പിജി ട്യൂഷൻ ഫീ അടയ്ക്കാനുള്ള തിയതി നീട്ടി
വിദൂരവിദ്യാഭ്യാസ വിഭാഗം പിജി മൂന്ന്, നാല് സെമസ്റ്റർ (രണ്ടാം വർഷം) 2017 പ്രവേശനം ട്യൂഷൻ ഫീ 500 രൂപ പിഴയോടെ അടയ്ക്കാനുള്ള ലിങ്ക് 14 വരെ ലഭ്യമാകും. വിവരങ്ങൾ വെബ്സൈറ്റിൽ. ഫോണ്: 0494 2407494, 2407356.
ബികോം പ്രഫഷണൽ പരീക്ഷാ അപേക്ഷ
ബികോം പ്രഫഷണൽ ഒന്ന്, രണ്ട്, മൂന്ന് സെമസ്റ്റർ റഗുലർ/ സപ്ലിമെന്ററി/ ഇംപ്രൂവ്മെന്റ് പരീക്ഷയ്ക്ക് പിഴകൂടാതെ ആറ് വരെയും 160 രൂപ പിഴയോടെ ഏഴ് വരെയും ഫീസടച്ച് പത്ത് വരെ രജിസ്റ്റർ ചെയ്യാം.
സപ്ലിമെന്ററി പരീക്ഷ
ബിടെക് അഞ്ചാം സെമസ്റ്റർ സപ്ലിമെന്ററി പരീക്ഷയ്ക്ക് (2കെ സ്കീം) വിവിധ കോളജുകളിൽ രജിസ്റ്റർ ചെയ്തവർ സർവകലാശാലാ എൻജിനിയറിംഗ് കോളജിൽ (ഐഇടി കോഹിനൂർ) പരീക്ഷ എഴുതണം.
പരീക്ഷാഫലം
ഒന്നാം സെമസ്റ്റർ ബിഎ/ ബിഎസ്ഡബ്ല്യൂ/ ബിവിസി/ ബിടിഎഫ്പി/ ബിഎ അഫ്സൽഉൽഉലമ (സിയുസിബിസിഎസ്എസ്) റഗുലർ/ സപ്ലിമെന്ററി/ ഇംപ്രൂവ്മെന്റ് നവംബർ 2017 പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 15 വരെ അപേക്ഷിക്കാം. പ്രിന്റൗട്ട്, ചലാൻ സഹിതം 17നകം ലഭിക്കണം.
2018 ജൂണിൽ നടത്തിയ രണ്ടാം സെമസ്റ്റർ എംഎസ്സി സൈക്കോളജി, എംഎസ്സി അപ്ലൈഡ് ജിയോളജി (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 15 വരെ അപേക്ഷിക്കാം.
2018 ജൂണിൽ നടത്തിയ രണ്ടാം സെമസ്റ്റർ എംബിഇ (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 12 വരെ അപേക്ഷിക്കാം.
2018 ജൂണിൽ നടത്തിയ രണ്ട്, നാല് സെമസ്റ്റർ എംഎസ്സി എൻവയണ്മെന്റൽ സയൻസ് (സിസിഎസ്എസ്) പരീക്ഷാഫലം വെബ്സൈറ്റിൽ.
2018 ജൂണിൽ നടത്തിയ രണ്ടാം സെമസ്റ്റർ എംഎൽഐഎസ് സി (സിസിഎസ്എസ്) പരീക്ഷാഫലം വെബ്സൈറ്റിൽ.
ശിൽപ്പശാല നടത്തി
തേഞ്ഞിപ്പലം: സെന്റർ ഫോർ അഡ്വാൻസ്ഡ് ഇൻ മോളിക്യുലാർ ബയോളജിയും സുവോളജി പഠനവകുപ്പും സംയുക്തമായി സ്കൂൾ വിദ്യാർഥികൾക്കായി ശിൽപ്പശാല നടത്തി.
ഡോ. ഹരികുമാരൻ തന്പി, ഡോ. വി.എം. കണ്ണൻ എന്നിവർ ക്ലാസുകൾ നയിച്ചു. സുവോളജി പഠനവിഭാഗം മേധാവി ഡോ.ഷിബു വർധനൻ നേതൃത്വം നൽകി.
ദേശീയ സെമിനാർ
തേഞ്ഞിപ്പലം: കാലിക്കട്ട് സർവകലാശാലാ വിമണ് സ്റ്റഡീസ് പഠനവകുപ്പിന്റെ ആഭിമുഖ്യത്തിൽ ലൈംഗിക, പ്രത്യുത്പാദന ആരോഗ്യ അവകാശങ്ങൾ എന്ന വിഷയത്തിൽഅഞ്ച് മുതൽ ഏഴ് വരെ ത്രിദിന ദേശീയ സെമിനാർ നടത്തും.
അഞ്ചിന് രാവിലെ പത്തിന് എഡിജിപി. ഡോ. ബി. സന്ധ്യ ഉദ്ഘാടനം ചെയ്യും. . വൈസ് ചാൻസലർ ഡോ.കെ. മുഹമ്മദ് ബഷീർ അധ്യക്ഷത വഹിക്കും.