സമ്മർ കോച്ചിംഗ് ക്യാമ്പ്
കാലിക്കട്ട് സർവകലാശാലാ ഏഴ് മുതൽ 18 വയസ് വരെയുള്ള കുട്ടികൾക്കായി സമ്മർ കോച്ചിംഗ് ക്യാമ്പ് 2024 സംഘടിപ്പിക്കുന്നു. ബാറ്റ്മിന്റൺ ഇനത്തിലെ ആദ്യ ബാച്ച് ഏപ്രിൽ നാല് മുതൽ മേയ് ഒന്ന് വരെയും രണ്ടാമത്തെ ബാച്ച് മേയ് രണ്ട് മുതൽ 31 വരെയും നടക്കും. മറ്റ് ഇനങ്ങളായ ഹാൻഡ്ബാൾ, ഫുട്ബോൾ, വോളിബോൾ, അത്ലറ്റിക്സ്, ക്രിക്കറ്റ്, ഖോ ഖോ, ജൂഡോ, തായ്ക്വോണ്ടോ, ബാസ്കറ്റ്ബാൾ, സോഫ്റ്റബോൾ / ബേസ്ബോൾ തുടങ്ങിയവയുടെ കോച്ചിംഗ് ക്യാമ്പ് ഏപ്രിൽ 15 മുതൽ മെയ് 15 വരെ നടക്കും. സർവകലാശാലാ കോച്ചുമാരുടെ നേതൃത്വത്തിൽ സർവകലാശാലയിലെ ഇൻഡോർ / ഔട്ട്ഡോർ സ്റ്റേഡിയങ്ങളിലെ സൗകര്യങ്ങൾ ഉപയോഗിച്ചാവും ക്യാമ്പ്. രജിസ്ട്രേഷൻ ഫീസ്: ₹700 രൂപ. ഫോൺ: 0494 247501, 9567664789, 9446781753.
പരീക്ഷാ അപേക്ഷ
തൃശൂർ ഗവ. ഫൈൻ ആർട്സ് കോളജിലെ ഒന്നാം വർഷ ബിഎഫ്എ, ബിഎഫ്എ ഇൻ ആർട്ട് ഹിസ്റ്ററി ആൻഡ് വിഷ്വൽ സ്റ്റഡീസ് ഏപ്രിൽ 2024 റഗുലർ / സപ്ലിമെന്ററി പരീക്ഷകൾക്ക് പിഴ കൂടാതെ ഏപ്രിൽ മൂന്ന് വരെയും 180 രൂപ പിഴയോടെ അഞ്ച് വരെയും ഓൺലൈനായി അപേക്ഷിക്കാം.
വയനാട് ലക്കിടി ഓറിയന്റൽ സ്കൂൾ ഓഫ് ഹോട്ടൽ മാനേജ്മെന്റിലെ ബിഎച്ച്എം (2019 ആൻഡ് 2020 പ്രവേശനം) ഏപ്രിൽ 2024 സപ്ലിമെന്ററി പരീക്ഷകൾക്ക് പിഴ കൂടാതെ ഏപ്രിൽ മൂന്ന് വരെയും 180 രൂപ പിഴയോടെ അഞ്ച് വരെയും അപേക്ഷിക്കാം. ലിങ്ക് 21 മുതൽ ലഭ്യമാകും.
വിദൂര വിദ്യാഭ്യാസ വിഭാഗത്തിന് കീഴിൽ കേരളത്തിന് പുറത്തും വിദേശത്തും രജിസ്റ്റർ ചെയ്ത വിദ്യാർഥികൾക്കായുള്ള എംബിഎ (2015 പ്രവേശനം) ഒന്നാം സെമസ്റ്റർ ജൂലൈ 2019, രണ്ടാം സെമസ്റ്റർ ജനുവരി 2020 സപ്ലിമെന്ററി പരീക്ഷകൾക്ക് പിഴ കൂടാതെ ഏപ്രിൽ എട്ട് വരെയും 180 രൂപ പിഴയോടെ 11 വരെയും അപേക്ഷിക്കാം. ലിങ്ക് 25 മുതൽ ലഭ്യമാകും.
സൂക്ഷ്മ പരിശോധനാ ഫലം
മൂന്നാം സെമസ്റ്റർ എംഎസ്സി സൈക്കോളജി, എംഎസ്സി ക്ലിനിക്കൽ സൈക്കോളജി, എംഎസ്സി മാത്തമാറ്റിക്സ്, എംഎ ഇക്കണോമിക്സ്, എംഎ ഡെവലപ്മെന്റ് ഇക്കണോമിക്സ് (സിബിസിഎസ്എസ്പിജി) നവംബർ 2023 പരീക്ഷകളുടെ സൂക്ഷ്മപരിശോധനാ ഫലം പ്രസിദ്ധീകരിച്ചു.
പുനർമൂല്യനിർണയ ഫലം
അഞ്ചാം സെമസ്റ്റർ ബിഎസ്സി / ബിസിഎ (സിബിസിഎസ്എസ് ആൻഡ് സിയുസിബിസിഎസ്എസ്) നവംബർ 2023 റഗുലർ / സപ്ലിമെന്ററി പരീക്ഷകളുടെ പുനർമൂല്യനിർണയ ഫലം പ്രസിദ്ധീകരിച്ചു.