ജൂണിയർ ലാബ് അസിസ്റ്റന്റ് പ്രമാണ പരിശോധന
സെന്റർ ഫോർ ഹെൽത്ത് സയൻസിലെ ജൂണിയർ ലാബ് അസിസ്റ്റന്റ് തസ്തികയിലേക്ക് കരാർ നിയമനത്തിന് ഓണ്ലൈനായി അപേക്ഷിച്ചവരുടെ അസൽ പ്രമാണ പരിശോധന (എസ്എസ്എൽസി, വിഎച്ച്എസ്ഇഎംഎൽടി, പ്രവൃത്തിപരിചയ സർട്ടിഫിക്കറ്റ് മുതലായവ) ജനുവരി അഞ്ചിന് രാവിലെ പത്തിന് സർവകലാശാലാ ഭരണവിഭാഗത്തിൽ നടക്കും. അപേക്ഷകർ അസൽ രേഖകൾ സഹിതം ഹാജരാകണം.
പരീക്ഷാ അപേക്ഷ
അഫിലിയേറ്റഡ് കോളജുകളിലെ ഒന്നാം സെമസ്റ്റർ (സിയുസിബിസിഎസ്എസ്) ബിഎ/ബിഎസ്സി/ബിഎസ്സി ഇൻ ആൾട്ടർനേറ്റ് പാറ്റേണ് /ബികോം/ബിബിഎ/ബിഎ മൾട്ടീമീഡിയ/ബിസിഎ/ബികോം ഓണേഴ്സ്സിസിഎസ്എസ്/ബികോം പ്രഫഷണൽ/ബിഎസ്ഡബ്ല്യൂ/ബിടിഎച്ച്എം/ബിവിസി/ബിഎച്ച്എ/ബിടിഎഫ്പി/ബിഎ അഫ്സൽഉൽഉലമ റഗുലർ പരീക്ഷകൾക്ക് പിഴകൂടാതെ പത്ത് വരെയും 150 രൂപ പിഴയോടെ 15 വരെയും അപേക്ഷിക്കാം. പരീക്ഷ 31ന് ആരംഭിക്കും.
പരീക്ഷ
ഒന്നാം സെമസ്റ്റർ എംകോം/എംഎ/എംസിജെ/എംഎൽഐഎസ്സി/എംഎസ്സി/എംടിഎ (സിസിഎസ്എസ്) റഗുലർ/സപ്ലിമെന്ററി/ഇംപ്രൂവ്മെന്റ് പരീക്ഷ 25ന് ആരംഭിക്കും.
പിജി സ്പോട്ട് പെയ്മെന്റ് ക്യാന്പ്
വിദൂരവിദ്യാഭ്യാസം ഫൈനൽ എംകോം (തിയറി ആൻഡ് ഡെസർട്ടേഷൻ മൂല്യനിർണയം), എംഎ ഹിസ്റ്ററി, എംഎ അറബിക്, എംഎ സംസ്കൃതം, എംഎ ഹിന്ദി എന്നിവയുടെ സ്പോട്ട് പെയ്മെന്റ് ക്യാന്പ് ഒന്പതിന് സർവകലാശാലാ ടാഗോർ നികേതൻ ഹാളിൽ നടക്കും. എല്ലാ ചെയർമാൻമാരും ചീഫ് എക്സാമിനർമാരും പങ്കെടുക്കണമെന്ന് പരീക്ഷാ കണ്ട്രോളർ അറിയിച്ചു.