ബിരുദപഠനം പുനഃപ്രവേശനത്തിന് അവസരം
എസ്ഡിഇയില്‍ 2018, 2019 വര്‍ഷങ്ങളിലും അഫിലിയേറ്റഡ് കോളജുകളില്‍ 2018, 2019, 2020, 2021 വര്‍ഷങ്ങളിലും ബിരുദ പ്രവേശനം നേടി ഒന്നാം വര്‍ഷ പരീക്ഷക്ക് അപേക്ഷിച്ച് തുടര്‍പഠനം നടത്താന്‍ കഴിയാത്തവര്‍ക്ക് എസ്ഡിഇയില്‍ രണ്ടാം സെമസ്റ്ററില്‍ പുനഃപ്രവേശനം നേടി പഠനം തുടരാന്‍ അവസരം. ഓണ്‍ലൈനായി ജൂലൈ നാലു വരെ അപേക്ഷിക്കാം. വിശദവിവരങ്ങള്‍ വെബ്‌സൈറ്റില്‍ ഫോണ്‍ 0494 2407356, 7494
കാലിക്കട്ട് സര്‍വകലാശാലാ സോഷ്യല്‍ സര്‍വീസ് പ്രോഗ്രാം സര്‍ട്ടിഫിക്കറ്റ്
കാലിക്കട്ട് സര്‍വകലാശാലാ വിദൂരവിദ്യാഭ്യാസ വിഭാഗം സിബിസിഎസ്എസ് 2019 പ്രവേശനം ബിഎ, ബിഎസ്‌സി, ബികോം, ബിബിഎ വിദ്യാര്‍ഥികള്‍ കോഴ്‌സ് പൂര്‍ത്തീകരിക്കുന്നതിന് സമര്‍പ്പിക്കേണ്ട സോഷ്യല്‍ സര്‍വീസ് പ്രോഗ്രാം സര്‍ട്ടിഫിക്കറ്റ് സ്റ്റുഡന്‍റ്സ് പോര്‍ട്ടലില്‍ അപ്‌ലോഡ് ചെയ്തതിന്‍റെ സ്റ്റാറ്റസ് ''Not Verified'' ആണ് കാണുന്നതെങ്കില്‍ ജൂലൈ പത്തിനകം ഒന്നു കൂടി അപ് ലോഡ് ചെയ്യണം. തദ്ദേശ സ്വയംഭരണ സ്ഥാപനങ്ങള്‍, ഹോസ്പിറ്റല്‍, ഓള്‍ഡ് ഏജ് ഹോം, പെയിന്‍ ആൻഡ് പാലിയേറ്റീവ് സെന്‍റര്‍, ഇവയിലെവിടെയെങ്കിലും ആറ് ദിവസത്തെ സാമൂഹികസേവനം നിര്‍വഹിച്ചതിന്‍റെ സര്‍ട്ടിഫിക്കറ്റാണ് സ്റ്റുഡന്‍റ്സ് പോര്‍ട്ടലില്‍ അപ്‌ലോഡ് ചെയ്യേണ്ടത്.
അസിസ്റ്റന്‍റ് പ്രഫസര്‍ അഭിമുഖം
കാലിക്കട്ട് സര്‍വകലാശാലയില്‍ എംഎസ്‌സി. റേഡിയേഷന്‍ ഫിസിക്‌സ് സ്വാശ്രയ കോഴ്‌സിനു വേണ്ടി അസിസ്റ്റന്‍റ് പ്രൊഫസര് തസ്തികയില്‍ കരാര്‍ നിയമനത്തിന് അപേക്ഷിച്ചവരില്‍ യോഗ്യരായവര്‍ക്കുള്ള അഭിമുഖം ജൂലൈ 19ന് ഭരണകാര്യാലയത്തില്‍ നടക്കും. യോഗ്യരായവരുടെ പേരുകളും അവര്‍ക്കുള്ള നിര്‍ദ്ദേശങ്ങളും വെബ്‌സൈറ്റില്‍.
ഗസ്റ്റ് അധ്യാപക നിയമനം
കാലിക്കട്ട് സര്‍വകലാശാലാ കായിക പഠനവകുപ്പില്‍ ഗസ്റ്റ് അധ്യാപക നിയമനത്തിനായി അപേക്ഷ ക്ഷണിച്ചു. പാര്‍ട്ട് ടൈം ഡയറ്റിഷ്യന്‍ ഇന്‍ സ്‌പോര്‍ട്‌സ് ന്യൂട്രീഷ്യന്‍ ആൻഡ് വെയ്റ്റ് മാനേജ്‌മെന്‍റ്, കമ്പ്യൂട്ടര്‍, ഇംഗ്ലീഷ്, യോഗ എന്നീ വിഷയങ്ങളിലേക്കുമാണ് നിയമനം. അപേക്ഷ വിശദമായ ബയോഡാറ്റ സഹിതം ജൂലൈ 16 നകം കായിക പഠന വിഭാഗത്തില്‍ സമര്‍പ്പിക്കണം. വിശദവിവരങ്ങള്‍ വെബ്‌സൈറ്റില്‍. ഫോണ്‍ 0494 2407547.
എംഎ ഫിലോസഫി കോണ്‍ടാക്ട് ക്ലാസ്
എസ്ഡിഇ ഒന്നാം സെമസ്റ്റര്‍ എംഎ. ഫിലോസഫി വിദ്യാര്‍ഥികള്‍ക്കുള്ള കോണ്‍ടാക്ട് ക്ലാസ് ജൂലൈ നാലിന് തുടങ്ങും. എസ്ഡിഇയില്‍ നടക്കുന്ന ക്ലാസില്‍ വിദ്യാര്‍ഥികള്‍ ഐഡി കാര്‍ഡ് സഹിതം ഹാജരാകണം. ക്ലാസുകളുടെ വിശദമായ സമയക്രമം വെബ്‌സൈറ്റില്‍. എംഎ സംസ്‌കൃതം ജനറല്‍, സംസ്‌കൃത സാഹിത്യ, ഹിന്ദി, പൊളിറ്റിക്കല്‍ സയന്‍സ് ക്ലാസുകള്‍ ഓണ്‍ലൈനായി തുടങ്ങിയിട്ടുണ്ട്. സ്റ്റഡി മെറ്റീരിയലുകള്‍ വിദ്യാര്‍ഥികള്‍ക്ക് തപാലില്‍ അയക്കുന്നതാണ്. ഫോണ്‍ 0494 2400288, 2407356, 2407494.
കോവിഡ് പ്രത്യേക പരീക്ഷ
അഫിലിയേറ്റഡ് കോളജുകളിലെ നാലാം സെമസ്റ്റര്‍ പിജി ഏപ്രില്‍ 2021 റഗുലര്‍, സപ്ലിമെന്‍ററി, ഇംപ്രൂവ്‌മെന്‍റ് കോവിഡ് സ്‌പെഷ്യല്‍ പരീക്ഷ ജൂലൈ 11ന് തുടങ്ങും. വിശദമായ ടൈംടേബിള്‍ വെബ്‌സൈറ്റില്‍.
പ്രാക്ടിക്കല്‍ പരീക്ഷ
അഞ്ച്, ആറ് സെമസ്റ്റര്‍ ബിവോക് ഫുഡ് സയന്‍സ് നവംബര്‍ 2021, ഏപ്രില്‍ 2022 പരീക്ഷകളുടെ പ്രാക്ടിക്കല്‍ ജൂലൈ നാല്, അഞ്ച് തീയതികളില്‍ വയനാട്, പുല്‍പള്ളി പഴശ്ശിരാജ കോളജില്‍ നടക്കും.
പരീക്ഷാ ഫലം
എസ്ഡിഇ ഒന്നാം സെമസ്റ്റര്‍ ബിഎസ്‌സി. മാത്തമറ്റിക്‌സ് നവംബര്‍ 2019, 2020 സപ്ലിമെന്‍ററി, ഇംപ്രൂവ്‌മെന്‍റ് പരീക്ഷകളുടെ ഫലം പ്രസിദ്ധീകരിച്ചു.
പുനര്‍മൂല്യനിര്‍ണയ ഫലം
എസ്ഡിഇ ഒന്നാം സെമസ്റ്റര്‍ എംഎ അറബിക് മെയ് 2020 പരീക്ഷയുടെയും ഇസ്ലാമിക് ഫിനാന്‍സ് നവംബര്‍ 2020 പരീക്ഷയുടെയും പുനര്‍മൂല്യനിര്‍ണയ ഫലം പ്രസിദ്ധീകരിച്ചു