സിഡിഎംആർപി: വിവിധ ഒഴിവുകളിലെ അഭിമുഖം
മനഃശാസ്ത്ര വിഭാഗത്തിലെ സിഡിഎംആർപിക്ക് കീഴിൽ വിവിധ തെറാപ്പിസ്റ്റുകളെ നിയമിക്കുന്നതിനുള്ള അഭിമുഖം 27, 29 തിയതികളിൽ വൈസ് ചാൻസലറുടെ ഓഫീസിൽ നടക്കും. 27ന് ഡിസെബിലിറ്റി മാനേജ്മെന്റ് ഓഫീസർ, സ്പീച്ച് തെറാപ്പിസ്റ്റ്, 29ന് ഫിസിയോതെറാപ്പിസ്റ്റ്, ലയ്സണ് ഓഫീസർ അഭിമുഖം നടക്കും. ഷോർട്ട്ലിസ്റ്റ് സർവകലാശാലാ വെബ്സൈറ്റിൽ.
എംടെക് നാനോ സയൻസിന് സീറ്റ് ഒഴിവ്
കാന്പസിലെ നാനോസയൻസ് ആൻഡ് ടെക്നോളജി പഠനവകുപ്പിലെ എംടെക് നാനോ സയൻസ് ആൻഡ് ടെക്നോളജി കോഴ്സിന് ഒഴിവുള്ള സീറ്റിലേക്ക് (എസ് സി/ എസ്ടി2, ഇടിബി1, മുസ്ലിം1, മുന്നോക്ക വിഭാഗത്തിലെ ബിപിഎൽ1) 26 വരെ ഓണ്ലൈനായി അപേക്ഷിക്കാം.
ഇടിബി, മുസ്ലിം, മുന്നോക്ക വിഭാഗത്തിലെ ബിപിഎൽ വിഭാഗത്തിൽ വിദ്യാർത്ഥികൾ ഇല്ലെങ്കിൽ നിയമാനുസൃതം ജനറൽ വിഭാഗക്കാരെ പരിഗണിക്കും. ഫീസ് 790 രൂപ (എസ് സി/എസ്.ടി 530 രൂപ). പ്രവേശന പരീക്ഷയും സ്പോട്ട് അഡ്മിഷനും നവംബർ 27ന് പത്തിന് നാനോ സയൻസ് പഠനവകുപ്പിൽ നടക്കും. ഫോണ് : 0494 2407016, 2407373.
ഹിന്ദി സർട്ടിഫിക്കറ്റ് കോഴ്സ്
ഹിന്ദി പഠനവകുപ്പ് നടത്തുന്ന സർട്ടിഫിക്കറ്റ് കോഴ്സ് ഇൻ കൊമേഴ്സ്യൽ ആൻഡ് സ്പോക്കണ് ഹിന്ദി, പിജി ഡിപ്ലോമ ഇൻ ട്രാൻസ്ലേഷൻ എന്നീ പാർട്ട് ടൈം കോഴ്സുകൾക്ക് അപേക്ഷ ക്ഷണിച്ചു. അപേക്ഷാഫോം വെബ്സൈറ്റിൽ നിന്നും ഡൗണ്ലോഡ് ചെയ്യാം. പൂരിപ്പിച്ച അപേക്ഷ 105 രൂപ ഇചലാൻ, യോഗ്യത തെളിയിക്കുന്ന രേഖകൾ സഹിതം ദ ഹെഡ്, ഡിപ്പാർട്ട്മെന്റ് ഓഫ് ഹിന്ദി, യൂണിവേഴ്സിറ്റി ഓഫ് കാലിക്കട്ട്, കാലിക്കട്ട് യൂണിവേഴ്സിറ്റി പിഒ, 673635 എന്ന വിലാസത്തിൽ 30ന് അഞ്ചിനകം സമർപ്പിക്കണം. വിവരങ്ങൾ www.cuonline.ac.in എന്ന വെബ്സൈറ്റിൽ. ഫോണ് : 0494 2407252, 2407016.
ഫൈനൽ എംഎ മലയാളം/ ഹിന്ദി മാർക്ക് ലിസ്റ്റ്
2018 ഏപ്രിലിൽ നടത്തിയ ഫൈനൽ എം.എ മലയാളം/ എംഎ ഹിന്ദി റഗുലർ/ സപ്ലിമെന്ററി/ ഇംപ്രൂവ്മെന്റ് പരീക്ഷകളുടെ മാർക്ക് ലിസ്റ്റും പ്രൊവിഷണൽ സർട്ടിഫിക്കറ്റും പരീക്ഷ എഴുതിയ കേന്ദ്രത്തിൽ 28 മുതൽ വിതരണം ചെയ്യും.
മൊകേരി ഗവണ്മെന്റ് കോളജ്, ഫാറൂഖ് കോളജ് എന്നീ കേന്ദ്രങ്ങളിൽ പരീക്ഷ എഴുതിയവർ യഥാക്രമം മടപ്പള്ളി ഗവണ്മെന്റ് കോളജ്, കോഴിക്കോട് ഗുരുവായൂരപ്പൻ കോളജ് എന്നിവിടങ്ങളിൽ നിന്ന് കൈപ്പറ്റണം.
പരീക്ഷാ അപേക്ഷ
അവസാന വർഷ ബിഎച്ച്എംഎസ് (2008, 2009 പ്രവേശനം) സപ്ലിമെന്ററി പരീക്ഷയ്ക്ക് പിഴകൂടാതെ 26 വരെയും 150 രൂപ പിഴയോടെ 27 വരെയും അപേക്ഷിക്കാം. പരീക്ഷ ഡിസംബർ അഞ്ചിന് ആരംഭിക്കും.
ഒന്നാം സെമസ്റ്റർ ബിപിഎഡ് (ദ്വിവത്സരം) റഗുലർ/ സപ്ലിമെന്ററി പരീക്ഷയ്ക്ക് പിഴകൂടാതെ 30 വരെയും 160 രൂപ പിഴയോടെ ഡിസംബർ മൂന്ന് വരെയും ഫീസടച്ച് ഡിസംബർ അഞ്ച് വരെ രജിസ്റ്റർ ചെയ്യാം.
നിയമ പഠനവകുപ്പിലെ എൽഎൽഎം ഒന്നാം സെമസ്റ്റർ (2018 പ്രവേശനം), മൂന്നാം സെമസ്റ്റർ (2017 പ്രവേശനം) റഗുലർ/ സപ്ലിമെന്ററി പരീക്ഷക്ക് പിഴകൂടാതെ നവംബർ 30 വരെയും 160 രൂപ പിഴയോടെ ഡിസംബർ മൂന്ന് വരെയും ഫീസടച്ച് ഡിസംബർ അഞ്ച് വരെ രജിസ്റ്റർ ചെയ്യാം.
എംഎഡ് വൈവാവോസി
നാലാം സെമസ്റ്റർ എംഎഡ് വൈവാവോസി 28ന് ആരംഭിക്കും.
പരീക്ഷാഫലം
2018 ജൂണിൽ നടത്തിയ നാലാം സെമസ്റ്റർ എംസിജെ/ എംഎ പൊളിറ്റിക്കൽ സയൻസ് (സിസിഎസ്എസ്) പരീക്ഷാഫലം വെബ്സൈറ്റിൽ.