കുസാറ്റിൽ അസിസ്റ്റന്റ് പ്രഫസർ ഒഴിവുകൾ
കൊച്ചി: കൊച്ചി സർവകലാശാല കംപ്യൂട്ടർ ആപ്ലിക്കേഷൻസ് വകുപ്പിൽ അസിസ്റ്റന്റ് പ്രഫസറുടെ നാല് ഒഴിവിലേക്ക് കരാർ അടിസ്ഥാനത്തിൽ നിയമനത്തിന് ഓണ്ലൈൻ അപേക്ഷ ക്ഷണിച്ചു. കംപ്യൂട്ടർ ആപ്ലിക്കേഷൻസിൽ ഒന്നാം ക്ലാസോടെയുള്ള ബിഇ/ബിടെക്, എംഇ/എംടെക് അല്ലെങ്കിൽ എംസിഎ ബിരുദവും രണ്ടു വർഷത്തെ പ്രവൃത്തിപരിചയവുമുള്ളവർക്ക് അപേക്ഷിക്കാം. പിഎച്ച്ഡി യോഗ്യതയുള്ളവർക്ക് 42,000 രൂപയും മറ്റുള്ളവർക്ക് 40,000 രൂപയും പ്രതിമാസ ശന്പളം ലഭിക്കും. അപേക്ഷാ ഫോമിനും വിശദവിവരങ്ങൾക്കും www.faculty.cusat.ac.in എന്ന വെബ് സൈറ്റ് സന്ദർശിക്കണം. ഓണ്ലൈനായി അപേക്ഷിക്കേണ്ട അവസാന തീയതി ഏപ്രിൽ ഒൻപത്.