കാഫിർ സ്ക്രീൻ ഷോട്ടിനു പിന്നിൽ സിപിഎം അല്ല; രാഷ്‌ട്രീയം പറയും: കെ.കെ. ശൈലജ : Deepika.com Kerala News |

Click here for detailed news of all items

കാഫിർ സ്ക്രീൻ ഷോട്ടിനു പിന്നിൽ സിപിഎം അല്ല; രാഷ്‌ട്രീയം പറയും: കെ.കെ. ശൈലജ

Thursday, May 23, 2024 1:57 AM IST

കോഴിക്കോട്: വടകരയിലെ ‘കാഫിർ’ സ്ക്രീൻ ഷോട്ടിനു പിന്നിൽ സിപിഎം അല്ലെന്ന് വടകര ലോക്സഭാ മണ്ഡലം എൽഡിഎഫ് സ്ഥാനാർഥി കെ.കെ. ശൈലജ.

താൻ കുറെയേറെ തെരഞ്ഞെടുപ്പുകളില്‍ മത്സരിച്ചിരുന്നു. ആ സമയത്തൊന്നും ഇങ്ങനെ വ്യക്തിപരമായി വൃത്തികെട്ട അധിക്ഷേപം ചൊരിയുന്ന സാഹചര്യമുണ്ടായിട്ടില്ലെന്നും ശൈലജ പറഞ്ഞു.

തെരഞ്ഞെടുപ്പിൽ തോൽക്കാം, ജയിക്കാം. അതെല്ലാം വോട്ടെണ്ണിക്കഴിഞ്ഞേ പറയാൻ കഴിയൂ. വടകരയടക്കം 12 ലധികം സീറ്റുകള്‍ എല്‍ഡിഎഫിനു ലഭിക്കും. വടകരയില്‍ യുഡിഎഫ് ബിജെപിയുമായി ധാരണയ്ക്കു ശ്രമിച്ചു. എന്നാല്‍ എത്രത്തോളം വോട്ടുകള്‍ അങ്ങനെ പോയിട്ടുണ്ടെന്ന് അറിയില്ലെന്നും ശൈലജ കോഴിക്കോട് മാധ്യമപ്രവര്‍ത്തകരോടു പറഞ്ഞു.

“തുടക്കത്തില്‍ വ്യക്തിപരമായ പരാമര്‍ശം അവഗണിച്ചു. എന്നാല്‍ തുടര്‍ക്കഥയായി മാറിയതോടെയാണു പ്രതികരിച്ചത്. ജനം എല്ലാം മനസിലാക്കിയിട്ടുണ്ട്. വടകരയിലെ യുഡിഎഫ് സ്ഥാനാര്‍ഥിയായാലും ഏതു സ്ഥാനാര്‍ഥിയായാലും ചെയ്തത് തെറ്റാണെങ്കില്‍ അതു പറയും. ആര്‍എംപി നേതാവ് ഹരിഹരന്‍റെ പരാമര്‍ശത്തിനു മറുപടി പറയുന്നതു നാണക്കേടാണ്. ജനങ്ങള്‍ പ്രതികരിക്കട്ടെ”- അവര്‍ പറഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.