മണിപ്പാൽ അക്കാഡമി ഒാഫ് ഹയർ എഡ്യുക്കേഷനിൽ ബിരുദാനന്തര ബിരുദ കോഴ്സുകൾ
മണിപ്പാൽ അക്കാഡമി ഓഫ് ഹയർ എഡ്യൂക്കേഷൻ ആരംഭിക്കുന്ന പുതിയ കോഴ്സുകളിലേക്ക് അപേക്ഷിക്കാം.
എംഇ ക്ളൗഡ് കംപ്യൂട്ടിംഗ്, എംഎസ്സി മെഡിക്കൽ ലബോറട്ടറി ടെക്നോളജി, പി ജി ഡിപ്ലോമസ്പോർട്സ് കമ്യൂണിക്കേഷൻ , സർട്ടിഫിക്കറ്റ് കോഴ്സ് സ്പോർട്സ് കമ്മ്യൂണിക്കേഷൻ എന്നീ കോഴ്സുകളാണ് ആരംഭിക്കുന്നത്.
എം ഇ ക്ളൗഡ് കംപ്യൂട്ടിംഗ്
സ്കൂൾ ഓഫ് ഇൻഫർമേഷൻ സയൻസിന്റെ ആഭിമുഖ്യത്തിലുള്ള ഈ കോഴ്സിന് ഐടി രംഗത്ത് വൻ സാധ്യതകളാണ് ഉള്ളത്. രണ്ടു വർഷം ദൈർഘ്യമുള്ള ഈ ബിരുദാനന്തര ബിരുദ കോഴ്സിൽ ക്ളൗഡ് ആർക്കിടെക്ചർ ആൻഡ് മാനേജ്മെന്റ്, ജാവ ലാബോടുകൂടിയ ക്ളൗഡ് അപ്ലിക്കേഷൻ ഡവലപ്മെന്റ് എന്നിവ മെയിൻ വിഷയങ്ങളായും ഐച്ഛിക വിഷയങ്ങളായി ഡേവ് ഓപ്സ് ഫോർ ക്ളൗഡ് ,മെഷീൻ പഠനത്തിന്റെ അടിസ്ഥാന തത്വങ്ങൾ , ഡാറ്റാ വേർ ഹൗസിംഗ് ആൻഡ് ഡാറ്റാ മൈനിംഗ്, മെഷീൻ ലേണിംഗ് ഫോർ ബിഗ് ഡാറ്റാ എന്നിവയും ഉൾക്കൊള്ളിച്ചിരിക്കുന്നു. മേയ് 15 നകം അപേക്ഷിക്കണം.
എംഎസ്സി മെഡിക്കൽ ലബോറട്ടറി ടെക്നോളജി
സ്കൂൾ ഓഫ് അലൈഡ് ഹെൽത്ത് സയൻസസ് ആണ് ഈ കോഴ്സിന് നേതൃത്വം നൽകുന്നത്. മൈക്രോ ബയോളജി, ഇമ്യൂണോളജി, ക്ലിനിക്കൽ ബയോ കെമിസ്ട്രി , പബ്ലിക് ഹെൽത്ത് ലബോറട്ടറി സയൻസ് എന്നിവയാണ് ഈ കോഴ്സിലെ പ്രധാന വിഷയങ്ങൾ. രണ്ടു വർഷം ദൈർഘ്യമുള്ള ഈ കോഴ്സിൽ ഹെൽത്ത്കെയർ, എഡ്യൂക്കേഷൻ, ഫാർമസ്യൂട്ടിക്കൽ ഇൻഡസ്ട്രി എന്നീ മേഖലയിൽ മികവു നേടാൻ സഹായിക്കും.
അവസാന തീയതി മേയ് 15.
സ്പോർട്സ് കമ്യൂണിക്കേഷൻ: പിജി ഡിപ്ലോമ
ഒരു വർഷം ദൈർഘ്യമുള്ളതാണു സ്പോർട്സ് കമ്യൂണിക്കേഷനിൽ പി ജി ഡിപ്ലോമ കോഴ്സ് . സ്കൂൾ ഓഫ് കമ്യൂണിക്കേഷന്റെ കീഴിലാണ് ഈ കോഴ്സ് . സ്പോർട്സിൽ താല്പര്യമുള്ളവർക്ക് കൃത്യമായി വിവരങ്ങൾ ലഭ്യമാക്കാനുള്ള പരിശീലനം ഇതിലൂടെ ലഭിക്കും. സ്പോർട്സ് മീഡിയ, സ്പോർട്സ് ഇവന്റ് മാനേജ്മെന്റ്, സ്പോർട്സ് വെബ്സൈറ്റ്, പേജ് എന്നിവയ് ക്കുവേണ്ടി കണ്ടന്റ് റൈറ്റിംഗ് എന്നീ മേഖലകളിലും ബിരുദധാരികൾക്ക് ശോഭിക്കാനാകും.
അവസാന തീയതി മേയ് എട്ട്.
സ്പോർട്സ് കമ്യൂണിക്കേഷൻ: സർട്ടിഫിക്കറ്റ് കോഴ്സ്
സ്കൂൾ ഓഫ് കമ്യൂണിക്കേഷൻ നടത്തുന്ന രണ്ടുമാസം മാത്രം കാലാവധി ഉള്ള ഒരു ഹ്രസ്വ കാല കോഴ്സ് ആണ് ഇത്. ഈ കോഴ്സിലൂടെ ലഭിക്കുന്ന പ്രായോഗിക അനുഭവങ്ങൾ വിദ്യാർഥികൾക്ക് സ്പോർട്സ് കമ്യൂണിക്കേഷൻ സംബന്ധിച്ച് അടിസ്ഥാനപരമായ മികച്ച അറിവുനേടാൻ സഹായിക്കും. അപേക്ഷിക്കാനുള്ള അവസാന തീയതി മേയ് എട്ട്.
കൂടുതൽ വിവരങ്ങൾക്ക് manipal.edu.