കോള്‍ പടവുകളില്‍ മത്സ്യക്കൊയ്ത്ത്‌
തു​ലാ​മ​ഴ പെ​യ്തൊ​ഴി​യും മു​ന്പേ കോ​ൾ പ​ട​വു​ക​ളി​ൽ മ​ത്സ്യ​ക്കൊ​യ്ത്തു തു​ട​ങ്ങി. കോ​ൾ​പാ​ട​ങ്ങ​ളി​ൽ നെ​ൽ​കൃ​ഷി​ക്കു​ള്ള സ​മ​യ​മാ​യി. ന​വം​ബ​ർ പ​കു​തി​ക​ഴി​യു​ന്ന​തോ​ടെ നി​ലം ഉ​ഴാ​ൻ തു​ട​ങ്ങും. അ​തി​നു മു​ന്നോ​ടി​യാ​യാ​ണ് ഈ ​മ​ത്സ്യ​വി​ള​വെ​ടു​പ്പ്.

തൃ​ശൂ​ർ -​ ഇ​രി​ങ്ങാ​ല​ക്കു​ട റൂ​ട്ടി​ൽ ക​ണി​മം​ഗ​ലം പാ​ലം ക​ഴി​ഞ്ഞാ​ൽ ഇ​രു​വ​ശ​വും നോ​ക്കെ​ത്താ​ദൂ​രംപോ​ലെ പ​ര​ന്നു​കി​ട​ക്കു​ന്ന കോ​ൾ​പാ​ട​മാ​ണു "കി​ഴ​ക്ക​ൻ കോ​ൾ-​പോ​ർ കോ​ൾ​' പാടം. വ​ർ​ഷ​കാല​ത്ത് ഇ​തി​ലൂ​ടെ വാ​ഹ​ന​ങ്ങ​ളി​ൽ ക​ട​ന്നു​പോ​കു​ന്ന​വ​ർ ഇ​തു കാ​യ​ലാ​ണോ, പു​ഴ​യാ​ണോ എ​ന്നു പോ​ലും സം​ശ​യി​ക്കാ​റു​ണ്ട്. ഇ​വി​ടത്തെ മ​ത്സ്യ​ക്കൊയ്ത്തി​ന്‍റെ വി​ശേ​ഷ​ങ്ങ​ളാ​ണു പ​റ​ഞ്ഞു​വ​രു​ന്ന​ത്.

വെ​ള്ള​മി​റ​ങ്ങി കൃ​ഷി​പ്പ​ണി തു​ട​ങ്ങാ​റായ​തോ​ടെ ത​കൃ​തി​യാ​യ മ​ത്സ്യക്കൊ​യ്ത്താ​ണ്. പ​ര​ന്പ​രാ​ഗ​ത നാ​ട​ൻ മ​ത്സ്യ​ങ്ങ​ളാ​യ പ​ര​ല്, പ​ള്ള​ത്തി, കൂ​രി, ആ​ര​ല്, മു​താ​ടി (പ​ക​ലു​റ​ങ്ങി), ക​രി​പ്പി​ടി, കോ​ലാ​ൻ, മു​ണ്ടോ​ത്തി (വ​ലി​യ​ത​രം പ​ര​ല്) എ​ന്നി​വ​യാ​ണു ധാ​രാ​ള​മാ​യി കി​ട്ടു​ന്ന​ത്. എ​ന്നാ​ൽ വ​രാ​ൽ (ബ്രാല്), മ​ലി​ഞ്ഞീൻ, വാ​ള, ക​ടു എ​ന്നീ വി​ല​കൂ​ടു​ത​ൽ ല​ഭി​ക്കു​ന്ന മീ​നു​ക​ൾ വ​ള​രെ കു​റ​ച്ചു​മാ​ത്ര​മെ കി​ട്ടു​ന്നൂ​ള്ളു​വെ​ന്നാ​ണു ചി​റ ലേ​ലം ചെ​യ്ത കോ​യാ​ത്ത് സു​ജി​ത്ത് എ​ന്ന മ​ത്സ്യ ക​ർ​ഷ​ക​ൻ പ​റ​യു​ന്ന​ത്. "എ​ന്‍റെ ചേ​ട്ടാ, എ​ന്തോ​രം ബ്രാ​ലും, വാ​ളേം കി​ട്ടീ​ര്ന്ന ചെ​റെയാ​ന്നാ, മ​ഞ്ഞ് വീ​ണാൽ മ​ലി​ഞ്ഞീ​നും ന​ന്നാ​യി കി​ട്ടേ​ര്ന്ന​താ. ഇ​പ്പോ, ഒ​ന്നി​നേം കാ​ണാ​നി​ല്ല. പി​ന്നെ വ​ള​ർ​ത്ത് മീ​ൻ ന​ന്നാ​യി കി​ട്ട്ണ് ണ്ട്. ക​ട്‌​ല, സൈ​പ്ര​സ്, രോ​ഹു, ഗ്രാ​സ്കാ​ർ​പ്പ്, തിലോപ്പി. അ​തോ​ണ്ട് പി​ടി​ച്ച്നി​ന്ന് പോ​വും. പ​ണീ​ട്ക്ക​ണ കൂ​ലി മു​ട്ട​ണ്ടെ, പി​ന്നെ ഞ​ങ്ങ​ക്ക് ഇ​ത് ക്രേയ്സാ.' സു​ജി​ത്തും അ​നു​ജ​ൻ കെ.​ജി. ജി​ഷ്ണ​വും ക​ത്തി​ക്കയ​റി. ഇ​വി​ടെ അ​പൂ​ർ​വ​മാ​യി കി​ട്ടി​യ ഒ​രു ആ​റ്റു കൊ​ഞ്ചി​നെ മാ​ല​പോ​ലെ ക​ഴു​ത്തി​ല​ണി​ഞ്ഞ് സെ​ൽ​ഫി കാ​ണി​ച്ചോ​ണ്ട് ജി​ഷ്ണു പ​റ​ഞ്ഞു. "ചേ​ട്ട​ൻ നാ​ളെ പു​ല​ർ​ച്ചെ പോ​ര്.. ഭാ​ഗ്യ​ണ്ട്ങ്ങെ ഒ​രു അ​ടി​പൊ​ളി സാ​ധ​നം കി​ട്ടും..'

ചി​റ​യു​ടെ വ​ശ​ങ്ങ​ളി​ലെ ക​രി​ങ്ക​ൽകെ​ട്ടി​ൽ മു​റി​ ബീ​ഡി വി​ലി​ച്ചി​രി​ക്കു​ന്ന ജോ​സേ​ട്ട​ൻ വ​ന്നു, "അ​ന്പ​തു കൊ​ല്ല​ത്തി​നു മേ​ലെ​യാ​യി ഞാ​നീ​പ്പ​ണി തു​ട​ങ്ങീ​ട്ട്, അ​പ്പ​ന്‍റെ കൂ​ടെ ന​ട​ന്ന് പ​ഠി​ച്ച​താ. ഈ​യാ​വേ​ട്ട​ൻന്ന് ​കേ​ട്ടീ​ട്ട്ണ്ടാ.. ഇ​വട്ത്തെ മീ​ൻ പി​ടി​ത്ത​ത്തി​ലെ പു​ലി​യാ​യിരുന്നു അ​പ്പ​ൻ. അ​ന്നൊ​ക്കെ വെ​യ്‌​ലൊ​ന്നു വീ​ണാ​മ​തി ഈ ​ചെ​റേ​ല് നീ​ർ കു​ടി​ക്കാ​ൻ പൊ​ന്ത​ണ ബ്രാ​ല്നെ ക​ണ്ടാ ന​മ്മ്ടെ ക​ണ്ണ് ത​ള്ളും. വ​ലേ​ടു​ത്ത​ങ്ങ്ട് എ​റ​ങ്ങി ഒ​റ്റ​വീ​ശാ. ഒ​രു​കി​ലോ, ഒ​ന്നേ​കാൽ കി​ലോ വ​രെ​യു​ള്ള മു​ഴു​ത്ത ബ്ര​ാല്നെ കി​ട്ടാ​റ്ണ്ട്. ഇ​പ്പൊ അ​ങ്ങ്ന​ത്തെ ഒ​രെ​ണ്ണം കാ​ണാ​ൻ കൊ​ത്യാ​വാ.. അ​റ​ഞ്ഞ​ല് ഗം​ഭീ​ര ടേ​സ്റ്റാ.. വ​റ്ക്കാ​ൻ. . മു​ന്നൂ​റ് ഗ്രാം ​വ​രെ​യു​ള്ള​തിനെ കി​ട്ടീ​ട്ട്ണ്ട്. ഇ​പ്പോ ക​ണി​കാ​ണാ​നി​ല്ല. മു​ശു (മു​ഷി) അ​ത് ഇ​ല്ല്യ​ാണ്ടാ​യി... തൊ​ണ്ണി വാ​ളേം ക​രി​മീ​നും വ​ല്ലാ​ണ്ട് കൊ​റ​ഞ്ഞു. ക​ല്ലാ​ര​ലും ഇ​ല്ല.' ജോ​സേ​ട്ട​ൻ പ​ഴം​പു​രാ​ണം പ​റ​യാ​ൻ തു​ട​ങ്ങി​യ​തോ​ടെ കേ​ൾ​ക്കാ​ൻ ആ​ളു​കൂ​ടി.


ശു​ദ്ധ​മാ​യ നാ​ട​ൻ മ​ത്സ്യ​ങ്ങ​ളെ വാ​ങ്ങാ​ൻ രാ​വി​ലെ വ​ൻ ജ​ന​ത്തിര​ക്കാ​ണി​വി​ടെ. അ​തി​രാ​വി​ലെ വീ​ശി​പ്പിടി​ച്ച മീ​നു​ക​ൾ ഏ​ഴ​ര​യോ​ടെ ചി​റ​യി​ലെ താ​ത്കാ​ലി​ക ഷെ​ഡി​ലെ ത​ട്ടി​ൽ കൊ​ണ്ടി​ടും. പ​ര​ലാ​ണ് ഏ​റ്റ​വും കൂ​ടു​ത​ൽ. അ​ടി​പ്പ​ര​ല്, ഉ​രു​ള​ൻ​പ​ര​ല്, പൂ​വാ​ലി​പ്പ​ര​ല് തു​ട​ങ്ങി മി​ക്ക ഇ​നം പ​ര​ലു​ക​ളും കി​ട്ടു​ന്നു​ണ്ട്. മ​ത്സ്യ​മാ​ർ​ക്ക​റ്റു​ക​ളെ അ​പേ​ക്ഷി​ച്ച് വ​ള​രെ വി​ല​ക്കുറ​വാ​ണ് ഇ​വി​ടെ​. അതുകൊ ണ്ടുതന്നെ വാ​ങ്ങാനെത്തുന്നവരും ധാരാളം. പ​ര​ല്, കൂ​രി - 60 രൂ​പ, മു​ണ്ടോ​ത്തി -150, ക​രി​പ്പി​ടി - 120, കോ​ലാ​ൻ - 150 മു​ത​ൽ 180 വരെ (വ​ലു​പ്പം അ​നു​സ​രി​ച്ച്), ആ​ര​ല് - 250, വാ​ള- 200 മു​ത​ൽ 250 വ​രെ, ബ്രാ​ല് - 400 മു​ത​ൽ 500 വ​രെ, തിലോ​പ്പി, രോ​ഹു -150 രൂ​പ.
"ദേ .. ​ഇ​ത് ഇ​പ്പ​ങ്ങ്ട് ക​ഴിയും. അ​ടു​ത്ത​യാ​ഴ്ച ട്രാ​ക്ട​ർ കൊ​ണ്ട​്വന്ന് നെ​ലം ഉ​ഴും. ന​വം​ബ​ർ അ​വ​സാ​ന​ത്തോ​ടെ നാ​ട് (ന​ടീ​ൽ) അ​വ​സാ​നി​ക്കും. ക​ഴി​ഞ്ഞ വ​ർ​ഷം ബിഹാ​റി​ക​ളും ബം​ഗാ​ളി​കളുമൊക്കെ ആ​യി​രുന്നു. മെ​ഷീ​നും പ​രീ​ക്ഷി​ച്ചു. പ​ക്ഷേ, ഇ​ത്ത​വ​ണ കൈ ​നാടാ(കൈ​കൊ​ണ്ട് ന​ടീ​ൽ). ന​മ്മ്ടെ തൊ​ഴി​ലു​റ​പ്പ് പെ​ണ്ണ്ങ്ങ്ള് സ​മ്മ​തി​ച്ചിട്ട്ണ്ട്.. ​അ​താ​ണ്ട് ഇ​ത്ത​വ​ണ ക​ല​ക്കും.' കി​ഴ​ക്ക​ൻ കോ​ൾ - പോ​ർ കോ​ൾ ക​ർ​ഷ​ക​സ​മി​തി പ്ര​സി​ഡ​ന്‍റ് മ​ങ്കു​ഴി ശ​ങ്ക​രേ​ട്ട​ൻ പ​റ​ഞ്ഞു.

സെബി മാളിയേക്കൽ