സൈനിക സ്കൂൾ പ്രവേശനം: ഡിസംബർ അഞ്ചുവരെ അപേക്ഷിക്കാം
തിരുവനന്തപുരം : കഴക്കൂട്ടം സൈനിക സ്കൂളിലെ 201819 വർഷത്തെ ആറ്, ഒൻപത് ക്ലാസുകളിലേയ് ക്കുള്ള ഓൾ ഇന്ത്യ സൈനിക സ്കൂൾ പ്രവേശന പരീക്ഷകൾക്കുള്ള അപേക്ഷ ക്ഷണിച്ചു. അപേക്ഷകൾ സ്വീകരിക്കുന്ന അവസാന തീയതി ഡിസംബർ അഞ്ചാണ്. അപേക്ഷ ഫോമും പ്രോസ്പെക്റ്റസും ഇൗ മാസം 30 വരെ വിതരണം ചെയ്യുന്നതാണ്. സീറ്റുകളുടെ എണ്ണം : ആറാം ക്ലാസിലേക്ക്60 ഒൻപതാം ക്ലാസിലേക്ക്10 എന്നിങ്ങനെയാണ്. പ്രവേശന സമയത്ത് ഒഴിവുകളുടെ എണ്ണമനുസരിച്ച് ഇതിൽ വ്യത്യാസം വരുന്നതാണ്.
ആണ്കുട്ടികൾക്കു മാത്രമാണ് പ്രവേശനം. ആറാം ക്ലാസിൽ പ്രവേശനത്തിന് അപേക്ഷിക്കുന്നവർ 2007 ജൂലൈ രണ്ടിനും 2008 ജൂലൈ ഒന്നിനും മധ്യേ ജനിച്ചവരായിരിക്കണം. ഒൻപതാം ക്ലാസിലേക്ക് അപേക്ഷിക്കുന്നവർ 2004 ജൂലൈ രണ്ടിനും 2005 ജൂലൈ ഒന്നിനും മധ്യേ ജനിച്ചവരും, ഏതെങ്കിലും അംഗീകാരമുള്ള സ്കൂളിൽ എട്ടാം ക്ലാസിൽ പഠിക്കുന്നവരായിരിക്കണം. രക്ഷാകർത്താവിന്റെ വരുമാനത്തിന്റെ അടിസ്ഥാനത്തിൽ കേന്ദ്ര/ സംസ്ഥാന സർക്കാരുകൾ നടപ്പിലാക്കിയിരിക്കുന്ന വിവിധതരം സ്കോളർഷിപ്പുകൾ ലഭ്യമാണ്.
2018 ജനുവരി ഏഴിന് പാലക്കാട്, കോഴിക്കോട്, എറണാകുളം, കോട്ടയം, കഴക്കൂട്ടം സൈനിക സ്കൂൾ എന്നീ കേന്ദ്രങ്ങളിൽ പ്രവേശന പരീക്ഷ നടത്തും. പ്രോസ്പെക്റ്റസും അപേക്ഷഫോമും മുൻവർഷത്തെ ചോദ്യപേപ്പറും ആവശ്യമുള്ളവർ പ്രിൻസിപ്പൽ, സൈനിക് സ്കൂൾ, കഴക്കൂട്ടം, തിരുവനന്തപുരം 695585 എന്ന വിലാസത്തിൽ അപേക്ഷ നൽകേണ്ടതാണ്.
പ്രിൻസിപ്പൽ, സൈനിക് സ്കൂൾ കഴക്കൂട്ടം എന്ന പേരിൽ തിരുവനന്തപുരത്ത് മാറാവുന്ന 450 രൂപയുടെ ഡിമാൻഡ് ഡ്രാഫ്റ്റ് കൂടെ അയയ്ക്കണം. പട്ടിക വിഭാഗക്കാർ 300 രൂപയുടെ ഡ്രാഫ്റ്റ് അയച്ചാൽ മതി. അപേക്ഷകന്റെ ജനന തീയതി, പൂർണവിലാസം, ഫോണ് നന്പർ, ചേരേണ്ട ക്ലാസ്, വിശേഷ വിഭാഗം (വിമുക്തഭടന്റെ പുത്രൻ, പട്ടിക ജാതി തുടങ്ങിയ പരിഗണന പ്രസക്തമാണെങ്കിൽ) എന്നിവ കത്തിൽ കാണിച്ചിരിക്കണം. അപേക്ഷഫോം സ്കൂളിൽ നിന്നു നേരിട്ടോ www.sainikschooltvm. nic.in എന്ന സ്കൂൾ വെബ്സൈറ്റിലോ ലഭ്യമാകും.
പൂരിപ്പിച്ച അപേക്ഷകൾ ഡിസംബർ അഞ്ചിനു മുമ്പായി സ്കൂളിൽ ലഭിച്ചിരിക്കണം. പ്രവേശന പരീക്ഷ സംബന്ധിച്ചു പരിശീലനത്തിന് ഒരു സ്ഥാപനത്തെയും വ്യക്തിയെയും സ്കൂൾ നിയോഗിച്ചിട്ടില്ല. പ്രവേശന പരീക്ഷയുടെയും തുടർന്നുള്ള അഭിമുഖത്തിന്റയും വൈദ്യപരിശോധനയുടെയും അടിസ്ഥാനത്തിലുള്ള മെറിറ്റ് ലിസ്റ്റിൽ നിന്നു മാത്രമായിരിക്കും പ്രവേശനം.