ബിരുദ പ്രവേശനം: മൂന്നാം അലോട്ട്മെന്‍റ് പ്രസിദ്ധീകരിച്ചു
ബിരുദ പ്രവേശന മൂന്നാം അലോട്ട്മെന്‍റ് പ്രസിദ്ധീകരിച്ചു. പുതുതായി അലോട്ട്മെന്‍റ് ലഭിച്ച എല്ലാ വിദ്യാര്‍ഥികളും മാന്‍ഡേറ്ററി ഫീസ് അടയ്ക്കേണ്ടതും അലോട്ട്മെന്‍റെ ലഭിച്ച കോളജില്‍ 30 പകല്‍ രണ്ട് മണിക്കകം റിപ്പോര്‍ട്ട് ചെയ്ത് സ്ഥിരം പ്രവേശനം എടുക്കണം. മൂന്നാം അലോട്ട്മെന്‍റ് ലഭിച്ചവര്‍ക്ക് ഉയര്‍ന്ന ഓപ്ഷനുകള്‍ നിലനിര്‍ത്തികൊണ്ട് സ്ഥിരം അഡ്മിഷന്‍ എടുക്കാം. തുടര്‍ന്നുള്ള അലോട്ട്മെന്‍റുകള്‍ക്കോ കോളജുകള്‍ക്ക് റാങ്ക് ലിസ്റ്റ് നല്‍കി നടത്തുന്ന പ്രവേശനത്തിനോ പരിഗണിക്കാന്‍ ഉദ്ദേശിക്കുന്നവര്‍ ഹയര്‍ ഓപ്ഷനുകള്‍ നിലനിര്‍ത്തികൊണ്ട് സ്ഥിരം അഡ്മിഷന്‍ എടുക്കണം. മൂന്നാമത്തെ അലോട്ട്മെന്‍റ് വരെ ലഭിച്ച ഓപ്ഷനുകളില്‍ തൃപ്തരായവര്‍ ഹയര്‍ ഓപ്ഷനുകള്‍ കാന്‍സല്‍ ചെയ്ത് അഡ്മിഷന്‍ എടുക്കണം. ഹയര്‍ ഓപ്ഷനുകളില്‍ താത്പര്യമില്ലാത്തതും ക്യാന്‍സല്‍ ചെയ്യാം. ഹയര്‍ ഓപ്ഷനുകള്‍ നിലനിര്‍ത്തുന്നപക്ഷം തുടര്‍ന്നുള്ള അലോട്ട്മെന്‍റില്‍ ലഭിക്കുന്ന കോളജില്‍ നിര്‍ബന്ധമായും പ്രവേശനം നേടണം. മൂന്നാം അലോട്ട്മെന്‍റ് ലഭിച്ചവര്‍ക്ക് അഡ്മിറ്റ് കാര്‍ഡ് മാത്രമേ ലഭ്യമാകുകയുള്ളൂ. യുജി ക്യാപ് 2018 കിട്ടിയവര്‍ക്കുള്ള (അലോട്ട്മെന്‍റ് ലഭിച്ചവര്‍ക്കും അല്ലാതെയുള്ള പ്രവേശനം ലഭിച്ചവര്‍ക്കും) മാന്‍ഡേറ്ററി ഫീസ് അടക്കാനുള്ള സൗകര്യം 30 വരെ ഉണ്ടാകും.
അപേക്ഷ ക്ഷണിച്ചു
ഹെല്‍ത്ത് സയന്‍സ് പഠനവകുപ്പിനു കീഴില്‍ നടത്തുന്ന എംഎസ്‌സി ഫുഡ് സയന്‍സ് ആൻഡ് ടെക്നോളജി (പ്രവേശന പരീക്ഷയില്ലാത്ത) കോഴ്സിലേക്ക് അപേക്ഷ ക്ഷണിച്ചു. കാലിക്കട്ട്സര്‍വകലാശാലയുടെ ബിഎസ്‌സി ഫുഡ് ടെക്നോളജി (പാര്‍ട്ട് മൂന്ന്50% മാര്‍ക്ക്) പാസായവര്‍ക്ക് അപേക്ഷിക്കാം. അപേക്ഷാഫോം വെബ്സൈറ്റില്‍ നിന്ന് ഡൗണ്‍ലോഡ് ചെയ്യണം. ഫോണ്‍ 0494 2407345.
പ്രൊഫഷണല് അസിസ്റ്റന്‍റ് അഭിമുഖ സ്വാശ്രയ കേന്ദ്രങ്ങളിലേക്ക് പ്രഫഷണല്‍ അസിസ്റ്റന്‍റ് തസിതികയില്‍ ദിവസവേതന നിരക്കില്‍ നിയമനത്തിന് ഓണ്‍ലൈനായി അപേക്ഷിച്ചവരില്‍ യോഗ്യരായവര്‍ക്കുള്ള അഭിമുഖം ജൂലൈ ഏഴിന് രാവിലെ ഒമ്പതുമുതല്‍ ഭരണവിഭാഗത്തില്‍ നടക്കും. വിവരങ്ങള്‍ സര്‍വകലാശാലാ വെബ്സൈറ്റില്‍ . ഫോണ്‍: 0494 2407106.
എംഎഡ് പ്രവേശന റാങ്ക് ലിസ്റ്റ്
എഡ്യുക്കേഷന്‍ പഠനവകുപ്പിലെ എംഎഡ് പ്രവേശന റാങ്ക് ലിസ്റ്റ് പ്രസിദ്ധീകരിച്ചു. എല്ലാ വിഭാഗത്തിലേക്കുമുള്ള പ്രവേശനം 29ന് നടക്കും. റാങ്ക് ലിസ്റ്റില്‍ ഉള്‍പ്പെട്ടവര്‍ പത്ത് മണിക്ക് യോഗ്യതാ സര്‍ട്ടഫിക്കറ്റുകള്‍ , ടിസി, മറ്റ് രേഖകള്‍ , ഫീസ് എന്നിവ സഹിതം പഠനവകുപ്പില്‍ ഹാജരാകണം.
പരീക്ഷാഫലം
വിദൂരവിദ്യാഭ്യാസം ആറാം സെമസ്റ്റര്‍ ബിഎസ്‌സി കൗണ്‍സലിംഗ് സൈക്കോളജി (സിയുസിബിസിഎസ്എസ്) ഏപ്രില്‍ 2018 പരീക്ഷാഫലം വെബ്സൈറ്റില്‍ . പുനര്‍മൂല്യനിര്‍ണയത്തിന് ജൂലൈ ഏഴുവരെ അപേക്ഷിക്കാം. പ്രിന്‍റൗട്ട്, ചലാന്‍ സഹിതം ജൂലൈ പത്തിനകം ലഭിക്കണം.
പുനര്‍മൂല്യനിര്‍ണയ ഫലം
വിദൂരവിദ്യാഭ്യാസം നാലാം സെമസ്റ്റര്‍ ബിഎ/ബിഎസ്‌സി/ബിഎംഎംസി (സിയുസിഎസ്എസ്) ഏപ്രില്‍ 2017 പരീക്ഷയുടെ പുനര്‍മൂല്യനിര്‍ണയ ഫലം വെബ്സൈറ്റില്‍ .
കോളജ് പഠനം നിര്‍ത്തിയവര്‍ക്ക് എസ്ഡിഇ വഴി തുടര്‍പഠനം
അഫിലിയേറ്റഡ് കോളജുകളില്‍ 2014, 2016 വര്‍ഷങ്ങളില്‍ പ്രവേശനം നേടി ബിഎ/ബികോം/ബിബിഎ/ബിഎസ്‌സി മാത്‌സ് (സിയുസിബിസിഎസ്എസ്) ഒന്നു മുതല്‍ നാലു വരെ സെമസ്റ്റര്‍ പരീക്ഷ എഴുതിയ ശേഷം തുടര്‍പഠനം നടത്താനാവാത്തവര്‍ക്ക് പ്രൈവറ്റ് രജിസ്ട്രേഷന്‍ വഴി അഞ്ചാം സെമസ്റ്ററില്‍ പഠനം തുടരുന്നതിന് ആഗസ്റ്റ് എട്ടുവരെ ഓണ്‍ലൈനായി അപേക്ഷിക്കാം. ഗസറ്റഡ് ഓഫീസര്‍ സാക്ഷ്യപ്പെടുത്തിയ അപേക്ഷയുടെ പ്രിന്‍റൗട്ട്, വിജ്ഞാപനത്തില്‍ പറഞ്ഞ രേഖകള്‍ സഹിതം ഡയറക്ടർ, സ്‌കൂള്‍ ഓഫ് ഡിസ്റ്റന്‍സ് എഡ്യുക്കേഷൻ, യൂണിവേഴ്സിറ്റി ഓഫ് കാലിക്കട്ട് ,കാലിക്കട്ട് യൂണിവേഴ്സിറ്റി പി.ഒ, 673 635 എന്ന വിലാസത്തില്‍ ആഗസ്റ്റ് 16നകം ലഭിക്കണം. വിവരങ്ങള്‍ വെബ്സൈറ്റില്‍ . ഫോണ്‍: 0494 2407494.
അഫിലിയേറ്റഡ് കോളജുകളില്‍ 2012, 2013 വര്‍ഷങ്ങളില്‍ ബിരുദ പഠനത്തിന് (സിസിഎസ്എസ്) ചേര്‍ന്ന് ഒന്നു മുതല്‍ നാലുവരെ സെമസ്റ്റര്‍ പരീക്ഷ എഴുതിയ ശേഷം തുടര്‍പഠനം നടത്താനാവാത്തവര്‍ക്ക് പ്രൈവറ്റ് രജിസ്ട്രേഷന്‍ വഴി അഞ്ചാം സെമസ്റ്ററില്‍ (സിയുസിബിസിഎസ്എസ്) പഠനം തുടരാം. ഡെഫിഷന്‍സി പേപ്പറുണ്ടെങ്കില്‍ അവ പുതിയ സ്‌കീമില്‍ എഴുതണം. ആഗസ്റ്റ് എട്ടു വരെ ഓണ്‍ലൈനായി അപേക്ഷിക്കാം. ഗസറ്റഡ് ഓഫീസര്‍ സാക്ഷ്യപ്പെടുത്തിയ അപേക്ഷയുടെ പ്രിന്‍റൗട്ട്, വിജ്ഞാപനത്തില്‍ പറഞ്ഞ രേഖകള്‍ സഹിതം ഡയറക്ടർ, സ്‌കൂള്‍ ഓഫ് ഡിസ്റ്റന്‍സ് എഡ്യുക്കേഷന്‍ , യൂണിവേഴ്സിറ്റി ഓഫ് കാലിക്കട്ട് യൂണിവേഴ്സിറ്റി പി.ഒ, 673 635 എന്ന വിലാസത്തില്‍ ആഗസ്റ്റ് 16നകം ലഭിക്കണം. വിവരങ്ങള്‍ വെബ്സൈറ്റില്‍ . ഫോൺ: 0494 2407494.
എക്സാമിനേഴ്സ് മീറ്റിംഗ്
നാലാം സെമസ്റ്റര്‍ (സിയുസിബിസിഎസ്എസ്) ബിഎസ്‌സി ഫിസിക്സ് (കോംപ്ലിമെന്‍ററി) പ്രാക്ടിക്കല്‍ പരീക്ഷയുടെ എക്സാമിനേഴ്സ് മീറ്റിംഗിന് കോഴിക്കോട്, വയനാട് ജില്ലകളിലെ കോളജുകളിലെ അധ്യാപകര്‍ ജൂലൈ രണ്ടിന് രാവിലെ 10.30ന് കോഴിക്കോട് ഗുരുവായൂരപ്പന്‍ കോളജില്‍ ഹാജരാകണം.
സെനറ്റ് തെരഞ്ഞെടുപ്പ് ഇന്ന്
കാലിക്കട്ട് സര്‍വകലാശാലാ സെനറ്റിലെ അനധ്യാപക ജീവനക്കാരുടെ മണ്ഡലത്തിലേക്കുള്ള തെരഞ്ഞെടുപ്പ് ഇന്ന് രാവിലെ പത്തുമുതല്‍ വൈകുന്നേരം നാലുവരെ സര്‍വകലാശാലാ സെനറ്റ് ഹൗസിലും രാവിലെ ഒമ്പതു മുതല്‍ 12 വരെ തൃശൂര്‍ ഡോ.ജോണ്‍ മത്തായി നടക്കും.
പാലക്കാട്, തൃശൂര്‍ ജില്ലകളിലെ സര്‍വകലാശാലാ കേന്ദ്രങ്ങളിലെ ജീവനക്കാരും, തൃശൂര്‍ കേരള ഹെല്‍ത്ത് സര്‍വകലാശാലയില്‍ ഡെപ്യൂട്ടഷനില്‍ ജോലിചെയ്യുന്ന ജീവനക്കാരും ഡോ.ജോണ്‍ മത്തായി സെന്‍റ റിലെ പോളിംഗ് ബൂത്തിലാണ് സമ്മതിദാനവകാശം വിനിയോഗിക്കേണ്ടത്. മറ്റ് ജില്ലകളില്‍ ഡെപ്യുട്ടേഷനില്‍ ജോലിചെയ്യുന്ന ജീവനക്കാര്‍ പ്രധാന പോളിംഗ് ബൂത്തായ സര്‍വകലാശാലാ സെനറ്റ് ഹൗസിലാണ് വോട്ട് ചെയ്യേണ്ടത്. വോട്ട് ചെയ്യാനായി ജീവനക്കാര്‍ എംപ്ലോയര്‍ /ഡ്രോയിംഗ് ഓഫീസര്‍ സാക്ഷ്യപ്പെടുത്തിയ തിരിച്ചറിയല്‍ രേഖ നിര്‍ബന്ധമായും ഹാജരാക്കണം. മേലുദ്യോഗസ്ഥര് ഇല്ലാത്ത ജീവനക്കാര്‍ സര്‍വകലാശാല തിരിച്ചറിയല്‍ കാര്‍ഡും ഡിക്ലറേഷനും ഹാജരാക്കണം. തിരിച്ചറിയല്‍ കാര്‍ഡ്/ഡിക്ലറേഷന്‍റെ മാതൃക വോട്ടര്‍ക്കുള്ള നിര്‍ദ്ദേശം എന്നിവ സര്‍വകലാശാലാ വെബ്സൈറ്റിലെ സെനറ്റ് ഇലക്‌ഷന്‍ എന്ന തലക്കെട്ടില്‍ ലഭ്യമാണ്.