നീന്തൽ പരിശീലന ക്യാമ്പ് രണ്ടാം ഘട്ടം ആറു മുതൽ
കാലിക്കട്ട് സർവകലാശാലാ കായിക പഠന വിഭാഗത്തിന്റെ നേതൃത്വത്തിൽ സർവകലാശാലാ സ്വിമ്മിംഗ് പൂളിൽ വച്ച് “സമ്മർ സ്വിമ്മിംഗ് കോച്ചിംഗ് ക്യാമ്പ്” നടത്തപ്പെടുന്നു. ആറു വയസ് (3.5 അടി ഉയരം) മുതൽ 17 വയസ് വരെ പ്രായമുള്ള ആൺകുട്ടികൾക്കും പെൺകുട്ടികൾക്കും അപേക്ഷിക്കാവുന്നതാണ്. പെൺകുട്ടികൾക്ക് വനിതാ കോച്ചുമാരുടെ സേവനം ലഭ്യമാണ്. മെയ് ആറാം തീയതി മുതൽ രണ്ടാം ഘട്ട പരിശീലനം ആരംഭിക്കും.
താത്പര്യമുള്ളവർ നിർദിഷ്ട ഫോറത്തിൽ പൂരിപ്പിച്ച അപേക്ഷ, രണ്ട് ഫോട്ടോ, ആധാർ കാർഡിന്റെ പകർപ്പ്, ഫീസടച്ച രസീതും സഹിതം സ്വിമ്മിംഗ് പൂൾ ഓഫീസിൽ സമർപ്പിക്കണം. അപേക്ഷാ ഫോറം സ്വിമ്മിംഗ് പൂൾ ഓഫീസിലും സർവകലാശാലാ വെബ്സൈറ്റിലും ലഭ്യമാണ്. പരിശീലനത്തിനുള്ള ഫീസ് ഓൺലൈൻ പേമെന്റിലൂടെ മാത്രമേ സ്വീകരിക്കുകയുള്ളൂ. പരിശീലനത്തിൽ പങ്കെടുക്കുന്നവർക്ക് സ്വിമ്മിംഗ് സ്യൂട്ട്, ക്യാപ്, ഗോഗിൾ ഗ്ലാസ് മുതലായവ നിർബന്ധമാണ്. ഫോൺ: 9567945527, 9961690270.
കോൺടാക്ട് ക്ലാസ്
തേഞ്ഞിപ്പലം: കാലിക്കറ്റ് സർവകലാശാലാ സെന്റർ ഫോർ ഡിസ്റ്റൻസ് ആൻഡ് ഓൺലൈൻ എഡ്യൂക്കേഷൻ (മുൻ എസ്ഡിഇ) സ്റ്റഡി സെന്ററായ ഗവ. കോളജ് മലപ്പുറത്ത് മെയ് അഞ്ചിന് തുടങ്ങാനിരുന്ന 2023 പ്രവേശനം എംഎ / എംകോം വിദ്യാർഥികളുടെ രണ്ടാം സെമസ്റ്റർ കോൺടാക്ട് ക്ലാസുകൾ എംഐസി ആർട്സ് ആൻഡ് സയൻസ് കോളജ് വള്ളുവമ്പ്രം, മലപ്പുറത്ത് വച്ച് നടത്തും. വിദ്യാർഥികൾ ഷെഡ്യൂൾ പ്രകാരം ക്ലാസിന് ഹാജരാകണം.
പരീക്ഷാഫലം
ഒന്ന്, മൂന്ന്, നാല് സെമസ്റ്റർ ബിഎസ്സി മെഡിക്കൽ ലബോറട്ടറി ടെക്നോളജി സെപ്റ്റംബർ 2023 ഒറ്റത്തവണ റഗുലർ സപ്ലിമെന്ററി പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് മെയ് 13 വരെ അപേക്ഷിക്കാം.
മൂന്നാം സെമസ്റ്റർ മാസ്റ്റർ ഓഫ് ലൈബ്രറി ആൻഡ് ഇൻഫർമേഷൻ സയൻസ് (സിസിഎസ്എസ്) നവംബർ 2023 റഗുലർ സപ്ലിമെന്ററി പരീക്ഷകളുടെ ഫലം പ്രസിദ്ധീകരിച്ചു.