ഞ​ങ്ങ​ൾ​ക്ക് മാ​വോ​യി​സ്റ്റ് ഭീ​ഷ​ണി​യു​ണ്ടേ...
ഇ​വ​ർ പോ​ലീ​സു​കാ​ർ ചെ​യ്യു​ന്ന​ത് ദാ​സ്യ​പ്പ​ണി-5

ചു​മ്മാ ന​ട​ക്കു​ന്ന​വ​ർ​ക്കും മാ​വോ​യി​സ്റ്റ് ഭീ​ഷ​ണി. അ​ല്ലെ​ങ്കി​ൽ നാ​ക്സ​ൽ ഭീ​ഷ​ണി. ഭ​രി​ച്ചു കൊ​ണ്ടി​രി​ക്കു​ന്പോ​ൾ ഇ​ങ്ങ​നെ​യോ​രോ പ​രി​പാ​ടി​ക​ൾ സം​ഘ​ടി​പ്പി​ച്ചു പോ​ലീ​സു​കാ​രെ ജോ​ലി​ക്കാ​യി നി​യോ​ഗി​ക്കും. പി​ന്നെ അ​ധി​കാ​രം ഒ​ഴി​ഞ്ഞാ​ലും തി​രി​ച്ചു വി​ടി​ല്ല. ഇ​താ​ണ് ഇ​പ്പോ​ൾ രാ​ഷ്ട്രീ​യ​ക്കാ​ർ ചെ​യ്യു​ന്ന​ത്. ഒ​രു കോ​ണ്‍​ഗ്ര​സ് നേ​താ​വ് ന​ല്ല​വ​നാ​ണ്. പാ​വം ആ​ർ​ക്കും ഒ​രു ഉ​പ​ദ്ര​വം ചെ​യ്തി​ട്ടി​ല്ല. പ​ക്ഷേ, ഒ​രു സ്വ​ഭാ​വ ദൂ​ഷ്യ​മു​ണ്ട്. എ​പ്പോ​ഴും പോ​ലീ​സു കൂ​ടെ വേ​ണം. ചു​മ്മാ കു​റെ പോ​ലീ​സു​കാ​ർ കൂ​ടെ കാ​ണു​ന്ന​തു ഒ​രു സു​ഖ​മാ​ണ​ല്ലോ. പ​ണ്ടെ​ങ്ങോ അ​ധി​കാ​ര​ത്തി​ൽ ഇ​രു​ന്ന​പ്പോ​ൾ മാ​വോ​യി​സ്റ്റ് ഭീ​ഷ​ണി എ​ന്നെ​ഴു​തി കൊ​ടു​ത്തു കൂ​ടെ കൂ​ട്ടി​യ​താ​ണ്. സ​ർ​ക്കാ​ർ ശ​ന്പ​ളം കൊ​ടു​ത്തു കൊ​ള്ളും. പി​ന്നെ വി​ഷ​മി​ക്കേ​ണ്ട ആ​വ​ശ്യ​വു​മി​ല്ല.​പെ​ട്ടി ചു​മ​ക്കാ​നും ഇസ്തിരിയിട്ട വ​സ്ത്ര​ങ്ങ​ൾ വാ​ങ്ങി കൊ​ണ്ടു വ​രാ​നും കാ​റോ​ടി​ക്കാ​നും ആ​ളെ കി​ട്ടു​ന്ന​തു ചെ​റി​യ കാ​ര്യ​മ​ല്ല​ല്ലോ. ഒ​രു സ​ഹാ​യി എ​പ്പോ​ഴും ഉ​ണ്ടാ​യി​രി​ക്കു​ന്ന​തും ന​ല്ല​താ​ണ്. ഈ ​നേ​താ​വ് ഇ​പ്പോ​ൾ വ​ല്ല​പ്പോ​ഴും മാ​ത്ര​മേ വീ​ട്ടി​ൽ നി​ന്നും ഇ​റ​ങ്ങു​ന്നു​ള്ളൂ. നാ​ട്ടി​ൽ ഒ​രു പ​രി​പാ​ടി​യി​ലും പ​ങ്കെ​ടു​പ്പി​ക്കി​ല്ല.​അ​ത്ര​മാ​ത്രം ജ​ന​പ്രി​യ​നാ​ണ്. തി​രു​വ​ന​ന്ത​പു​ര​ത്തു ന​ട​ക്കു​ന്ന യു​ഡി​എ​ഫ് യോ​ഗ​ത്തി​ൽ മാ​ത്ര​മേ പ​ങ്കെ​ടു​ക്കാ​റു​ള്ളൂ.​അ​പ്പോ​ഴും കൂ​ടെ പോ​ലീ​സും കാ​ണും.

ദാ​സ്യ​പ്പ​ണി ചെ​യ്യി​ക്കു​ന്ന​തു ഉ​ന്ന​ത ​പോ​ലീ​സ് ഉ​ദ്യോ​ഗ​സ്ഥ​ർ മാ​ത്ര​മാ​ണെ​ന്നു പ​റ​ഞ്ഞു ര​ക്ഷ​പ്പെ​ടാ​നും ക​ഴി​യി​ല്ല. അ​ത്യാ​വ​ശ്യ ഡ്യൂ​ട്ടി​ക്കു​പോ​ലും സേ​ന​യി​ൽ ആ​ളി​ല്ലാ​ത്ത സാ​ഹ​ച​ര്യം നി​ല​നി​ൽ​ക്കു​ന്പോ​ഴാ​ണ് രാ​ഷ്‌ട്രീ​യ നേ​താ​ക്ക​ൾ​ക്കും ഉ​ന്ന​ത വ്യ​ക്തി​ക​ൾ​ക്കും ഇ​ല്ലാ​ത്ത പ്ര​ശ്ന​ങ്ങ​ളു​ടെ പേ​രി​ൽ സു​ര​ക്ഷ ന​ൽ​കു​ന്ന​ത്.​

നി​ല​വി​ൽ എം​എ​ൽ​എ അ​ല്ലെ​ങ്കി​ലും ഒ​രു വ​നി​ത നേ​താ​വി​ന്‍റെ കൂ​ടെ ര​ണ്ട് പൊ​ലീ​സു​കാ​രെ​യാ​ണ് സു​ര​ക്ഷ​യ്ക്കാ​യി നി​യോ​ഗി​ച്ചി​രി​ക്കു​ന്ന​ത്. പൊ​തു​രം​ഗ​ത്ത് ഒ​ട്ടും സ​ജീ​വ​മ​ല്ലാ​ത്ത ഇ​വ​ർ​ക്ക് എ​ന്തി​നാ​ണ് പൊ​ലീ​സ്് സം​ര​ക്ഷ​ണം എ​ന്ന് മാ​ത്രം വ്യ​ക്ത​മ​ല്ല. ഇ​താ​ണ് ഏ​റെ വി​വാ​ദ​ത്തി​ന് ഇ​ട​ന​ൽ​കു​ന്ന​തും. ര​ണ്ട് പോ​ലീ​സു​കാ​രും ഇ​വ​ർ​ക്കൊ​പ്പ​മി​ല്ല. വ​യ​നാ​ട്, തി​രു​വ​ന​ന്ത​പു​രം സ്വ​ദേ​ശി​ക​ളാ​യ ര​ണ്ട് പോ​ലീ​സു​കാ​രാ​ണ് ഇ​വി​ടെ സു​ര​ക്ഷ​ക്കാ​യി നി​യോ​ഗി​ക്ക​പ്പെ​ട്ടി​രി​ക്കു​ന്ന​ത്. ഇ​വ​ർ​ക്ക് യാ​തോ​രു ജോ​ലി​യു​മി​ല്ലെ​ന്ന​താ​ണ് സ​ത്യം. നേ​താ​വി​ന്‍റെ വീ​ട്ടി​ൽ പാ​റാ​വ് ജോ​ലി ചെ​യ്യു​ന്ന പൊ​ലീ​സു​കാ​ർ​ക്ക് വെ​റു​തെ ശ​ന്പ​ളം ന​ൽ​കു​ക​യാ​ണ് സ​ർ​ക്കാ​ർ ഇ​പ്പോ​ൾ. സു​ര​ക്ഷാ ജീ​വ​ന​ക്കാ​രി​ൽ തി​രു​വ​ന​ന്ത​പു​രം സ്വ​ദേ​ശി​യാ​യ പോ​ലീ​സു​കാ​ര​ൻ ഈ ​അ​ടു​ത്തൊ​ന്നും വ​യ​നാ​ട്ടി​ൽ വ​ന്നി​ട്ട് പോ​ലു​മി​ല്ല. ഇ​യാ​ൾ​ക്ക് നാ​ട്ടി​ൽ തു​ണി​ക്ക​ട​യും മ​റ്റ് ചെ​റു​കി​ട ബി​സി​ന​സു​ക​ളു​മാ​ണ്. ഇ​തി​നൊ​പ്പം ശ​ന്പ​ള​വും കി​ട്ടും. മ​റ്റ്് പൊ​ലീ​സു​കാ​ർ​ക്കു​ള്ളി​ൽ നി​ന്ന് ത​ന്നെ​യാ​ണ് ഈ ​വി​വ​രം പു​റ​ത്താ​യ​ത്. വ​യ​നാ​ട് സ്വ​ദേ​ശി​യാ​യ പൊ​ലീ​സു​കാ​ര​ൻ വാ​ഴ ക​ർ​ഷ​ക​നാ​യി പ​ണി​യെ​ടു​ക്കു​ക​യാ​ണെന്നാ​ണ് വി​വ​രം. മാ​വോ​യി​സ്റ്റ്് ​ഭീ​ഷ​ണി​യു​ണ്ടെ​ന്ന് കാ​ണി​ച്ചാ​ണ് 2017 മെ​യ് മാ​സം മു​ത​ൽ ഇ​വ​ർ​ക്ക് സു​ര​ക്ഷ ഏ​ർ​പ്പെ​ടു​ത്തി​യ​ത്. എ​ന്നാ​ൽ ഇ​വ​ർ​ക്ക് യാ​തൊ​രു സു​ര​ക്ഷാ പ്ര​ശ്ന​വും ഇ​ല്ലെ​ന്ന​താ​ണ് പു​റ​ത്തു​വ​രു​ന്ന വി​വ​രം.

മുൻ എംഎൽഎക്കും കാവൽ

ക​ഴി​ഞ്ഞ നി​യ​മ​സ​ഭാ തെ​ര​ഞ്ഞെ​ടു​പ്പി​ൽ പ​രാ​ജ​യ​പ്പെ​ട്ട​തി​നെത്തു​ട​ർ​ന്ന് ഇ​വ​ർ പൊ​തു​രം​ഗ​ത്ത് ഒ​ട്ടും സ​ജീ​വ​മ​ല്ല. മാ​വോ​യി​സ്റ്റു​ക​ളു​ടെ ​ഭീ​ഷ​ണി ഉ​ണ്ടെ​ന്ന വാ​ദം പോ​ലും ശ​രി​യ​ല്ലെ​ന്നും പോലീ​സു​കാ​ർ ത​ന്നെ പ​റ​യു​ന്നു. രാഷ്‌ട്രീ​യ​ക്കാ​ർ​ക്ക് പോ​ലീ​സ് സു​ര​ക്ഷ ന​ൽ​ക​ണ​മെ​ങ്കി​ൽ ജീ​വ​ന് ​ഭീ​ഷ​ണി​യു​ണ്ടെ​ന്ന സ്പെ​ഷൽ ബ്രാ​ഞ്ച് റി​പ്പോ​ർ​ട്ട് വേ​ണം. അ​തി​ന് വേ​ണ്ടി ന​ക്സ​ൽ വി​ഷ​യം വെ​റു​തെ ഉ​യ​ർ​ത്തി​യ​തെ​ന്നാ​ണ് പൊ​തു​വേ ഉ​യ​രു​ന്ന വി​ല​യി​രു​ത്ത​ൽ.

ടോ​മി​ൻ ജെ. ​ത​ച്ച​ങ്ക​രി പോ​ലീ​സ് ആ​സ്ഥാ​ന​ത്ത് എ​ഡി​ജി​പി​യാ​യി​രി​ക്കെ, പോ​ലീ​സ് സേ​ന​യി​ൽ ചു​മ​ത​ല​പ്പെ​ടു​ത്തി​യ ഡ്യൂ​ട്ടി​ക​ൾ​ക്കു പ​ക​രം ഡ്യൂ​ട്ടി ചെ​യ്യു​ന്ന​വ​രു​ടെ​യും രാഷ്‌ട്രീ​യ​ക്കാ​രു​ടെ​യും മ​റ്റു വി​ഐ​പി​ക​ളു​ടെ​യും സു​ര​ക്ഷാ ജീ​വ​ന​ക്കാ​രാ​യി പ്ര​വ​ർ​ത്തി​ക്കു​ന്ന​വ​രു​ടെ​യും ക​ണ​ക്കെ​ടു​ത്തി​രു​ന്നു. ഇ​ത്ത​ര​ത്തി​ൽ 3,200 പേ​രു​ണ്ടെ​ന്നാ​യി​രു​ന്നു ക​ണ്ടെ​ത്ത​ൽ. ഡി​ജി​പി​ക്ക് റി​പ്പോ​ർ​ട്ട് സ​മ​ർ​പ്പി​ച്ചെ​ങ്കി​ലും ന​ട​പ​ടി​യു​ണ്ടാ​യി​ല്ല. ക​ണ​ക്കെ​ടു​പ്പി​നോ​ടു വ​കു​പ്പി​ൽ​നി​ന്നു സ​ഹ​ക​ര​ണ​വും ല​ഭി​ച്ചി​ല്ല.

നി​യ​മ പ്ര​കാ​ര​മ​ല്ലാ​തെ ക്യാം​പി​ൽ​നി​ന്നു മാ​റി ആ​റു വ​ർ​ഷ​മാ​യി പോലീ​സ് ആ​സ്ഥാ​ന​ത്തു ജോ​ലി ചെ​യ്യു​ന്ന​യാ​ളെ​യും പ​രി​ശോ​ധ​ന​യി​ൽ ക​ണ്ടെ​ത്തി. ജോ​ലി പൊ​ലീ​സ് ആ​സ്ഥാ​ന​ത്ത്, ശ​ന്പ​ളം വാ​ങ്ങു​ന്ന​തു ക്യാം​പി​ൽ​നി​ന്ന് പോ​ലീ​സ് ആ​സ്ഥാ​ന​ത്തെ ലി​സ്റ്റി​ൽ പേ​രു കാ​ണാ​ത്ത​തി​നെ​ത്തു​ട​ർ​ന്നു പ​രി​ശോ​ധി​ച്ച​പ്പോ​ൾ ക്യാം​പി​ലെ ര​ജി​സ്റ്റ​റി​ൽ പേ​രു​ണ്ട്. ഈ ​ഉ​ദ്യോ​ഗ​സ്ഥ​നു​വേ​ണ്ടി ദി​വ​സ​വും ഒ​പ്പി​ടു​ന്ന​ത് ഒ​രു വ​നി​താ ജീ​വ​ന​ക്കാ​രി. പോ​ലീ​സ് ബാ​ൻ​ഡി​ൽ ജോ​ലി ചെ​യ്യു​ന്പോ​ൾ ഒ​രു എ​ഡി​ജി​പി​യു​ടെ നി​ർ​ദേ​ശ പ്ര​കാ​രം പോലീ​സ് ആ​സ്ഥാ​ന​ത്തെ​ത്തി​യ​താ​ണ്. പി​ന്നീ​ടു തി​രി​കെ​പ്പോ​യി​ല്ല. ആ​രും അ​ന്വേ​ഷി​ച്ചു​മി​ല്ല.

ജോ​ലി ചെ​യ്യാ​തെ വ​ർ​ഷ​ങ്ങ​ളാ​യി ശ​ന്പ​ളം വാ​ങ്ങി​ക്കു​ന്ന ഒ​രു ഡി​വൈ​എ​സ്പി​യെ​യും പ​രി​ശോ​ധ​ന​യി​ൽ ക​ണ്ടെ​ത്തി. പ​ണ്ടെ​ങ്ങോ അ​സു​ഖം വ​ന്ന​തി​ന്‍റെ സ​ർ​ട്ടി​ഫി​ക്ക​റ്റ് ഹാ​ജ​രാ​ക്കി​യാ​യി​രു​ന്നു സു​ഖ​വാ​സം. ഇ​തെ​ല്ലാം റി​പ്പോ​ർ​ട്ടി​ൽ ചൂ​ണ്ടി​ക്കാ​ട്ടി​യെ​ങ്കി​ലും ന​ട​പ​ടി​യു​ണ്ടാ​യി​ല്ല. ഉ​ന്ന​ത​രു​ടെ നി​ർ​ദേ​ശ​പ്ര​കാ​രം പ​ക​രം ജോ​ലി ചെ​യ്യു​ന്ന​വ​രെ​ക്കു​റി​ച്ചു പ​രി​ശോ​ധി​ക്കാ​ൻ പോ​ലീ​സ് ആ​സ്ഥാ​ന​ത്തു സം​വി​ധാ​ന​വു​മി​ല്ല. വി​ഐ​പി​ക​ളു​ടെ കൂ​ടെ​യു​ള്ള ജോ​ലി ഒ​രു വി​ഭാ​ഗം പോലീ​സു​കാ​ർ ചോ​ദി​ച്ചു വാ​ങ്ങു​ന്ന​താ​ണെ​ന്നു. പോ​ലീ​സു​കാ​ർ ത​ന്നെ പ​റ​യു​ന്നു.​മ​ന്ത്രി​മാ​ർ, മു​ൻ മ​ന്ത്രി​മാ​ർ, പ്ര​മു​ഖ രാ​ഷ്‌ട്രീ​യ നേ​താ​ക്ക​ൾ, മ​ത നേ​താ​ക്ക​ൾ എ​ന്നി​വ​ർ​ക്കൊ​പ്പം ഡ്യൂ​ട്ടി ചോ​ദി​ച്ചു വാ​ങ്ങു​ന്ന​വ​രു​ണ്ട്. വി​ഐ​പി ഡ്യൂ​ട്ടി കി​ട്ടി​യാ​ൽ പി​ന്നെ കു​റേ വ​ർ​ഷ​ത്തേ​ക്കു തി​രി​ച്ചു വ​ര​വു​ണ്ടാ​കി​ല്ല. നേ​താ​ക്ക​ളു​ടെ ഇ​ഷ്ട​ക്കാ​രാ​യാ​ൽ അ​വ​രു​ടെ ശു​പാ​ർ​ശ​പ്ര​കാ​രം കൂ​ടെ നി​ർ​ത്തും. നേ​താ​വി​നോ​ടൊ​പ്പം നി​ൽ​ക്കു​ന്പോ​ഴു​ള്ള അ​ധി​കാ​രം ആ​സ്വ​ദി​ച്ചു പോ​ലീ​സു​കാ​ർ ആ ​ജോ​ലി​യി​ൽ തു​ട​രും. വി​ഐ​പി ഡ്യൂ​ട്ടി​യി​ലാ​ണെ​ങ്കി​ൽ യൂ​ണി​ഫോം ധ​രി​ക്കേ​ണ്ടെ​ന്ന ആ​നു​കൂ​ല്യ​മു​ണ്ട്.

കണക്കെടുപ്പ് പൂർത്തിയായി

ക്ര​മ​സ​മാ​ധാ​ന ഡ്യൂ​ട്ടി, ക്യാം​പി​ലെ പ​രി​ശീ​ല​നം, സം​ഘ​ർ​ഷ മേ​ഖ​ല​ക​ളി​ലെ ഡ്യൂ​ട്ടി എ​ന്നി​വ​യി​ൽ​നി​ന്ന് ഒ​ഴി​ഞ്ഞു​നി​ൽ​ക്കാം. വി​ര​മി​ച്ച ഉ​ദ്യോ​ഗ​സ്ഥ​ർ​ക്കൊ​പ്പ​വും ഇ​ത്ത​ര​ത്തി​ൽ പ്ര​വ​ർ​ത്തി​ക്കു​ന്ന​വ​രു​ണ്ട്. കോ​ട​തി ഡ്യൂ​ട്ടി​യും കാ​ലോ​ചി​ത​മാ​യി പ​രി​ഷ്ക​രി​ക്ക​ണ​മെ​ന്ന് ആ​വ​ശ്യ​മു​യ​ർ​ന്നി​ട്ടു​ണ്ട്.
പോ​ലീ​സ് സേ​ന​യി​ലെ ദാ​സ്യ​പ്പ​ണി​യു​ടെ ക​ണ​ക്കെ​ടു​പ്പ് പൂ​ർ​ത്തി​യാ​യി. മ​ന്ത്രി​മാ​ർ​ക്കും രാ​ഷ‌്ട്രീ​യ​ക്കാ​ർ​ക്കും ഒ​പ്പ​മാ​ണ് ഏ​റ്റ​വും അ​ധി​കം പേ​ർ ദാ​സ്യ​പ്പ​ണി ചെ​യ്യു​ന്ന​ത്. ഐ​പി​എ​സു​കാ​ർ​ക്കൊ​പ്പം 333 പേ​ർ ജോ​ലി ചെ​യ്യു​ന്നെ​ന്നാ​ണ് ക​ണ​ക്ക്. ഐ​പി​എ​സു​കാ​ർ​ക്കെ​തി​രെ ഉ​യ​രു​ന്ന ആ​രോ​പ​ണ​ങ്ങ​ളി​ൽ അ​സോ​സി​യേ​ഷ​ൻ മു​ഖ്യ​മ​ന്ത്രി​യെ ക​ണ്ടു.

മൊ​ത്തം 984 പൊ​ലീ​സു​കാ​ർ പേ​ഴ്സ​ണ​ൽ സെ​ക്യൂ​രി​റ്റി ഓ​ഫീ​സ​ർ​മാ​രാ​യി ജോ​ലി ചെ​യ്യു​ന്നു​ണ്ട്. ഇ​തി​ൽ 388 പേ​രും മ​ന്ത്രി​മാ​ർ​ക്കും രാ​‌ഷ‌്ട്രീ​യ നേ​താ​ക്ക​ൻ​മാ​ർ​ക്കും ഒ​പ്പ​മാ​ണ്. ഐ​പി​എ​സു​കാ​ർ​ക്കൊ​പ്പം 333 പേ​രാ​ണ് ജോ​ലി ചെ​യ്യു​ന്ന​ത്. ഐ​എ​എ​സ്, ഐ​എ​ഫ്എ​സ് കാ​ർ​ക്കൊ​പ്പം 64 പേ​രു​ണ്ട്. വി​വി​ധ ജ​ഡ്ജി​മാ​ർ​ക്കൊ​പ്പം 173 പേ​രാ​ണു​ള​ള​ത്.

1239 ക്യാ​ന്പ് ഫോ​ളോ​വ​ർ​മാ​രി​ൽ 1156 പേ​രെ ക്യാ​ന്പി​ൽ ഇ​പ്പോ​ഴു​ള്ളൂ. 54 പേ​ർ വി​വി​ധ ഓ​ഫീ​സ​ർ​മാ​ർ​ക്ക് ഒ​പ്പ​മാ​ണ് ഉ​ള​ള​ത്. 29 പേ​ർ ഓ​ഫീ​സ​ർ​മാ​രു​ടെ വീ​ടു​ക​ളി​ൽ ജോ​ലി ചെ​യ്യു​ന്നു. അ​തേ​സ​മ​യം തു​ട​ർ​ച്ച​യാ​യി ആ​രോ​പ​ണ​ങ്ങ​ൾ ഉ​യ​രു​ന്ന പ​ശ്ചാ​ത്ത​ല​ത്തി​ൽ ഐ​പി​എ​സ്ഓ​ഫീ​സ​ർ​മാ​രു​ടെ അ​സോ​സി​യേ​ഷ​ൻ മു​ഖ്യ​മ​ന്ത്രി​യെ നേ​രി​ൽ ക​ണ്ടു. ഇ​വ​രൊ​ന്നും പോ​ലീ​സു​കാ​രെ തി​രി​ച്ചു വി​ടാ​ൻ ത​യാ​റ​ല്ല.

ദാ​സ്യ​പ്പ​ണി വെ​റു​മൊ​രു വാ​ർ​ത്ത​യാ​യി മാ​റും. ഒ​ന്നും സം​ഭ​വി​ക്കി​ല്ല. ഒ​ന്നും സം​ഭ​വി​ക്കാ​ൻ അ​നു​വ​ദി​ക്കി​ല്ല. അ​ത്ര​മാ​ത്രം സം​ഘ​ടി​ത​ശ​ക്തി​ക​ളാ​ണ് ഇ​തി​നു പി​ന്നി​ലു​ള്ള​ത്. ഇ​പ്പോ​ൾ ത​ന്നെ പോ​ലീ​സു​കാ​രെ തി​രി​ച്ചു അ​യ​യ്ക്കി​ല്ലെ​ന്നു ഐ​പി​എ​സ് മേ​ലാ​ള​ൻ​മാ​ർ അ​റി​യി​ച്ചു ക​ഴി​ഞ്ഞു. ഗ​വാ​സ്ക്ക​റി​നെ മ​ർ​ദി​ച്ച​തും ഈ ​യു​വാ​വ് അ​നു​ഭ​വി​ച്ച അ​വ​ഗ​ണ​ന​ക​ളും കേ​ട്ട​വ​രും വാ​യി​ച്ച​വ​രും എ​ല്ലാം മ​റ​ക്കും. മ​ർ​ദി​ച്ച​വ​രും അ​വ​ഗ​ണി​ച്ച​വ​രും ഇ​നി​യും ഇ​വി​ടെ ത​ന്നെ കാ​ണും. അ​നു​ഭ​വി​ക്കാ​ൻ കു​റെ ഗ​വാ​സ്ക്ക​ർ​മാ​ർ വീ​ണ്ടും ജ​നി​ക്കും. (അ​വ​സാ​നി​ച്ചു)

സൂ​ര്യ​നാ​രാ​യ​ണ​ൻ