അഫിലിയേഷൻ പുതുക്കൽ: നഴ്സിംഗ് പ്രവേശനം സുഗമമാക്കുമെന്ന് ആരോഗ്യമന്ത്രി : Deepika.com Kerala News |

Click here for detailed news of all items

അഫിലിയേഷൻ പുതുക്കൽ: നഴ്സിംഗ് പ്രവേശനം സുഗമമാക്കുമെന്ന് ആരോഗ്യമന്ത്രി

Thursday, May 23, 2024 2:39 AM IST

തിരുവനന്തപുരം: അഫിലിയേഷൻ പുതുക്കുന്നതുമായുള്ള അനിശ്ചിതത്വം ഒഴിവാക്കി നഴ്സിംഗ് പ്രവേശനം സുഗമമാക്കാമെന്ന ആരോഗ്യമന്ത്രിയുടെ ഉറപ്പിന്‍റെ അടിസ്ഥാനത്തിൽ നഴ്സിംഗ് പ്രവേശന ചർച്ചയിൽ സമവായം.

നഴ്സിംഗ് കോളജ് മാനേജ്മെന്‍റ് അസോസിയേഷനുകളുമായി നടത്തിയ ചർച്ചയിലാണ് ഈ ധാരണ. ജിഎസ്ടി വിഷയത്തിൽ ഉൾപ്പെടെ സർക്കാരിന്‍റെ ഭാഗത്തു നിന്നും അനുകൂലമായ നിലപാടാണ് ഉണ്ടായതെന്നു ചർച്ചകൾക്കു ശേഷം മാനേജ്മെന്‍റ് പ്രതിനിധികൾ പറഞ്ഞു.

വിദ്യാർഥി പ്രവേശനത്തിനുള്ള അപേക്ഷാഫോമിന് ജിഎസ്ടി ഏർപ്പെടുത്തിയതും നഴ്സിംഗ് കൗണ്‍സിൽ അംഗീകാരം വൈകുന്നതും നഴ്സിംഗ് പ്രവേശനത്തെ ബാധിച്ച സാഹചര്യത്തിലായിരുന്നു ഇന്നലെ അടിയന്തര യോഗം വിളിച്ചത്.

ജിഎസ്ടി വിഷയത്തിൽ മുദ്രപത്രത്തിൽ സത്യവാങ്മൂലം നല്കണമെന്ന നിർദേശം ഒഴിവാക്കും. ജിഎസ്ടി വിഷയത്തിൽ ധനമന്ത്രിയും മുഖ്യമന്ത്രിയുമായി ചർച്ച നടത്തി അന്തിമ തീരുമാനത്തിലെത്താമെന്നും മന്ത്രി ചർച്ചയിൽ വ്യക്തമാക്കി. ഇതോടെ ഏകജാലക രീതിയിലുള്ള പ്രവേശന നടപടികളായിരിക്കും ഇക്കൊല്ലവും നടത്തുക.

പ്രവേശന നടപടികൾ വേഗത്തിലാക്കുന്നതിന്‍റെ ഭാഗമായി ഈ മാസം 24ന് നഴ്സിംഗ് കൗണ്‍സിൽ യോഗം ചേരും. തുടർന്ന് 28ന് നഴ്സിംഗ് മാനേജ്മെന്‍റ് അസോസിയേഷൻ യോഗം ചേരുമെന്നും പ്രവേശന നടപടികളുമായി പൂർണമായും സഹകരിക്കുമെന്നും നഴ്സിംഗ് അസോസിയേഷൻ ഭാരവാഹികൾ വ്യക്തമാക്കി.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.