിഎസ്എസ്) പരീക്ഷയുടെ സൂക്ഷ്മപരിശോധനയ്ക്കുവേണ്ടി ഓണ്ലൈനായും ഓഫ്ലൈനായും അപേക്ഷിച്ചിട്ടുള്ള വിദ്യാർഥികൾ ഹാൾടിക്കറ്റുമായി റീവാല്യുവേഷൻ വിഭാഗത്തിൽ ഇന്നു മുതൽ 25 വരെയുള്ള പ്രവർത്തി ദിനങ്ങളിൽ ഹാജരാകേണ്ട താണ്.