ഗോദ കിടുക്കും തിമിർക്കും പൊളിക്കും
സം​സാ​രി​ച്ചു​കൊ​ണ്ടി​രി​ക്കേ മ​ന​സി​ലൂ​ടെ പാ​ളി​​യ​ത് അ​ത്ര​യും ബേ​സി​ലി​ന്‍റെ സം​സാ​ര രീ​തി​യെ കു​റി​ച്ചു​ള്ള ചി​ന്ത​ക​ളാ​യി​രു​ന്നു. എ​ന്തൊ​രു ആ​വേ​ശ​മാ​ണ്... സി​നി​മ​യെ കു​റി​ച്ച് പ​റ​യു​ന്പോ​ൾ നാ​വി​ന്‍റെ എ​ണ്ണം കൂ​ടു​ന്ന പോ​ലെ. ഇ​ത് ഒ​രാ​ൾ ത​ന്നെ​യാ​ണോ ​പ​റ​യു​ന്ന​തെ​ന്ന് ആ​കെ​മൊ​ത്തം ഒ​രു ക​ണ്‍​ഫ്യൂ​ഷ​ൻ. ഫു​ൾ​സ്റ്റോ​പ്പി​ടാ​തെ​യും ചി​രി​ച്ചും മ​റ്റു ചി​ല​പ്പോ​ൾ വ​ള​രെ പ​ക്വ​ത​യോ​ടെ​യും ത​ന്‍റെ സി​നി​മ​യെ കു​റി​ച്ച് പ​റ​യാ​ൻ ദൈ​വം ബേ​സി​ലി​ന് ആ​യി​രം നാ​വ് ന​ൽ​കി​യി​ട്ടു​ണ്ടെ​ന്ന് ഇ​ട​യ്ക്ക് തോ​ന്നി​പ്പോ​യി. ഈ ​ആ​വേ​ശം ത​ന്നെ​യാ​ണ് ബേ​സി​ൽ ജോ​സ​ഫി​നെ സി​നി​മ മേ​ഖ​ല​യി​ൽ പി​ടി​ച്ച് നി​ർ​ത്തു​ന്ന​ത്. കു​ഞ്ഞി​രാ​മാ​യ​ണം എ​ന്ന ഒ​റ്റ സി​നി​മ കൊ​ണ്ട് ജ​ന​ഹൃ​ദ​യ​ങ്ങ​ളി​ൽ കൂ​ട് കൂ​ട്ടി​യ ബേ​സി​ൽ ര​ണ്ടാം അ​ങ്ക​ത്തി​നാ​യി ഇ​റ​ങ്ങി​യി​രി​ക്കു​ന്ന​ത് മ​ല​യാ​ള സി​നി​മ​യെ ത​ന്നെ ഗോ​ദ​യി​ലേ​ക്ക് വ​ലി​ച്ചി​ട്ടു​കൊ​ണ്ടാ​ണ്. മേ​യ് 12ന് ​തി​യ​റ്റ​റു​ക​ളി​ലേ​ക്ക് എ​ത്തു​ന്ന ഗോ​ദ എ​ന്ന സി​നി​മ​യെ ചു​റ്റി​പ​റ്റി​യു​ള്ള പ്ര​തീ​ക്ഷ​ക​ളി​ലാ​ണ് ബേ​സി​ൽ ജോ​സ​ഫ് ഇ​പ്പോ​ൾ. ഒ​രു ഗോ​ദ​യി​ലും ഒ​തു​ങ്ങാ​ത്ത ത​ന്‍റെ സി​നി​മ സ്വ​പ്ന​ങ്ങ​ളെ കു​റി​ച്ച് ബേ​സി​ൽ രാഷ്ട്രദീപികയോട് മ​ന​സു​തു​റ​ക്കു​ന്നു...

ഗോ​ദ​യി​ൽ എ​ന്‍റെ മ​ന​സു​ണ്ട് ഒ​രു​പാ​ട് പേ​രു​ടെ പ്ര​യ​ത്ന​വും.​കു​ഞ്ഞി​രാ​മാ​യ​ണം എ​ന്ന കു​ഞ്ഞ് സി​നി​മ​യു​ടെ വി​ജ​യ​ത്തി​ലൂ​ടെ എ​ന്നി​ൽ വ​ലി​യ ഒ​രു ഉ​ത്ത​ര​വാ​ദി​ത്തം കൂ​ടി ക​ട​ന്നു കൂ​ടി​യി​ട്ടു​ണ്ട്. ശ​രി​ക്കും പ​റ​ഞ്ഞാ​ൽ ആ ​ഉ​ത്ത​ര​വാ​ദി​ത്തത്തെ പേ​ടി​യെ​ന്നു വേ​ണേ​ലും വി​ളി​ക്കാം. അ​ത് ഉ​ള്ളി​ൽ കി​ട​ക്കും തോ​റും മു​ന്നോ​ട്ടു​ള്ള പോ​ക്ക് സു​ഗ​മ​മാ​യി​രി​ക്കും എ​ന്നാ​ണ് ഞാ​ൻ ക​രു​തു​ന്ന​ത്.​ആ പേ​ടി ഗോ​ദ​യി​ൽ പ്ര​തി​ഫ​ലി​ച്ചി​ട്ടു​ണ്ടെ​ന്ന് ത​ന്നെ​യാ​ണ് വി​ശ്വ​സി​ക്കു​ന്ന​ത്.

എ​ന്തി​നി​ത്ര പേ​ടി...

പി​ന്നെ പേ​ടി​ക്ക​ണ്ടേ... പ​ടം വി​ജ​യി​ച്ചാ​ൽ എ​ല്ലാ​വ​രും കൂ​ടെ കാ​ണും... പ​ടം പൊ​ട്ടി​യാ​ലോ...(​ചി​രി​ക്കു​ന്നു).​ സി​നി​മ​യി​ൽ വി​ശ്വാ​സം എ​ന്നു പ​റ​യു​ന്ന സം​ഗ​തി പ​തു​ങ്ങി​യും തെ​ളി​ഞ്ഞെു​മെ​ല്ലാം നി​ൽ​പ്പു​ണ്ട്.​ ആ​ദ്യ അ​വ​സ​ര​ത്തി​ൽ കു​ഞ്ഞി​രാ​മാ​യ​ണ​ത്തി​ലൂ​ടെ ഇ​വ​ൻ കൊ​ള്ളാം എ​ന്നു​ള്ള വി​ശ്വാ​സം പ്രേക്ഷകർക്കുണ്ടായി. അ​പ്പോ​ൾ ഏ​വ​രും ഉ​റ്റു​നോ​ക്കു​ക ബേ​സി​ലി​ന്‍റെ അ​ടു​ത്ത സി​നി​മ​യെ ആ​യി​രി​ക്കും. ഗോ​ദ ആ ​വി​ശ്വാ​സം കാ​ക്കു​മെ​ന്നു ത​ന്നെ​യാ​ണ് ക​രു​തു​ന്ന​ത്. പ​ക്ഷേ ഈ ​പ​റ​ഞ്ഞ പേ​ടി അ​ത് ഇ​പ്പോ​ഴും ഉ​ണ്ട്.​എ​ല്ലാ​ത്ത​രം പ്രേ​ക്ഷ​ക​രേ​യും മ​ന​സി​ൽ ക​ണ്ടു​കൊ​ണ്ടു ത​ന്നെ​യാ​ണ് ഗോ​ദ ഒ​രു​ക്കി​യി​രി​ക്കു​ന്ന​ത്.​പേ​ര് സൂ​ചി​പ്പി​ക്കും പോ​ലെ ചി​ത്രം ഗു​സ്തി​യെ ചു​റ്റി​പ​റ്റി​യു​ള്ള ക​ഥ​യാ​ണ് പ​റ​യു​ന്ന​ത്.

അ​ഖാ​ര ഗോ​ദ​യാ​യി

തി​ര എന്ന സി​നി​മ​യു​ടെ ഷൂ​ട്ടിം​ഗ് സ​മ​യ​ത്ത് രാ​കേ​ഷ് ച​ട്ട​നാ​ണ് ഈ ​ക​ഥ പ​റ​യു​ന്ന​ത്. അ​ന്നു മു​ത​ലേ ഈ ​ക​ഥ രാ​കേ​ഷ് ചേ​ട്ട​ന്‍റെ മ​ന​സി​ലു​ണ്ട്. കു​ഞ്ഞി​രാ​മാ​യ​ണ​ത്തി​ന് ശേ​ഷ​മാ​ണ് ഈ ​ക​ഥ​യെ കു​റി​ച്ച് കൂ​ടു​ത​ൽ ചി​ന്തി​ക്കു​ന്ന​ത്. അ​ഖാ​ര​യെ​ന്ന പേ​രി​ടാ​നാ​യി​രു​ന്നു ആ​ദ്യം തീ​രു​മാ​നി​ച്ച​ത്. ഗു​സ്തി പ​ഠി​ക്കു​ന്ന സ്ഥ​ല​ത്തെ​യാ​ണ് അ​ഖാ​ര​യെ​ന്ന് പ​റ​യു​ന്ന​ത്. പ​ക്ഷേ അ​ത് എ​ല്ലാ​വ​ർ​ക്കും മ​ന​സി​ലാ​ക​ണ​മെ​ന്നി​ല്ലെ​ന്നു​ള്ള അ​ഭി​പ്രാ​യം വ​ന്ന​പ്പോ​ൾ പേ​ര് ഗു​സ്തി​യെ​ന്ന് ത​ന്നെ ആ​ക്കി​യാ​ലോ എ​ന്നാ​യി ആ​ലോ​ച​ന. പി​ന്നീ​ട് പ​തി​യെ പ​തി​യെ ആ ​പേ​രും ഞ​ങ്ങ​ളു​ടെ മ​ന​സി​ൽ കി​ട​ന്ന് ഗു​സ്തി പി​ടി​ച്ച് ഗോ​ദ​യി​ലേ​ക്ക് എ​ത്തി​ച്ചേ​രു​ക​യാ​യി​രു​ന്നു.

2015 മു​ത​ലു​ള്ള പ​രി​ശ്ര​മം

കു​ഞ്ഞി​രാ​മാ​യ​ണം ക​ഴി​ഞ്ഞ​പ്പോഴേ ഗോ​ദ ചെ​യ്യാ​ൻ തീ​രു​മാ​നി​ച്ചു.​ രാ​കേ​ഷ് ചേ​ട്ട​ന്‍റെ മ​ന​സി​ലു​ള്ള ക​ഥ​യെ തി​ര​ക്ക​ഥ​യാ​യി രൂ​പ​പ്പെ​ടു​ത്താ​ൻ തു​ട​ങ്ങി​യ​പ്പോ​ൾ സ്പോ​ർ​ട്സ് മൂ​വി​യി​ൽ ഹ്യൂ​മ​ർ ട​ച്ച് കൂ​ടി ക​ട​ന്നു കൂ​ടി. 2015 ഒ​ക്ടോ​ബ​ർ മു​ത​ൽ ഗോ​ദ​യ്ക്ക് പി​ന്നാ​ലെ​യു​ണ്ട്. ചി​ത്രം സീ​രി​യ​സാ​യി​രി​ക്ക​ണം, സി​ന്പി​ളാ​യി​രി​ക്ക​ണം, ഹ്യൂ​മ​റും ഉ​ണ്ടാ​യി​രി​ക്ക​ണം അ​തി​ന്‍റെ അ​ടി​സ്ഥാ​ന​ത്തി​ലു​ള്ള തി​ര​ക്ക​ഥ പൂ​ർ​ത്തീ​ക​ര​ണ​ത്തി​നി​ട​യി​ൽ ത​ന്നെ ചി​ത്ര​ത്തി​ലേ​ക്കു​ള്ള താ​ര​ങ്ങ​ളെ കു​റി​ച്ചും ഒ​രു ധാ​ര​ണ​യാ​യി.

ചു​മ്മാ പ​റ​ഞ്ഞാ​ൽ പോ​ര​ല്ലോ

ഗു​സ്തി​യെ കു​റി​ച്ചെ​ല്ലാം പ​റ​യു​ന്പോ​ൾ ആ​ൾ​ക്കാ​ർ​ക്ക് മ​ന​സി​ലാ​ക​ണ​മ​ല്ലോ.​അ​പ്പോ​ൾ അ​തി​ന്‍റേ​താ​യ ഹോം​വ​ർ​ക്കും ന​ട​ത്തേ​ണ്ടി വ​രും. രാ​കേ​ഷ് ചേ​ട്ട​ൻ എ​ട്ടു​മാ​സ​ത്തോ​ള​മെ​ടു​ത്തു തി​ര​ക്ക​ഥ പൂ​ർ​ത്തീ​ക​രി​ക്കാ​ൻ. ഈ ​സ​മ​യ​ത്തി​നു​ള്ളി​ൽ ത​ന്നെ ലൊ​ക്കേ​ഷ​നും മ​റ്റു കാ​ര്യ​ങ്ങ​ളും ഫി​ക്സ് ചെ​യ്തു. തി​ര​ക്ക​ഥ റെ​ഡി​യാ​യ​പ്പോ​ളേ​ക്കും സി​നി​മ​യെ​ടു​ക്കാ​നു​ള്ള മ​റ്റ് കാ​ര്യ​ങ്ങ​ളും താ​നെ ശ​രി​യാ​യി.​അ​തി​നി​ട​യി​ൽ ചി​ല റി​സ്ക്കു​ക​ൾ കൂ​ടി താ​നെ ഇ​ല്ലാ​താ​യി.

സു​ൽ​ത്താ​നും ദം​ഗ​ലും

സു​ൽ​ത്താ​ൻ റി​ലീ​സാ​കു​ന്ന​ത് ഗോ​ദ​യു​ടെ ഷൂ​ട്ടിം​ഗ് ന​ട​ന്നു കൊ​ണ്ടി​രി​ക്കു​ന്പോ​ളാ​ണ്.​ അ​തോ​ടെ ഗു​സ്തി​യി​ലെ പോ​യി​ന്‍റും മ​റ്റു​മെ​ല്ലാം വി​ശ​ദീ​ക​രി​ച്ച് കൊ​ടു​ക്കേ​ണ്ട റി​സ്ക്ക് താ​നെ ഇ​ല്ലാ​താ​യി.​ഗോ​ദ ഇ​റ​ങ്ങു​ന്പോ​ൾ അ​തെ​ല്ലാം പ്രേ​ക്ഷ​ക​രു​ടെ മ​ന​സി​ൽ ഉ​ണ്ടാ​വും.​ ദം​ഗ​ൽ കൂ​ടി ക​ഴി​ഞ്ഞ വ​ർ​ഷം ഇ​റ​ങ്ങി​യ​തോ​ടെ ഗു​സ്തി കൂ​ടു​ത​ൽ ആ​ൾ​ക്കാ​ർ​ക്കി​ട​യി​ൽ ച​ർ​ച്ച​യാ​യി.​ ആ​മി​ർ ഖാ​നെ​യും സ​ൽ​മാ​നെ​യും പോ​ലു​ള്ള വ​ൻ താ​ര​ങ്ങ​ൾ അ​ഭി​ന​യി​ച്ച ബി​ഗ് ബ​ജ​റ്റ് ചി​ത്ര​ങ്ങ​ളു​മാ​യി ഗോ​ദ​യെ താ​ര​ത​മ്യം ചെ​യ്യ​രു​തെ​ന്നു മാ​ത്ര​മേ പ്രേ​ക്ഷ​ക​രോ​ടു പ​റ​യാ​നു​ള്ളൂ. ഗോ​ദ ഒ​രു​പാ​ട് പു​തു​മ​ക​ളു​ള്ള ഒ​രു കു​ഞ്ഞു​ചി​ത്രം മാ​ത്ര​മാ​ണ്.


ഗോ​ദ സിന്പിളാണ്

ഗോദ ഫാ​മി​ലി എ​ന്‍റ​ർ​ടെയ്ന​റാ​ണ്. ഗു​സ്തി​ക്കൊ​പ്പം ത​മാ​ശ​യ്ക്കും സം​ഗീ​ത​ത്തി​നും ഗോ​ദ​യി​ൽ പ്രാ​ധാ​ന്യം ന​ല്കി​യി​ട്ടു​ണ്ട്്. എ​ന്നു ക​രു​തി ത​മാ​ശ​യ്ക്കു വേ​ണ്ടി​യു​ള​ള ത​മാ​ശ​യ​ല്ല കേ​ട്ടോ. സി​റ്റു​വേ​ഷ​ന് അ​നു​സ​രി​ച്ചു​ള്ള കു​ഞ്ഞുകു​ഞ്ഞ് ന​ർ​മ മു​ഹൂ​ർ​ത്ത​ങ്ങ​ളും സി​നി​മ​യോ​ട് ചേ​ർ​ന്ന് നി​ൽ​ക്കു​ന്നു​ണ്ട്.

ര​ണ്‍​ജി പ​ണി​ക്ക​ർ

തി​ര​ക്ക​ഥാവേ​ള​യി​ൽ ത​ന്നെ മ​ന​സി​ലേ​ക്ക് ക​ട​ന്നു​വ​ന്ന താ​ര​ങ്ങ​ളാ​ണ് ടൊ​വി​നോ​യും ര​ണ്‍​ജി പ​ണി​ക്ക​ർ സാ​റും. ക്യാ​പ്റ്റ​ൻ ഫ​യ​ൽ​വാ​നാ​യാ​ണ് ര​ണ്‍​ജി സാ​ർ ചി​ത്ര​ത്തി​ൽ എ​ത്തു​ന്ന​ത്.​ സാ​ർ പി​ന്നെ ബോ​ഡി​ബി​ൽ​ഡിം​ഗി​ൽ ശ്ര​ദ്ധി​ക്കു​ന്ന ആ​ളാ​യ​തു കൊ​ണ്ട് സി​നി​മ​യ്ക്ക് അ​ത് ന​ല്ല​രീ​തി​യി​ൽ ഗു​ണം ചെ​യ്തു. ഷൂ​ട്ടിം​ഗ് ഇ​ട​യ്ക്കൊ​ക്കെ നി​ർ​ത്തി​വെ​യ്​ക്കേ​ണ്ട സാ​ഹ​ച​ര്യം ഉ​ണ്ടാ​യ​പ്പോ​ഴും ര​ണ്‍​ജി സാ​ർ ലു​ക്ക് ഒ​ക്കെ മെ​യ്ന്‍റെയ്ൻ ചെ​യ്തു. അ​തി​നി​ട​യ്ക്ക് മ​റ്റ് സി​നി​മ​ക​ൾ വ​ന്നെ​ങ്കി​ലും ലു​ക്ക് വി​ട്ടു​ള്ള ക​ളി​ക്ക് സാ​ർ നി​ന്നു കൊ​ടു​ത്തി​ല്ല.

ടൊ​വി​നോ​യു​ടെ ആ​ത്മാ​ർ​ഥ​ത

ഒ​രു സി​നി​മ​യു​ടെ പൂ​ർ​ണ​ത​യ്ക്കാ​യി ഏ​ത​റ്റം​വ​രെ​യും പോ​കു​ന്ന ന​ട​നാ​ണ് ടൊ​വി​നോ.​ ഗോ​ദ​യ്ക്കാ​യി ജി​മ്മി​ൽ പോ​യു​ള്ള വ​ർ​ക്ക് ഒൗ​ട്ട്... പി​ന്നെ ഗു​സ്തി പ​ഠി​ക്കാ​നാ​യി ഫ​യ​ൽ​വാ​ൻ മി​ന്ന​ൽ ജോ​ർ​ജി​ന്‍റെ അ​ടു​ത്ത് ട്രെ​യി​നിം​ഗി​ന് പോ​യി. ഷൂ​ട്ടിം​ഗ് നീ​ണ്ടു പോ​യ സാ​ഹ​ച​ര്യ​ത്തി​ൽ മ​റ്റു സി​നി​മ​ക​ളി​ലേ​ക്ക് പോ​യ​പ്പോ​ഴും ലു​ക്ക് മെ​യ്ന്‍റെയ്ൻ ചെ​യ്തു. ഗ​പ്പി​യും മെ​ക്സി​ക്ക​ൻ അ​പാ​ര​ത​യു​മെ​ല്ലാം ഇ​തി​നി​ട​യി​ൽ ടൊ​വി​നോ​യു​ടേ​താ​യി തി​യ​റ്റ​റി​ൽ എ​ത്തി​യ ചി​ത്ര​ങ്ങ​ളാ​ണ്. അ​ല്പം മ​ടി​യൊ​ക്കെ ഉ​ണ്ടാ​യി​രു​ന്നെ​ങ്കി​ലും ജി​മ്മി​ലൊ​ക്കെ പോ​യി തു​ട​ങ്ങി​യ​തോ​ടെ ടൊ​വി​നോ ഉ​ഷാ​റാ​യി.​ശ​രി​ക്കും പ​റ​ഞ്ഞാ​ൽ ഈ ​ഡെ​ഡി​ക്കേ​ഷ​ൻ കാ​ണു​ന്പോ​ൾ ടൊ​വി​നോ​യോ​ട് ബ​ഹു​മാ​നം തോ​ന്നി പോ​യി​ട്ടു​ണ്ട്. ചി​ത്ര​ത്തി​ൽ ക്യാ​പ്റ്റ​ൻ ഫ​യ​ൽ​വാ​ന്‍റെ മ​ക​ൻ ആ​ഞ്ജ​നേ​യ ദാ​സ​നാ​യി​ട്ടാ​ണ് ടൊ​വി​നോ എ​ത്തു​ന്ന​ത്.

നാ​യി​ക പ്രാ​ധാ​ന്യ​മു​ള്ള ചി​ത്രം

ഇ​ൻ​സ്റ്റാ​ഗ്രാ​മി​ൽ വ​മി​ഖ​യു​ടെ ഡാ​ൻ​സ് പെ​ർ​ഫോ​മ​ൻ​സ് ക​ണ്ട​തോ​ടെ വ​മി​ഖ മ​തി ഈ ​ചി​ത്ര​ത്തി​ലെ​ന്ന് ഉ​റ​പ്പി​ക്കു​ക​യാ​യി​രു​ന്നു. ഗോ​ദ വ​മി​ഖ ഗ​ബ്ബി​യു​ടെ ചി​ത്ര​മാ​ണ്.​ ഈ പ​റ​യു​ന്ന​തി​ന്‍റെ പൊ​രു​ൾ ചി​ത്രം ക​ണ്ടി​റ​ങ്ങു​ന്പോ​ൾ മ​ന​സി​ലാ​കും.​ വ​മി​ഖ അ​ടി​പൊ​ളി​യാ​ണ്, ക്യൂ​ട്ടാ​ണ്.​ കഥക് ഡാ​ൻ​സ​റാ​ണ് കൂ​ടാ​തെ പ​ഞ്ചാ​ബി​ക്കാ​രി കൂ​ടി​യാ​ണ്. ഷൂ​ട്ട് പ​ഞ്ചാ​ബി​ലാ​യ​തി​നാ​ൽ ത​ന്നെ പ​ഞ്ചാ​ബി പെ​ണ്‍​കു​ട്ടി​യെ ത​ന്നെ​യാ​യി​രു​ന്നു സി​നി​മ​യ്ക്ക് വേ​ണ്ടി​യി​രു​ന്ന​ത്. ജി​ൽ ജി​ല്ലെ​ന്ന് പ​റ​ഞ്ഞ് നി​ൽ​ക്കു​ന്ന നാ​യി​ക​യെ​യാ​ണ് സി​നി​മ​യ്ക്ക് വേ​ണ്ടി​യി​രു​ന്ന​ത്.​അ​ദിതി സിംഗായാണ് വമിഖ ഗോ​ദ​യി​ലെ​ത്തു​ന്ന​ത്. ഗു​സ്തി പ​ഠി​ക്കാ​നും ബോ​ഡി ബി​ൽ​ഡ് ചെ​യ്യാ​നു​മെ​ല്ലാം പൂ​ർ​ണ​മ​ന​സോ​ടെ ത​യ്യാ​റാ​യ​തോ​ടെ വ​മി​ഖ ഗോ​ദ​യു​ടെ ഭാ​ഗ​മാ​കു​ക​യാ​യി​രു​ന്നു. മ​ന​സി​ൽ ഉ​ദ്ദേ​ശി​ച്ച​തി​നേ​ക്കാ​ൾ നൂ​റി​ര​ട്ടി വ​മി​ഖ ഗോ​ദ​യ്ക്കാ​യി പെ​ർ​ഫോം ചെ​യ്തി​ട്ടു​ണ്ട്.

ലൊ​ക്കേ​ഷ​ൻ വി​ശേ​ഷ​ങ്ങ​ൾ

പ​ഞ്ചാ​ബ്, പ​ട്യാ​ല, ഛത്തീ​സ്ഗ​ഡ്, ലു​ധി​യാ​ന, പ​ഴ​നി പി​ന്നെ ഒ​റ്റ​പ്പാ​ലം എ​ന്നി​വി​ട​ങ്ങ​ളി​ലാ​യി​രു​ന്നു ഷൂ​ട്ട്. ഭാ​ഷ ഒ​രു വ​ലി​യ പ്ര​ശ്ന​മാ​യി​രു​ന്നു. പ​ക്ഷേ മ​ല​യാ​ളി​ക​ൾ എ​വി​ടെ ചെ​ന്നാ​ലും പി​ടി​ച്ച് നി​ൽ​ക്കൂ​ലോ അ​തു​പോ​ലെ അ​ങ്ങ് പി​ടി​ച്ചുനി​ന്നു.​സം​ഭ​വം പ​ഞ്ചാ​ബി​ക​ൾ​ക്ക് മ​ന​സി​ലാ​ക​ണം അ​ത്ര​യേ​യു​ള​ളു.​അ​തി​പ്പോ​ൾ ആം​ഗ്യ ഭാ​ഷ​യി​ൽ ആ​യാ​ലും മ​തി. അ​ങ്ങോ​ട്ടും ഇ​ങ്ങോ​ട്ടും കാ​ര്യ​ങ്ങ​ൾ മ​ന​സി​ലാ​വ​ണം അ​ത്ര ത​ന്നെ. വ​ള​രെ നി​ഷ്ക​ള​ങ്ക​രാ​യ നാ​ട്ടു​കാ​രാ​ണ് പ​ഞ്ചാ​ബി​ലു​ള്ള​ത്. അ​തു​കൊ​ണ്ടു ത​ന്നെ വ​ള​രെ കൂ​ളാ​യി അ​വി​ടു​ത്തെ ഷൂ​ട്ടെ​ല്ലാം തീ​ർ​ക്കാ​ൻ പ​റ്റി.

കാമറാമാന്‍റെ സാഹസങ്ങൾ

കു​ഞ്ഞി​രാ​മാ​യ​ണ​ത്തി​ന്‍റെ ഛായാ​ഗ്രാ​ഹ​ക​ൻ വി​ഷ്ണു ശ​ർ​മ്മ ത​ന്നെ​യാ​ണ് ഗോ​ദ​യി​ലും കാ​മ​റ കൈ​കാ​ര്യം ചെ​യ്തി​രി​ക്കു​ന്ന​ത്. ന​ടന്മാ​ർ​ക്കൊ​പ്പം കാ​മ​റാ​മാ​നും ജി​മ്മി​ൽ പോ​കേ​ണ്ട സാ​ഹ​ച​ര്യം ചി​ത്ര​ത്തി​ലു​ണ്ടാ​യി. കാ​ര​ണം ശാ​രീ​രി​ക​മാ​യി ആ​ള് ഉ​ഷാ​റ​ല്ലെ​ങ്കി​ൽ ഗോ​ദ​യ്ക്കാ​യി കാ​മ​റ ച​ലി​പ്പി​ക്കു​ക എ​ന്നു പ​റ​യു​ന്ന​ത് പ്ര​യാ​സ​ക​ര​മാ​യ കാ​ര്യ​മാ​യി​രു​ന്നു. കാ​മ​റ ജിം​ബ​ലി​ൽ ഘ​ടി​പ്പി​ച്ച് അ​തും കൈ​യി​ൽ പി​ടി​ച്ചു കൊ​ണ്ടു​ള്ള ഓ​ട്ടം ഇ​ത്തി​രി മെ​ന​ക്കെ​ട്ട പ​ണി​യാ​ണ്. ശാ​രീ​രി​ക അ​ധ്വാ​ന​മു​ള്ള ജോ​ലി ശ​രി​ക്കും പാ​ടു​പ്പെ​ട്ടു ത​ന്നെ വി​ഷ്ണു ചെ​യ്തി​ട്ടു​മു​ണ്ട്. അ​തി​ന്‍റെ റി​സ​ൽ​റ്റ് സ്ക്രീ​നി​ൽ മി​ക​വോ​ടെ പ​തി​ഞ്ഞി​ട്ടു​ണ്ട്. എ​ഡി​റ്റ​ർ അ​ഭി​ന​വ് സു​ന്ദ​ർ നാ​യി​ക്കും സം​ഗീ​ത​സം​വി​ധാ​യ​ക​ൻ ഷാ​ൻ റ​ഹ്മാ​നും ചി​ത്ര​ത്തി​ന്‍റെ പ​ൾ​സ് അ​റി​ഞ്ഞു​ത​ന്നെ ഗോ​ദ​യ്ക്കൊ​പ്പ​മു​ണ്ടാ​യി​രു​ന്നു. അ​ഭി​ന​വി​ന്‍റെ എ​ഡി​റ്റിം​ഗും മ​നു മ​ഞ്ജി​ത്തി​ന്‍റെ വ​രി​ക​ളും ഷാ​ൻ റ​ഹ്മാ​ന്‍റെ സം​ഗീ​ത​വും ഗോ​ദ​യു​ടെ പ്ല​സ് പോ​യി​ന്‍റു​ക​ളാ​ണ്.

55 ദി​വ​സ​ത്തെ ഷൂ​ട്ട്... പ​ക്ഷേ...

55 ദി​വ​സ​മേ ഷൂ​ട്ടിം​ഗി​ന് വേ​ണ്ടി വ​ന്നു​ള്ളു ഗോ​ദ ഷൂ​ട്ട് ചെ​യ്യാ​ൻ പ​ക്ഷേ ആ​റു​മാ​സ​ത്തി​നി​ട​യി​ലാ​ണ് ഈ 55 ​ദി​വ​സം ക​ട​ന്നു പോ​യ​തെ​ന്ന് മാ​ത്രം.​നാ​യി​ക​യ്ക്ക് ഷൂ​ട്ടി​നി​ട​യി​ൽ പ​രി​ക്ക് പ​റ്റു​ക​യും ഷൂ​ട്ട് ര​ണ്ടാ​ഴ്ച​യോ​ളം നി​ർ​ത്തി​വെ​യ്ക്കേ​ണ്ടി​യും വ​ന്നു.​ഈ ര​ണ്ടാ​ഴ്ച​യ്ക്കി​ട​യി​ൽ മ​റ്റ് താ​ര​ങ്ങ​ൾ​ക്ക് അ​വ​ർ നേ​ര​ത്തെ ക​മ്മി​റ്റ് ചെ​യ്ത സി​നി​മ​ക​ളി​ൽ അ​ഭി​ന​യി​ക്കാ​ൻ പോ​കേ​ണ്ടി വ​ന്നു.​അ​തോ​ടെ ഷൂ​ട്ടിം​ഗ് നീ​ണ്ടു പോ​യി.​ഇ​ത്ത​ര​ത്തി​ൽ ഉ​ള്ള നി​ര​വ​ധി ത​ട​സ​ങ്ങ​ൾ ഷൂ​ട്ടിം​ഗി​നി​ട​യി​ൽ ഉ​ണ്ടാ​യി​ട്ടു​ണ്ട്. എന്തായാലും അവധിക്കാലം അടിപൊളിയാക്കാനുള്ളതെല്ലാം ഗോദയിലുണ്ട്.

വി.​ശ്രീ​കാ​ന്ത്