ലൈഫ് ലോംഗ് ലേണിംഗ് ആൻഡ് എക്സ്റ്റന്ഷന് വകുപ്പിന്റെ കീഴില് ഫെബ്രുവരി രണ്ടാം വാരത്തില് ആരംഭിക്കുന്ന ഫാബ്രിക് പെയ്ന്റിംഗ് ആൻഡ് സാരി ഡിസൈനിംഗ്, സോപ്സ് ആൻഡ് ഡിറ്റര്ജന്റ് നിർമാണം എന്നീ സൗജന്യ പരിശീലന ക്ലാസുകളിലേക്ക് അപേക്ഷ ക്ഷണിച്ചു. പരിശീലനത്തിന് ആവശ്യമായ സാമഗ്രികളുടെ ചെലവ് അപേക്ഷകന് സ്വയംവഹിക്കണം. പ്രായഭേദമെന്യേ സ്ത്രീകള്ക്കും പുരുഷന്മാര്ക്കും അപേക്ഷിക്കാം. വിജയകരമായി പരിശീലനം പൂര്ത്തിയാക്കുന്നവര്ക്ക് സര്ട്ടിഫിക്കറ്റ് നല്കുന്നതാണ്. താല്പര്യമുള്ളവര് ലൈഫ്ലോംഗ് ലേണിംഗ് ആൻഡ് എക്സ്റ്റന്ഷന് വകുപ്പുമായി ബന്ധപ്പെടുക. ഫോണ് : 9496459276, 9846149276, 8547684683.
മുന്നാക്ക വിഭാഗങ്ങളിലെ സാമ്പത്തിക സംവരണം
21ന് നടത്തിയ എംഫില് പരീക്ഷയെഴുതിയ വിദ്യാര്ഥികളില് മുന്നാക്കവിഭാഗങ്ങളിലെ സാമ്പത്തികമായി പിന്നാക്കം നില്ക്കുന്നവര് സംവരണത്തിന് അര്ഹതയുണ്ടെങ്കില് ഫെബ്രുവരി രണ്ടിന് മുമ്പായി ബന്ധപ്പെട്ട പഠനവകുപ്പില് അറിയിക്കേണ്ടതാണ്.
പരീക്ഷാഫലം
സിസിഎസ്എസ് നാലാം സെമസ്റ്റര് എംഎ സംസ്കൃതം ഏപ്രില് 2020 പരീക്ഷയുടെ ഫലം പ്രസിദ്ധീകരിച്ചു.
സര്വകലാശാല എൻജിനിയറിംഗ് കോളജിലെ എട്ടാം സെമസ്റ്റര് ബിടെക് റഗുലര് ഏപ്രില് 2020 പരീക്ഷയുടെ ഫലം പ്രസിദ്ധീകരിച്ചു. പുനര്മൂല്യനിര്ണയത്തിന് ഫെബ്രുവരി 10 വരെ അപേക്ഷിക്കാം.
സിയുസിഎസ്എസ് അഞ്ചാം സെമസ്റ്റര് എംസിഎ ഡിസംബര് 2019 സപ്ലിമെന്ററി പരീക്ഷയുടെ ഫലം പ്രസിദ്ധീകരിച്ചു. പുനര്മൂല്യ നിര്ണയത്തിന് ഫെബ്രുവരി എട്ടു വരെ അപേക്ഷിക്കാം.
പിജി ഡിപ്ലോമ ഇന് റിഹാബിലിറ്റേഷന് സൈക്കോളജി ഏപ്രില് 2020 പരീക്ഷയുടെ ഫലം പ്രസിദ്ധീകരിച്ചു. പുനര്മൂല്യനിര്ണയത്തിന് ഫെബ്രുവരി എട്ടുവരെ അപേക്ഷിക്കാം.
പ്രാക്ടിക്കല് പരീക്ഷ
ബിവോക് ഫാഷന് ടെക്നോളജി ഒന്നാം സെമസ്റ്റര് നവംബര് 2018/2019 പ്രാക്ടിക്കല് പരീക്ഷ ഫെബ്രുവരി മൂന്നിനും രണ്ടാം സെമസ്റ്റര് ഏപ്രില് 2019/2020 പ്രാക്ടിക്കല് പരീക്ഷ 10നും ആരംഭിക്കും.
പരീക്ഷ അപേക്ഷ
ഒന്നാം സെമസ്റ്റര് എംടെക് നാനോ സയന്സ് ആൻഡ് ടെക്നോളജി 2019 സ്കീം, 2019 പ്രവേശനം നവംബര് 2019 റഗുലര് പരീക്ഷയ്ക്കും 2016 സ്കീം, 2018 പ്രവേശനം നവംബര് 2019 സപ്ലിമെന്ററി പരീക്ഷയ്ക്കും പിഴ കൂടാതെ ഫെബ്രുവരി ആറുവരേയും 170 രൂപ പിഴയോടുകൂടി എട്ടു വരേയും ഫീസടച്ച് 10 വരെ ഓണ്ലൈനായി രജിസ്റ്റര് ചെയ്യാം.