മെൽബണ്: ഓസ്ട്രേലിയൻ ഓപ്പണ് ടെന്നീസ് വനിതാ സിംഗിൾസിൽ ലോക ഒന്നാം നന്പർ താരമായ പോളണ്ടിന്റെ ഇഗ ഷ്യാങ്ടെകിനെ അട്ടിമറിച്ച് 2022 വിംബിൾഡണ് ചാന്പ്യനായ കസാക്കിസ്ഥാന്റെ എലേന റെബാകിനയുടെ മുന്നേറ്റം.
വനിതാ സിംഗിൾസ് പ്രീക്വാർട്ടറിൽ നേരിട്ടുള്ള സെറ്റുകൾക്കായിരുന്നു 22-ാം സീഡായ റെബാകിനയുടെ ജയം. സ്കോർ: 6-4, 6-4. 2020, 2022 ഫ്രഞ്ച് ഓപ്പണ്, 2022 യുഎസ് ഓപ്പണ് എന്നിങ്ങനെ മൂന്ന് ഗ്രാൻസ്ലാം സിംഗിൾസ് ജേതാവാണ് ഷ്യാങ്ടെക്. അമേരിക്കയുടെ ഏഴാം സീഡായ കൊക്കൊ ഗഫിനെ അട്ടിമറിച്ച ലാത്വിയയുടെ യെലേന ഒസ്താപെങ്കൊ ആണ് ക്വാർട്ടറിൽ റെബാകിനയുടെ എതിരാളി. കൊക്കൊ ഗഫിനെ 7-5, 6-3നായിരുന്നു ഒസ്താപെങ്കൊ അട്ടിമറിച്ചത്. 2017 വിംബിൾഡണ് ജേതാവാണ് ഒസ്താപെങ്കൊ.
അമേരിക്കയുടെ മൂന്നാം സീഡായ ജെസീക്ക പെഗുല ക്വാർട്ടറിൽ പ്രവേശിച്ചു. 20-ാം സീഡായ ചെക് താരം ബാർബോറ ക്രെജിക്കോവയെ 7-5, 6-2നു കീഴടക്കിയാണ് പെഗുലയുടെ ക്വാർട്ടർ പ്രവേശം. ബെലാറൂസിന്റെ വിക്ടോറിയ അസരെങ്കയും അവസാന എട്ടിൽ കടന്നിട്ടുണ്ട്.
സിറ്റ്സിപാസ് പാസ്
പുരുഷ സിംഗിൾസ് പ്രീക്വാർട്ടറിൽ ഗ്രീക്ക് താരം സ്റ്റെഫാനോസ് സിറ്റ്സിപാസ് ക്വാർട്ടറിൽ. 15-ാം സീഡായ ഇറ്റലിയുടെ യാനിക് സിന്നറിനെ അഞ്ച് സെറ്റ് നീണ്ട മാരത്തണ് പോരാട്ടത്തിലൂടെ കീഴടക്കിയാണ് അഞ്ചാം സീഡായ സിറ്റ്സിപാസ് പ്രീക്വാർട്ടർ പാസായത്. സ്കോർ: 6-4, 6-4, 3-6, 4-6, 6-3. ആറാം സീഡായ കാനഡയുടെ ഫെലീക്സ് അഗറിനെ നാല് സെറ്റ് നീണ്ട പോരാട്ടത്തിലൂടെ കീഴടക്കിയ ചെക് താരം ജിറീ ലെഹേഷ്കയാണ് ക്വാർട്ടറിൽ സിറ്റ്സിപാസിന്റെ എതിരാളി.
29-ാം സീഡായ അമേരിക്കയുടെ സെബാസ്റ്റ്യൻ കോർഡ 10-ാം സീഡായ പോളണ്ടിന്റെ ഹൂബർട്ട് ഹർകാസിനെ 3-6, 6-3, 6-2, 1-6, 7-6 (7-10)നു കീഴടക്കി അവസാന എട്ടിൽ ഇടംപിടിച്ചു. ജപ്പാന്റെ 31-ാം സീഡായ യോഷിഹിതൊ നിഷിയോകയെ 0-6, 0-6, 6-7 (4-7) നു മറികടന്ന റഷ്യയുടെ 18-ാം സീഡായ ഖാചനോവാണ് ക്വാർട്ടറിൽ കോർഡയുടെ എതിരാളി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.