തിരുവനന്തപുരം: കല്പിത സർവകലാശാലയായ അമൃത വിശ്വവിദ്യാപീഠത്തിനു കീഴിൽ അമൃതപുരി, കോയമ്പത്തൂർ, ബംഗളൂരു കാമ്പസുകളിലെ ബിടെക് അഡ്മിഷനുള്ള പ്രവേശന പരീക്ഷ ഏപ്രിലിൽ നടത്തും. മാർച്ച് 31നകം അപേക്ഷിക്കണം. രണ്ടു തരത്തിലാണു പരീക്ഷ നടത്തുന്നത്. കംപ്യൂട്ടർ അധിഷ്ഠിത പരീക്ഷ ഏപ്രിൽ 19 മുതൽ 22 വരെയും പേപ്പർ അധിഷ്ഠിത പരീക്ഷ ഏപ്രിൽ 28നുമാണു നടത്തുന്നത്. മേയ് അഞ്ചിന് ഫലം പ്രഖ്യാപിക്കും.
കംപ്യൂട്ടർ അധിഷ്ഠിത പരീക്ഷ ഒരു ദിവസം മൂന്നു സ്‌ലോട്ടുകളായി നടത്തും. രാവിലെ 10 മുതൽ 12.30 വരെയായിരിക്കും പേപ്പർ അധിഷ്ഠിത പരീക്ഷ. പേപ്പർ അധിഷ്ഠിത പരീക്ഷ കേരളം, തമിഴ്നാട്, കർണാടക സംസ്ഥാനങ്ങളിൽ മാത്രമായിരിക്കും നടത്തുക.
പ്ലസ്ടുവിന് 60 ശതമാനം മാർക്കു നേടിയവർക്ക് അപേക്ഷിക്കാം. മാത്തമാറ്റിക്സിനു പ്രത്യേകമായി 60 ശതമാനം മാർക്കും ഫിസിക്സിനും കെമിസ്ട്രിക്കും കൂടി 55 ശതമാനം മാർക്കും നേടിയിരിക്കണം. എൻജിനിയറിംഗ് ഡിപ്ലോമക്കാർക്കും അവസാന വർഷ പ്ലസ്ടു വിദ്യാർഥികൾക്കും അപേക്ഷിക്കാം. 1997 ജൂലൈ ഒന്നിനോ അതിനു ശേഷമോ ജനിച്ചവരായിരിക്കണം അപേക്ഷകർ.
അപേക്ഷാഫോം ധനലക്ഷ്മി ബാങ്ക്, ഫെഡറൽ ബാങ്ക് എന്നിവയുടെയും പോസ്റ്റ് ഓഫീസുകളുടെയും നിർദിഷ്ട ശാഖകളിൽ നിന്നു ലഭിക്കും. അമൃതാ സ്കൂൾ ഓഫ് എൻജിനിയറിംഗിന്‍റെ പേരിൽ കോയമ്പത്തൂരിൽ മാറാവുന്ന 1000 രൂപയുടെ ഡിഡി സഹിതം അപേക്ഷിച്ചാൽ തപാലിലും ലഭിക്കും. അമൃത സ്കൂൾ ഓഫ് എൻജിനിയറിംഗ് കാമ്പസുകളിൽ നിന്നു നേരിട്ടും വാങ്ങാം. കേരളത്തിലെ പോസ്റ്റ് ഓഫീസുകളിൽ നിന്നും ബാങ്ക് ശാഖകളിൽ നിന്നും അപേക്ഷാ ഫോം ലഭിക്കുന്ന സ്ഥലങ്ങൾ ധനലക്ഷ്മി ബാങ്ക്: വയനാട്, തൃശൂർ, തിരുവനന്തപുരം, പത്തനംതിട്ട, പാലക്കാട്, മലപ്പുറം, കോഴിക്കോട്, കോട്ടയം, കൊല്ലം, കാസർഗോഡ്, കണ്ണൂർ, ഇടുക്കി,എറണാകുളം, ആലപ്പുഴ.
ഫെഡറൽ ബാങ്ക്: ആലപ്പുഴ, എറണാകുളം, ഇടുക്കി,കണ്ണൂർ, കാസർഗോഡ്, കൊല്ലം, കോട്ടയം, കോഴിക്കോട്, മലപ്പുറം, പാലക്കാട്, പത്തനംതിട്ട, തൃശൂർ, വയനാട്.
പോസ്റ്റ് ഓഫീസ്: ആലപ്പുഴ, എറണാകുളം, കട്ടപ്പന, കണ്ണൂർ, കാസർഗോഡ്, കൊല്ലം, കോട്ടയം, കോഴിക്കോട്, മലപ്പുറം, പാലക്കാട്, പത്തനംതിട്ട, തിരുവനന്തപുരം, തൃശൂർ, കൽപ്പറ്റ.
കേരളത്തിലെ പരീക്ഷാ കേന്ദ്രങ്ങൾ: അമൃതപുരി, കണ്ണൂർ, കൊച്ചി, കോട്ടയം, കോഴിക്കോട്, പാലക്കാട്, തിരുവനന്തപുരം, തൃശൂർ എന്നിവിടങ്ങളിൽ കംപ്യൂട്ടർ, പേപ്പർ അധിഷ്ഠിത പരീക്ഷകൾ നടത്തും. ആലപ്പുഴ, കൽപ്പറ്റ, കാസർഗോഡ്, കൊല്ലം, മലപ്പുറം, പത്തനംതിട്ട, തൊടുപുഴ എന്നിവിടങ്ങളിൽ പേപ്പർ അധിഷ്ഠിത പരീക്ഷ മാത്രം നടത്തും.
ഓരോ കാമ്പസിലെയും പ്രോഗ്രാമുകൾ: കോയമ്പത്തൂർ എയ്റോസ്പേസ്, കെമിക്കൽ, സിവിൽ, കംപ്യൂട്ടർ സയൻസ്, ഇലക്ട്രിക്കൽ ആൻഡ് ഇലക്‌ട്രോണിക്സ്, ഇലക്ട്രേണിക്സ് ആൻഡ് കമ്യൂണിക്കേഷൻ, ഇലക്‌ട്രോണിക്സ് ആൻഡ് ഇൻസ്ട്രമെന്‍റേഷൻ, മെക്കാനിക്കൽ എൻജിനിയറിംഗ്. അമൃതപുരി കംപ്യൂട്ടർ സയൻസ്, ഇലക്ട്രിക്കൽ ആൻഡ് ഇലക്‌ട്രോണിക്സ്, ഇലക്‌ട്രോണിക്സ് ആൻഡ് കമ്യൂണിക്കേഷൻ എൻജിനിയറിംഗ്, മെക്കാനിക്കൽ. ബംഗളൂരു കംപ്യൂട്ടർ സയൻസ്, ഇലക്ട്രിക്കൽ ആൻഡ് ഇലക്‌ട്രോണിക്സ്, ഇലക്‌ട്രോണിക്സ് ആൻഡ് കമ്യൂണിക്കേഷൻ, ഇലക്‌ട്രോണിക്സ് ആൻഡ് ഇൻസ്ട്രുമെന്‍റേഷൻ, മെക്കാനിക്കൽ എൻജിനിയറിംഗ്.
വാർഷിക ട്യൂഷൻ ഫീസ്: അമൃതപുരി 2,40,000, ബംഗളൂരു 3,00,000, രൂപ.
വിവരങ്ങൾക്ക്: www.am rita.edu.ഫോണ്:+9142226851 69/170.
എക്സാമിനേഷൻ ഏപ്രിലിൽ