സെനറ്റ് പ്രിൻസിപ്പൽ മണ്ഡലം തെരഞ്ഞെടുപ്പിന്റെ ബാലറ്റ് പേപ്പർ അയയ്ക്കുന്നത് മുതൽ വോട്ടെണ്ണൽ വരെയുള്ള എല്ലാ നടപടിക്രമങ്ങളും മാറ്റിവച്ചതായി വരണാധികാരി അറിയിച്ചു. അണ് എയ്ഡഡ് കോളജുകളിലെ പ്രിൻസിപ്പൽമാരെ വോട്ടർ പട്ടികയിൽ ഉൾപ്പെടുത്തിയതിനെ ചോദ്യം ചെയ്തുള്ള റിട്ട് ഹർജിയിൽ ഹൈക്കോടതി പ്രിൻസിപ്പൽ മണ്ഡലം തെരഞ്ഞെടുപ്പിന്റെ തുടർനടപടികൾ രണ്ട് മാസത്തേക്ക് സ്റ്റേ ചെയ്തതിന്റെ അടിസ്ഥാനത്തിലാണ് ഉത്തരവ് . 11 പേരടങ്ങുന്ന സ്ഥാനാർഥി പട്ടികയിൽ അഞ്ച് പേരുടെ സ്ഥാനാർഥിത്വം കോടതിയുടെ അന്തിമ വിധിക്ക് വിധേയമായിട്ടാണ് അംഗീകാരം നൽകിയിട്ടുള്ളത്.
കംപ്യൂട്ടർ അധിഷ്ഠിത ശാസ്ത്ര പരീക്ഷണങ്ങൾ: ശിൽപ്പശാലയിൽ പങ്കെടുക്കാം കോളജ്, എൻജിനിയറിംഗ് കോളജ്, സ്കൂൾ സയൻസ് അധ്യാപകർക്കും ഗവേഷക വിദ്യാർഥികൾക്കും, മറ്റ് വിദ്യാർഥികൾക്കുമായി കംപ്യൂട്ടർ ഇന്റർഫേസ്ഡ് സയൻസ് എക്സ്പിരിമെന്റ്സ് എന്ന വിഷയത്തിൽ അഞ്ച് ദിവസത്തെ ശിൽപ്പശാല സംഘടിപ്പിക്കും. മേയ് ആറ് മുതൽ പത്ത് വരെ സർവകലാശാലാ ആര്യഭട്ട ഹാളിലാണ് ശിൽപ്പശാല. ശാസ്ത്ര പരീക്ഷണങ്ങൾ, പൈതണ് പ്രോഗ്രാമിംഗ് ലാംഗ്വേജിന്റെ ഉപയോഗം എന്നിവയാണ് പ്രധാന വിഷയങ്ങൾ. കാലിക്കട്ട് സർവകലാശാലാ ഫിസിക്സ് പഠനവകുപ്പ്, കേരള സ്റ്റേറ്റ് കൗണ്സിൽ ഫോർ സയൻസ് ടെക്നോളജി ആൻഡ് എൻവയോണ്മെന്റിന്റെ സഹകരണത്തോടെയാണ് ശിൽപ്പശാല സംഘടിപ്പിക്കുന്നത്. രജിസ്ട്രേഷന് www.curise.in എന്ന വെബ്സൈറ്റ് സന്ദർശിക്കുക. അവസാന തിയതി 15. വിവരങ്ങൾക്ക്: 9961824725, 9747917623. ഇമെയിൽ:
[email protected].
എംഫിൽ പ്രവേശനത്തിന് അപേക്ഷ ക്ഷണിച്ചു എംഫിൽ പ്രവേശനത്തിന് ഓണ്ലൈൻ അപേക്ഷ ക്ഷണിച്ചു. അവസാന തിയതി 26. ജനറൽ 555 രൂപ, എസ് സി/എസ്ടി 190 രൂപ. സാക്ഷ്യപ്പെടുത്തിയ അപേക്ഷയുടെ പ്രിന്റൗട്ട്, ഇചലാൻ സഹിതം ബന്ധപ്പെട്ട ഡിപ്പാർട്ടുമെന്റിൽ ലഭിക്കേണ്ട അവസാന തിയതി 29. പ്രവേശന പരീക്ഷ മേയ് നാലിന് നടത്തി 15ന് ഫലം പ്രസിദ്ധീകരിക്കും. എംഫിൽ റഗുലേഷൻ, ഒഴിവുകൾ സംബന്ധിച്ചുള്ള വിവരങ്ങൾ എന്നിവ വെബ്സൈറ്റിൽ (www.cuonline.ac.in). ഫോണ്: 0494 2407016, 2407017.
സർവകലാശാലാ പഠനവകുപ്പുകളിൽ പിജി പ്രവേശനം:നാളെവരെ അപേക്ഷിക്കാം പഠനവകുപ്പുകളിലെ പിജി (എംഎഡ് ഒഴികെ) പ്രവേശന പരീക്ഷയ്ക്ക് ഓണ്ലൈനായി ഫീസ് അടയ്ക്കാനും രജിസ്റ്റർ ചെയ്യാനുമുള്ള അവസാന തിയതി നാളെ. വിജ്ഞാപന പ്രകാരം വിവിധ കോഴ്സുകൾക്ക് നിഷ്കർഷിച്ചിട്ടുള്ള യോഗ്യതയുള്ളവർക്കും ഫലം കാത്തിരിക്കുന്നവർക്കും അപേക്ഷിക്കാം. അപേക്ഷാഫീസ്: ജനറൽ 350 രൂപ. എസ് സി/എസ്ടി 150 രൂപ. ഒന്നിൽ കൂടുതൽ പ്രോഗ്രാമുകളിലേക്ക് അപേക്ഷിക്കുന്നവർ ഓരോ അധിക പ്രോഗ്രാമിനും 50 രൂപ വീതം അപേക്ഷാ ഫീസിന്റെ കൂടെ ഒന്നിച്ച് അടക്കണം. വിജ്ഞാപനവും പ്രവേശന പരീക്ഷാ സമയക്രമവും www.cuonline.ac.in എന്ന വെബ്സൈറ്റിൽ. ഫോൺ: 0494 2407016, 2407017.
പരീക്ഷാഫലം 2018 ഏപ്രിലിൽ നടത്തിയ നാലാം സെമസ്റ്റർ ബിടെക് (2009, 2014 സ്കീം), പാർട്ട്ടൈം ബിടെക് (2009 സ്കീം) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 25 വരെ അപേക്ഷിക്കാം.
2016 ഡിസംബറിൽ നടത്തിയ മൂന്നാം സെമസ്റ്റർ ബിടെക് (04 സ്കീം) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 25 വരെ അപേക്ഷിക്കാം.
2018 നവംബറിൽ നടത്തിയ ഒന്ന്, മൂന്ന് സെമസ്റ്റർ എംഎ കന്പാരറ്റീവ് ലിറ്ററേച്ചർ (സിസിഎസ്എസ്) പരീക്ഷാഫലം വെബ്സൈറ്റിൽ.