നവോത്ഥാനം വേണ്ടത് മനുഷ്യ മനസ്സുകളില് : വൈസ് ചാന്സലര്
തേഞ്ഞിപ്പലം: കാലിക്കട്ട് സര്വകലാശാല ചരിത്ര പഠനവിഭാഗത്തിന്റെ ആഭിമുഖ്യത്തില് ആരംഭിച്ച "കേരളത്തിലെ സാമൂഹ്യ പരിഷ്കരണ പ്രക്രിയ: പൈതൃകവും സമകാലീന വെല്ലുവിളികളും' എന്ന വിഷയത്തിലെ ത്രിദിന ദേശീയ സെമിനാര് വൈസ് ചാൻസലർ ഡോ.കെ.മുഹമ്മദ് ബഷീർ ഉദ്ഘാടനം ചെയ്തു.
ഡോ.എം.എന്.കാരശേരി മുഖ്യപ്രഭാഷണം നടത്തി. സാഹിത്യകാരന് ടി.ഡി.രാമകൃഷ്ണന് മുഖ്യാതിഥിയായിരുന്നു. പഠനവകുപ്പ് മേധാവി ഡോ.എ.മുഹമ്മദ് മാഹീന് അധ്യക്ഷത വഹിച്ചു. ഡോ.ടി.എം.വിജയന് , ഡോ.എ.സത്യനാരായണന്, ഡോ.ഗോപാലന്കുട്ടി തുടങ്ങിയവര് സംബന്ധിച്ചു. സെമിനാര് നാളെ സമാപിക്കും.
കംപ്യൂട്ടേഷണല് ഇന്റലിജൻസ് ദ്വിദിന ദേശീയ സമ്മേളനത്തിന് തുടക്കമായി
തേഞ്ഞിപ്പലം: കാലിക്കട്ട് സര്വകലാശാല കംപ്യൂട്ടര് സയന്സ് പഠനവിഭാഗത്തിന്റെ ആഭിമുഖ്യത്തില് നടത്തുന്ന കംപ്യൂട്ടേഷണല് ഇന്റലിജൻസ് ആൻഡ് ഡാറ്റാ അനലിറ്റിക്സ് (സിഐഡിഎ 2019) ദ്വിദിന ദേശീയ സമ്മേളനം തുടങ്ങി.
വൈസ് ചാന്സലര് ഡോ.കെ.മുഹമ്മദ് ബഷീര് ഉദ്ഘാടനം ചെയ്തു. പ്രോവൈസ് ചാന്സലര് ഡോ.പി.മോഹന് അധ്യക്ഷത വഹിച്ചു. യുഎല്സിസിഎസ് സിഇഒ രവീന്ദ്രന് കസ്തൂരി മുഖ്യപ്രഭാഷണം നിര്വഹിച്ചു. രജിസ്ട്രാര് ഡോ.ടി.എ.അബ്ദുൾ മജീദ്, ഡോ.പി.ടി.രാമചന്ദ്രന്, ഡോ.കെ.ജയകുമാര് തുടങ്ങിയവര് പ്രസംഗിച്ചു. അലഹബാദ് ഐഐഐടിയിലെ പ്രഫ.യു.എസ്.തിവാരി, ഒസ്മാനിയ സര്വകലാശാലാ പ്രിന്സിപ്പല് സയന്റിസ്റ്റ് (നെട്രു) പ്രഫ.ലക്ഷ്മി നാരായണ പറയിട്ടം, ബംഗളൂരു അഡോബ് റിസര്ച്ചിലെ ഡോ.നിയതി ഛായ എന്നിവര് വിവിധ സെഷനുകള് നയിച്ചു. ഡോ.വി.എല് .ലജീഷ് സ്വാഗതവും കെ.എ.മഞ്ജുള നന്ദിയും പറഞ്ഞു.
കാലിക്കട്ടില് എട്ട് പ്രോജക്ടുകള്ക്ക് എംഎച്ച്ആര്ഡി അനുമതി
തേഞ്ഞിപ്പലം: കാലിക്കട്ട് സര്വകലാശാല അന്തര്ദേശീയ അക്കഡേമിക് ബന്ധങ്ങള്ക്കുവേണ്ടിയുള്ള കേന്ദ്രം സമര്പ്പിച്ച 14 പ്രോജക്ടുകളില് എട്ടെണ്ണം എംഎച്ച്ആര്ഡിക്ക് കീഴിലെ ഗ്ലോബല് ഇനീഷിയേറ്റീവ് ഫോര് അക്കഡേമിക് നെറ്റ്വര്ക്ക്സ് (ജിഐഎഎന്) അംഗീകരിച്ചു. ഇതനുസരിച്ച് ഓരോ പ്രോജക്ടുമായി ബന്ധപ്പെട്ട് വിദേശ സര്വകലാശാലകളില് നിന്നുള്ള പ്രഗത്ഭര് ഹ്രസ്വകാല കോഴ്സുകള് നടത്തും. ആദ്യത്തെ പദ്ധതിയായ കെമിക്കല് ആൻഡ് മോളികുലാര് ഇക്കോളജി ഓഫ് ഇന്സെക്ട് ഇന്ററാക്ഷന്സ് റ്റുവാര്ഡ്സ് ഇക്കോളജിക്കല് സസ്റ്റയിനബിലിറ്റി എന്ന വിഷയത്തിലുള്ള പ്രോജക്ട് കാലിക്കട്ടില് ആരംഭിച്ചു. ഓസ്ട്രേലിയയിലെ ചാള്സ് സ്റ്റുവര്ട്ട് സര്വകലാശാലയില് പ്രഫസറായ ഡോ.അനന്തനാരായണന് രാമനാണ് ക്ലാസുകള് നയിക്കുന്നത്. കാലിക്കറ്റ് സര്വകലാശാലാ വൈസ് ചാന്സലര് ഡോ.കെ.മുഹമ്മദ് ബഷീര് പദ്ധതി ഉദ്ഘാടനം ചെയ്തു. കാര്ഷിക രംഗത്ത് മികച്ച ഫലങ്ങളുണ്ടാക്കാന് ഈ പ്രോജക്ടിനാവുമെന്ന് വൈസ് ചാന്സലര് പറഞ്ഞു. കോഴ്സ് കോഓര്ഡിനേറ്റര് ഡോ.ലിബു അലക്സാണ്ടര് , ഡോ.എം.നാസര്, ഡോ.സി.ഡി.സെബാസ്റ്റ്യന് തുടങ്ങിയവര് പ്രസംഗിച്ചു. ജിയാന് പദ്ധതിക്ക് പൂർണമായും കേന്ദ്രസർക്കാരാണ് സാമ്പത്തിക സഹായം നല്കുന്നത്.