ബിടെക് ഓറിയന്റേഷന് പ്രോഗ്രാം
കാലിക്കട്ട് സര്വകലാശാലാ എൻജിനിയറിംഗ് കോളജില് 202122 അധ്യയന വര്ഷത്തില് ബിടെക് പ്രവേശനം നേടിയവര്ക്കുള്ള ഓറിയന്റേഷന് പ്രോഗ്രാം 22 മുതല് 26 വരെ സര്വകലാശാലാ സെമിനാര് കോംപ്ലക്സില് നടക്കും. ഒന്നാം വര്ഷ വിദ്യാര്ഥികള് രാവിലെ ഒന്പതിന് ഹാജരാകണം. ഫോണ് 0494 2400223, 9188400223, www.cuiet.info.
ബിടെക് സ്പോട്ട് അഡ്മിഷന്
കാലിക്കട്ട് സര്വകലാശാലാ എൻജിനിയറിംഗ് കോളജില് ഇലക്ട്രോണിക്സ് ആൻഡ് കമ്യൂണിക്കേഷന്, ഇലക്ട്രിക്കല് ആൻഡ് ഇലക്ട്രോണിക്സ്, ഇന്ഫര്മേഷന് ടെക്നോളജി, പ്രിന്റിംഗ് ടെക്നോളജി വിഭാഗങ്ങളില് ഒഴിവുള്ള ബിടെക് സീറ്റുകളിലേക്ക് പ്രവേശനം നടത്തുന്നു. 20നും, 23 മുതല് 30 വരെയും രാവിലെ 11 മുതല് വൈകീട്ട് നാലുവരെ നടക്കുന്ന സ്പോട്ട് അഡ്മിഷനില് വിദ്യാര്ഥികള് ഒറിജിനല് സര്ട്ടിഫിക്കറ്റ് സഹിതം കോളജ് ഓഫീസില് ഹാജരാകണം. മറ്റു കോളജുകളില് പ്രവേശനം നേടിയവര് ഒറിജിനല് സര്ട്ടിഫിക്കറ്റ് ഹാജരാക്കാന് സാധിക്കാത്തപക്ഷം സ്ഥാപനത്തില് നിന്നുള്ള എന്ഒസി നിര്ബന്ധമായും ഹാജരാക്കണം. ഫോണ് 0494 2400223, 9539033666, www.cuiet.info .
പൂര്വവിദ്യാര്ഥി യോഗം
കോമേഴ്സ് ആൻഡ് മാനേജ്മെന്റ് പഠനവകുപ്പിലെ പൂര്വവിദ്യാര്ഥി സംഘടനയുടെ യോഗം 28ന് വൈകീട്ട് 7.30ന് ഓണ്ലൈനായി ചേരുന്നു. മുഴുവന് പൂര്വവിദ്യാര്ഥികളും പങ്കെടുക്കണമെന്ന് വകുപ്പ് മേധാവി അറിയിച്ചു. ഫോണ് 9496831659.
എംപിഎഡ് പരീക്ഷ
മാറ്റി വെച്ച, നാലാം സെമസ്റ്റര് എംപിഎഡ് പേപ്പര് 11ന്റെ റഗുലര് സപ്ലിമെന്ററി പരീക്ഷകള് 18നും പേപ്പര് 10ന്റേത് 23നും നടക്കും. 19ന് നടക്കുന്ന പരീക്ഷയില് മാറ്റമില്ല.
പുനര്മൂല്യനിര്ണയ അപേക്ഷ
മൂന്നാം സെമസ്റ്റര് എംഎ ഇസ്ലാമിക് ഹിസ്റ്ററി നവംബര് 2020 പരീക്ഷയുടെയും നാലാം സെമസ്റ്റര് എംഎ പൊളിറ്റിക്കല്സയന്സ്, മലയാളം, മലയാളം വിത് ജേണലിസം, സാന്സ്ക്രിറ്റ് ലാംഗ്വേജ് ആൻഡ് ലിറ്ററേച്ചര്, സാന്സ്ക്രിറ്റ് സാഹിത്യ ഏപ്രില് 2021 പരീക്ഷകളുടെയും പുനര്മൂല്യനിര്ണയത്തിന് 27 വരെയും മൂന്നാം സെമസ്റ്റര് എംഎസ്സി ജ്യോഗ്രഫി, കെമിസ്ട്രി, അപ്ലൈഡ് ജിയോളജി, ഇലക്ട്രോണിക്സ് നവംബര് 2020 പരീക്ഷകളുടെയും നാലാം സെമസ്റ്റര് എംഎസ്സി ജ്യോഗ്രഫി, സുവോളജി, മൈക്രോബയോളജി, ബയോകെമിസ്ട്രി, ഫാഷന് ആൻഡ് ടെക്സ്റ്റൈല് ഡിസൈനിംഗ്, ഇലക്ട്രോണിക്സ്, ഫിസിക്സ് ഏപ്രില് 2021 പരീക്ഷകളുടെയും പുനര്മൂല്യനിര്ണയത്തിന് 24 വരെയും അപേക്ഷിക്കാം.
കോവിഡ്19 സ്പെഷൽ പരീക്ഷ
നാലാം സെമസ്റ്റർ എംപിഎഡ് ജൂലൈ 2020 റഗുലർ, സപ്ലിമെന്ററി കോവിഡ് സ്പെഷൽ പരീക്ഷ 18ന് തുടങ്ങും. പരീക്ഷയ്ക്കു യോഗ്യരായവരുടെ പട്ടിക വെബ്സൈറ്റിൽ.