ബിടെക് സര്ട്ടിഫിക്കറ്റ് ഓഫ് എക്സലന്സിന് അപേക്ഷ ക്ഷണിച്ചു
ബിടെകിന് 2012ല് പ്രവേശനം നേടിയ വിദ്യാർഥികളില് അര്ഹരായവര്ക്ക് 2015 വര്ഷത്തെ സര്ട്ടിഫിക്കറ്റ് ഓഫ് എക്സലന്സ് ലഭിക്കുന്നതിന് അപേക്ഷ ക്ഷണിച്ചു. യോഗ്യരായവരുടെ പൊസിഷന് ലിസ്റ്റ് വെബ്സൈറ്റില് ലഭ്യമാണ്. നിര്ദ്ദിഷ്ട മാതൃകയിലുള്ള അപേക്ഷാ ഫോം വെബ്സൈറ്റില് നിന്നും ഡൗണ്ലോഡ് ചെയ്ത് പൂരിപ്പിച്ച്, ചലാന് (225 രൂപ) സഹിതം ബിടെക് ബ്രാഞ്ചില് സമര്പ്പിക്കണം. സര്ട്ടിഫിക്കറ്റ് തപാലില് ലഭിക്കാന് പോസ്റ്റല് ചാർജായി 50 രൂപ ചലാന് കൂടി ഉള്പ്പെടുത്തണം.
യുജി ഒന്നാം സെമസ്റ്ററില് പഠനം നിര്ത്തിയവര്ക്ക് തുടര്പഠനം
വിദൂരവിദ്യാഭ്യാസം 2014, 2015 വര്ഷങ്ങളില് ബിഎ/ബികോം/ബിഎസ് സി മാത്സ്/ബിബിഎ (സിയുസിബിസിഎസ്എസ്) പ്രോഗ്രാമുകള്ക്ക് പ്രവേശനം നേടി ഒന്നാം സെമസ്റ്റര് പരീക്ഷയ്ക്ക് അപേക്ഷിച്ച ശേഷം തുടര് പഠനം നടത്താനാവാത്തവര്ക്ക് രണ്ടാം സെമസ്റ്ററില് പുനഃപ്രവേശനത്തിന് ഓണ്ലൈനായി ഏപ്രില് 19 വരെ അപേക്ഷിക്കാം. സിസിഎസ്എസ് പ്രോഗ്രാമില് പ്രവേശനം നേടിയവര് രണ്ടാം സെമസ്റ്ററില് പുനഃപ്രവേശനത്തിന് അര്ഹരല്ല. ഗസറ്റഡ് ഓഫീസര് സാക്ഷ്യപ്പെടുത്തിയ അപേക്ഷയുടെ പ്രിന്റൗട്ട്, ചലാന് , ഒന്നാം സെമസ്റ്റര് പരീക്ഷയുടെ ഹാള്ടിക്കറ്റിന്റെ പകര്പ്പ്, എസ്ഡിഇ ഐഡി എന്നിവ സഹിതം വിദൂരവിദ്യാഭ്യാസ വിഭാഗത്തില് 22 നകം ലഭിക്കണം. വെബ്സൈറ്റിലെ വിജ്ഞാപനം പരിശോധിച്ച് മാത്രം അപേക്ഷിക്കുക. ഫോണ് : 0494 2407288.
വിക്ടോറിയ കോളജിലെ മാറ്റിവെച്ച ബികോം ഓണേഴ്സ് പരീക്ഷ ഇന്ന്
പന്ത്രണ്ടിന് പാലക്കാട് വിക്ടോറിയ കോളജില് നടത്താനിരുന്ന ആറാം സെമസ്റ്റര് ബികോം ഓണേഴ്സ് (സിസിഎസ്എസ്) റഗുലര് /സപ്ലിമെന്ററി/ഇംപ്രൂവ്മെന്റ് പരീക്ഷ ഇന്ന് നടക്കും. എംപിഎഡ് രണ്ടാം സെമസ്റ്റര് ഇന്നത്തെ പരീക്ഷ മാറ്റി
പതിമൂന്നിന് നടത്താനിരുന്ന രണ്ടാം സെമസ്റ്റര് എംപിഎഡ് റഗുലര് /സപ്ലിമെന്ററി/ഇംപ്രൂവ്മെന്റ് പരീക്ഷ 16ലേക്ക് മാറ്റി.
റീ അഡ്മിഷന്/സ്ട്രീം ചേഞ്ച് നേടിയവര് പരീക്ഷയ്ക്ക് അപേക്ഷിക്കണം
വിദൂരവിദ്യാഭ്യാസം നാലാം സെമസ്റ്റര് (സിയുസിബിസിഎസ്എസ്) ഏപ്രില് 2018 പരീക്ഷയ്ക്ക് റീ അഡ്മിഷന് /സ്ട്രീം ചേഞ്ച് എടുത്തവര്ക്ക് പരീക്ഷയ്ക്ക് അപേക്ഷിക്കാനുള്ള ലിങ്ക് വെബ്സൈറ്റില് 17 വരെ ലഭ്യമാവും. രജിസ്റ്റര് നമ്പര് വെബ്സൈറ്റിലെ സ്കൂള് ഓഫ് ഡിസ്റ്റന്സ് എഡ്യുക്കേഷന് നോട്ടിഫിക്കേഷന് ലിങ്കില് ലഭ്യമാണ്.
പരീക്ഷ
നാലാം സെമസ്റ്റര് ബിഎഡ് (2015 മുതല് പ്രവേശനം) റഗുലര് /സപ്ലിമെന്ററി പരീക്ഷ മേയ് 14ന് ആരംഭിക്കും.
പരീക്ഷാഫലം
2017 ഡിസംബറില് നടത്തിയ ഒന്ന്, മൂന്ന് സെമസ്റ്റര് എംഎ തമിഴ് (സിയുസിഎസ്എസ്) പരീക്ഷാഫലം വെബ്സൈറ്റില് . പുനര്മൂല്യനിര്ണയത്തിന് 23 വരെ അപേക്ഷിക്കാം.
എംസിഎ, എംബിഎ പുനര്മൂല്യനിര്ണയ ഫലം
എംസിഎ ഒന്നാം സെമസ്റ്റര് (ഏപ്രില് 2017), മൂന്നാം സെമസ്റ്റര് (ഏപ്രില് 2017), എംബിഎ നാലാം സെമസ്റ്റര് (ജൂണ് 2017) പരീക്ഷകളുടെ പുനര്മൂല്യനിര്ണയ ഫലം വെബ്സൈറ്റില് .
പ്രാക്ടിക്കല് പരീക്ഷ
വിദൂരവിദ്യാഭ്യാസം ഒന്നും രണ്ടും സെമസ്റ്റര് എംഎസ് സി കൗണ്സലിംഗ് സൈക്കോളജി പ്രാക്ടിക്കല് പരീക്ഷ 17 മുതല് സര്വകലാശാലാ കാമ്പസിലെ സൈക്കോളജി പഠനവകുപ്പില് നടക്കും. ഷെഡ്യൂള് വെബ്സൈറ്റില് . ആറാം സെമസ്റ്റര് ബിഐഡി (2014 പ്രവേശനം) പ്രാക്ടിക്കല് പരീക്ഷ 17, 18 തിയതികളില് നടക്കും.