ദിവ്യയും അർപ്പിതയും സമയും അഗസ്റ്റീനയും; താരപത്നിമാരുടെ തകർപ്പൻ ചുവടുകൾ ;വീഡിയോ : Cinema News

മലയാള സിനിമയിലെ മുൻനിര താരങ്ങളാണ് വിനീത് ശ്രീനിവാസൻ, ധ്യാൻ, ആസിഫ് അലി, അജു വർഗീസ് എന്നിവർ. ഇവർ തമ്മിലുള്ള സൗഹൃദവും പ്രശസ്തമാണ്. എന്നാൽ ഇപ്പോൾ വൈറലായിരിക്കുന്നത് ഇവരല്ല, ഇവരുടെ ഭാര്യമാരുടെ തകർപ്പൻ നൃത്തചുവടുകളാണ്. നിർമാതാവ് വിശാഖ് സുബ്രഹ്മണ്യത്തിന്‍റെ വിവാഹത്തലേന്ന് നടത്തിയ സംഗീത രാവിലാണ് താരപത്നികളുടെ ഗംഭീര ചുവടുകൾ.

വിനീത് ശ്രീനിവാസന്‍റെ ഭാര്യ ദിവ്യ, ആസിഫ് അലിയുടെ ഭാര്യ സമ, ധ്യാൻ ശ്രീനിവാസന്‍റെ ഭാര്യ അർപ്പിത, അജു വർഗീസിന്‍റെ ഭാര്യ അഗസ്റ്റീന എന്നിവരാണ് ചുവടുകളുമായി എത്തിയത്. ഇവർക്കൊപ്പം നടി നൂറിൻ ഷെരീഫുമുണ്ട്.

മുൻനിരയിൽ സമയും അഗസ്റ്റീനയും പിൻനിര‍യിൽ ദിവ്യയും അർപിതയും തകർപ്പൻ ചുവടുകൾ വയ്ച്ചു. ഇവരുടെ നൃത്തം പകർത്തുന്ന ഭർത്താക്കൻമാരെയും സദസിൽ കാണാം. അമ്മമാർ വേദി കൈയടിക്കിയതോടെ മക്കളും വേദിയിൽ കയറി സംഗീത രാവ് ആഘോഷമാക്കി.

View this post on Instagram

A post shared by Visakh Subramaniam (@visakhsubramaniam)

അതെ !! ഞാൻ ഇവരെ അസാമാന്യ ഭാര്യമാർ എന്ന് വിളിക്കും. കാരണം അവർ ഏറ്റവും മികച്ച ഭാര്യമാരും അമ്മമാരും എറ്റവും നല്ല സുഹൃത്തുക്കളും സഹോദരിമാരുമാണ്. വിവാഹ യാത്രയിൽ ഉടനീളം അദ്വൈതയോടൊപ്പം ഉണ്ടായിരുന്നതിന് നിങ്ങൾ ഓരോരുത്തരോടും ഞാൻ നന്ദി പറയുന്നു. എല്ലാ നിർദ്ദേശങ്ങളും ഉപദേശങ്ങളും നൽകി കൂടെ നിന്നു.

മേക്കപ്പിനും വിവാഹവസ്ത്രങ്ങൾ തെരഞ്ഞെടുക്കുന്നതൊക്കെ എങ്ങനെയായിരിക്കണമെന്നു ഉപദേശം നൽകി. സർപ്രൈസായി ബ്രൈഡൽ ഷവർ നടത്തിയും എന്തിനും ഏതിനും നിങ്ങൾ കൂടെ നിന്നു. ഇതിൽ കൂടുതൽ എന്തു ചോദിക്കാനാണ് ഞങ്ങൾ. ഇവരുടെ ഡാൻസ് പങ്കുവച്ച് വിശാഖ് കുറിച്ചു.

നവംബർ ആദ്യവാരം തിരുവനന്തപുരത്തു വച്ചായിരുന്നു വിശാഖ് സുബ്രഹ്മണ്യത്തിന്‍റെയും യുവസംരംഭക അദ്വൈത ശ്രീകാന്തിന്‍റെയും വിവാഹം. മലയാള സിനിമാ രംഗത്തെ പ്രമുഖർ ഉൾപ്പെടെ നിരവധി പേർ വിവാഹത്തിനെത്തിയിരുന്നു.

ലവ് ആക്‌ഷൻ ഡ്രാമ എന്ന ചിത്രം നിർമിച്ചാണ് വിശാഖ് നിർമാണരംഗത്തേക്കു കടന്നുവന്നത്. പിന്നീട് വിനീത് ശ്രീനിവാസൻ–പ്രണവ് മോഹൻലാൽ ചിത്രമായ ‘ഹൃദയ’ത്തിലൂടെ മെറിലാൻഡ് സ്റ്റുഡിയോസിന് ഒരു തിരിച്ചുവരവ് നൽകുകയും ചെയ്തു.