ലൈബ്രറി സയൻസ് സർട്ടിഫിക്കറ്റ് കോഴ്സ്
കേരള സ്റ്റേറ്റ് ലൈബ്രറി കൗണ്സിൽ ജനുവരിയിൽ തുടങ്ങുന്ന സർട്ടിഫിക്കറ്റ് കോഴ്സ് ഇൻ ലൈബ്രറി ആന്ഡ് ഇൻഫർമേഷൻ സയൻസ് കോഴ്സിന് അപേക്ഷ ക്ഷണിച്ചു.കാലാവധി ആറുമാസം. കാസർഗോഡ് ജില്ലയിലെ പുലിക്കുന്ന് ബോസ് മെമ്മോറിയൽ ലൈബ്രറിയിലാണ് ക്ലാസ്. പ്രവേശന പരീക്ഷയുടെ അടിസ്ഥാനത്തിലാണു പ്രവേശനം.
എസ്എസ്എൽസി അടിസ്ഥാന യോഗ്യത. പ്രായപരിധി 18 40 വയസ്. സ്റ്റേറ്റ് ലൈബ്രറി കൗണ്സിലിൽ അഫിലിയേറ്റ് ചെയ്ത ലൈബ്രറികളിൽ പ്രവർത്തിക്കുന്ന ലൈബ്രേറിയന്മാർക്കും കൗണ്സിലിന്റെ സാന്പത്തിക സഹായത്തോടെ പ്രവർത്തിക്കുന്ന ഗ്രാമീണ വനിതാ വയോജന പുസ്തക വിതരണ പദ്ധതി ലൈബ്രേറിയന്മാർക്കും സർക്കാർ അർധ സർക്കാർ സ്ഥാപനങ്ങളിലെ നിശ്ചിത യോഗ്യതയില്ലാത്ത ലൈബ്രേറിയന്മാർക്കും അപേക്ഷിക്കാം. അപേക്ഷകർ കുറഞ്ഞ പക്ഷം കഴിഞ്ഞ ആറ് മാസം തുടർച്ചയായി ലൈബ്രേറിയനായി പ്രവർത്തിച്ചുവരുന്നവരും ഇപ്പോഴും തുടർന്നു വരുന്നവരും ആയിരിക്കണം. സർക്കാർ / അർധസർക്കാർ സ്ഥാപനങ്ങളിൽ ജോലിചെയ്യുന്ന ലൈബ്രേറിയന്മാർക്ക് സീറ്റ് സംവരണവും പ്രായപരിധിയിൽ ഇളവുമുണ്ട്. അവരുടെ ഡിപ്പാർട്ട്മെന്റ് സ്പോണ്സർ ചെയ്യണം. ആകെ 40 പേർക്കാണ് പ്രവേശനം.
വിലാസം: സെക്രട്ടറി, കേരള സ്റ്റേറ്റ് ലൈബ്രറി കൗണ്സിൽ, കെ. അനിരുദ്ധൻ റോഡ്, വഴുതയ്ക്കാട്, തൈയ്ക്കാട് പി.ഒ., തിരുവനന്തപുരം 14. ഫോം വിതരണം 22 വരെ. പൂരിപ്പിച്ച അപേക്ഷ സ്വീകരിക്കുന്ന അവസാന തീയതി 23.