എസ്ഡിഇ - യുജി, പിജി പ്രവേശനം
കാലിക്കട്ട് സര്വകലാശാലാ വിദൂരവിദ്യാഭ്യാസ വിഭാഗം 202324 അദ്ധ്യയന വര്ഷത്തെ യുജി, പിജി പ്രവേശനത്തിന് അപേക്ഷ ക്ഷണിച്ചു. അഫ്സലുല് ഉലമ, പൊളിറ്റിക്കല് സയന്സ്, ബിബിഎ, ബികോം എന്നീ യുജി കോഴ്സുകളിലേക്കും അറബിക്, എക്കണോമിക്സ്, ഹിന്ദി, ഫിലോസഫി, പൊളിറ്റിക്കല് സയന്സ്, സംസ്കൃതം, എംകോം, എംഎസ്സി മാത്തമറ്റിക്സ് എന്നീ പിജി കോഴ്സുകളിലേക്കുമാണ് പ്രവേശനം. പിഴ കൂടാതെ ജൂലൈ 31 വരെയും 100 രൂപ പിഴയോടെ ആഗസ്ത് 15 വരെയും 500 രൂപ പിഴയോടെ ആഗസ്ത് 26 വരെയും 1000 രൂപ പിഴയോടെ ആഗസ്ത് 31 വരെയും ജൂണ് ഒന്പത് മുതല് ഓണ്ലൈനായി അപേക്ഷിക്കാം. ഓണ്ലൈന് അപേക്ഷ സമര്പ്പിച്ച് അഞ്ച് ദിവസത്തിനകം അപേക്ഷയുടെ പകര്പ്പ് വിദൂരവിദ്യാഭ്യാസ വിഭാഗത്തില് സമര്പ്പിക്കണം. വിജ്ഞാപനവും പ്രോസ്പെക്ടസും മറ്റ് വിശദവിവരങ്ങളും എസ്ഡിഇ വെബ്സൈറ്റില്. ഫോണ്: 0494 2407356, 2400288, 2660600.
ഇന്റഗ്രേറ്റഡ് പിജി പ്രവേശനം
കാലിക്കട്ട് സര്വകലാശാലക്ക് കീഴിലുള്ള ഗവണ്മെന്റ്, എയ്ഡഡ് കോളജുകളില് 202324 അദ്ധ്യയന വര്ഷത്തെ ഇന്റഗ്രേറ്റഡ് പിജി കോഴ്സുകള്ക്ക് 19 വരെ ഓണ്ലൈനായി രജിസ്റ്റര് ചെയ്യാം. സര്വകലാശാലക്ക് കീഴില് അഫിലിയേറ്റ് ചെയ്തിട്ടുള്ള എട്ട് കോളജുകളിലാണ് ഈ കോഴ്സുകള് നിലവിലുള്ളത്. വിശദവിവരങ്ങള്ക്ക് പ്രവേശന വിഭാഗം വെബ്സൈറ്റ് സന്ദര്ശിക്കുക. ഫോണ്: 0494 2407016, 2407017, 2660600.
അസി. പ്രഫസര് വാക്ഇന്ഇന്റര്വ്യു
കാലിക്കട്ട് സര്വകലാശാലാ ഇംഗ്ലീഷ് പഠനവിഭാഗത്തില് ഒഴിവുള്ള മൂന്ന് അസി. പ്രാഫസര് തസ്തികയില് മണിക്കൂര് വേതനാടിസ്ഥാനത്തില് നിയമനം നടത്തുന്നു. യോഗ്യരായ ഉദ്യോഗാര്ത്ഥികള് അസല് സര്ട്ടിഫിക്കറ്റുകള് സഹിതം 14ന് രാവിലെ 10.30ന് പഠനവിഭാഗത്തില് അഭിമുഖത്തിന് ഹാജരാകണം. വിശദവിവരങ്ങള് വെബ്സൈറ്റില്.
ഐഇടി ബിടെക് എന്ആര്ഐ സീറ്റ് : പ്രവേശന നടപടികള് ആരംഭിച്ചു
കാലിക്കട്ട് സര്വകലാശാലാ എൻജിനീയറിംഗ് കോളജില് ബിടെക് എന്ആര്ഐ സീറ്റുകളിലേക്ക് പ്രവേശന നടപടികള് ആരംഭിച്ചു. ഇലക്ട്രോണിക്സ് ആൻഡ് കമ്മ്യൂണിക്കേഷന് എൻജിനീയറിംഗ്, ഇലക്ട്രിക്കല് ആൻഡ് ഇലക്ട്രോണിക്സ് എൻജിനീയറിംഗ്, ഇന്ഫര്മേഷന് ടെക്നോളജി, മെക്കാനിക്കല് എൻജിനീയറിംഗ്, പ്രിന്റിംഗ് ടെക്നോളജി എന്നീ കോഴ്സുകളിലേക്കാണ് പ്രവേശനം ആരംഭിച്ചത്. പ്രവേശന പരീക്ഷ എഴുതാത്തവര്ക്കും എഴുതി മിനിമം മാര്ക്ക് ലഭിക്കാത്തവര്ക്കും എന്ആര്ഐ കോട്ടയില് പ്രവേശനത്തിന് അവസരമുണ്ട്. ഫോണ്: 95671 72591.
പരീക്ഷ
അഫിലിയേറ്റഡ് കോളജുകളിലെ നാലാം സെമസ്റ്റര് പിജി ഏപ്രില് 2023 റഗുലര്, സപ്ലിമെന്ററി, ഇംപ്രൂവ്മെന്റ് പരീക്ഷകള് ജൂലൈ 12ന് തുടങ്ങും. വിശദമായ ടൈംടേബിള് വെബ്സൈറ്റില്.
പരീക്ഷാ അപേക്ഷ
എസ്ഡിഇ നാലാം സെമസ്റ്റര് പിജി ഏപ്രില് 2023 പരീക്ഷക്ക് പിഴ കൂടാതെ 19 വരെയും 180 രൂപ പിഴയോടെ 21 വരെയും ഓണ്ലൈനായി അപേക്ഷിക്കാം.
നാല്, രണ്ട് സെമസ്റ്റര് എംബിഎ ജൂലൈ 2023 റഗുലര്, സപ്ലിമെന്ററി പരീക്ഷകള്ക്ക് പിഴ കൂടാതെ 19 വരെയും 180 രൂപ പിഴയോടെ 21 വരെയും ഓണ്ലൈനായി അപേക്ഷിക്കാം.
പ്രാക്ടിക്കല് പരീക്ഷ
ആറാം സെമസ്റ്റര് ബിവോക് ഒപ്ടോമെട്രി ആൻഡ് ഒഫ്താല്മോളജിക്കല് ടെക്നിക്സ് ഏപ്രില് 2023 പരീക്ഷയുടെ പ്രാക്ടിക്കല് 14ന് വളാഞ്ചേരി എംഇഎസ് കെവിഎം കോളജില് നടക്കും.
പരീക്ഷാ ഫലം
എസ്ഡിഇ ആറാം സെമസ്റ്റര് ബിഎസ്സി ഏപ്രില് 2023 റഗുലര്, സപ്ലിമെന്ററി, ഇംപ്രൂവ്മെന്റ് പരീക്ഷകളുടെ ഫലം പ്രസിദ്ധീകരിച്ചു. പുനര്മൂല്യനിര്ണയത്തിനു 19 വരെ അപേക്ഷിക്കാം.
പുനര്മൂല്യനിര്ണയ ഫലം
രണ്ടാം സെമസ്റ്റര് എല്എല്എം ഡിസംബര് 2021 റഗുലര് പരീക്ഷയുടെ പുനര്മൂല്യനിര്ണയ ഫലം പ്രസിദ്ധീകരിച്ചു.