ബുള്ളറ്റ് ട്രെയിനിന്‍റെ ഡ്രൈവർസീറ്റ് ജപ്പാനുതന്നെ
Friday, January 19, 2018 1:01 AM IST
ന്യൂ​ഡ​ൽ​ഹി/​ടോ​ക്കി​യോ: മേ​ക്ക് ഇ​ൻ ഇ​ന്ത്യ ബു​ള്ള​റ്റ് ട്രെ​യി​ൻ സ്വ​പ്നം ന​ട​പ്പാ​വി​ല്ലെ​ന്ന് ഏ​റെ​ക്കു​റെ തീ​രു​മാ​ന​മാ​യി. ബു​ള്ള​റ്റ് ട്രെ​യി​ൻ നി​ർ​മാ​ണ​ത്തി​ലെ അ​സം​സ്കൃ​ത വ​സ്തു​ക്ക​ളു​ടെ വി​ത​ര​ണ​ത്തി​ൽ ജാ​പ്പ​നീ​സ് സ്റ്റീ​ൽ, എ​ൻ​ജി​നി​യ​റിം​ഗ് വി​ഭാ​ഗം​ത​ന്നെ മു​ന്നി​ൽ നി​ൽ​ക്കു​മെ​ന്നാ​ണ് ഏ​റ്റ​വും പു​തി​യ റി​പ്പോ​ർ​ട്ടു​ക​ൾ. പ​ദ്ധ​തി​ച്ചെ​ല​വി​ൽ ഭൂ​രി​ഭാ​ഗം തു​ക​യും ജ​പ്പാ​നാ​ണു മു​ട​ക്കു​ന്ന​ത് എ​ന്ന​തി​നാ​ൽ റെ​യി​ൽ ലൈ​ൻ ഉ​ൾ​പ്പെ​ടെ​യു​ള്ള ഭാ​ഗ​ങ്ങ​ളു​ടെ വി​ത​ര​ണ​ത്തി​ൽ കു​റ​ഞ്ഞ​ത് 70 ശ​ത​മാ​ന​മെ​ങ്കി​ലും ത​ങ്ങ​ൾ‌​ക്കു വേ​ണ​മെ​ന്നാ​ണ് ജാ​പ്പ​നീ​സ് ക​മ്പ​നി​ക​ളു​ടെ വാ​ദം.

മേ​ക്ക് ഇ​ൻ ഇ​ന്ത്യ, സാ​ങ്കേ​തി​ക​വി​ദ്യാ കൈ​മാ​റ്റം എ​ന്നി​വ​യ്ക്കു പ്രാ​ധാ​ന്യം ന​ല്കി​യാ​ണ് 2017 സെ​പ്റ്റം​ബ​റി​ൽ ജ​പ്പാ​നും ഇ​ന്ത്യ​യും ബു​ള്ള​റ്റ് ട്രെ​യി​ൻ പ​ദ്ധ​തി​ക്കു ക​രാ​റൊ​പ്പി​ട്ട​ത്. ഇ​ന്ത്യ​യി​ൽ നി​ർ​മാ​ണ യൂ​ണി​റ്റ് ആ​രം​ഭി​ച്ച് തൊ​ഴി​ല​വ​സ​ര​ങ്ങ​ൾ സൃ​ഷ്ടി​ക്കാ​നാ​യി​രു​​ന്നു ഇ​ന്ത്യ​യു​ടെ പ​ദ്ധ​തി. നി​ർ​മാ​ണ​ത്തി​നു​ള്ള സാ​ങ്കേ​തി​ക​വി​ദ്യ ജ​പ്പാ​ൻ ന​ല്കു​മെ​ന്നാ​യി​രു​ന്നു ക​രാ​ർ. 2019ൽ ​പൊ​തുതെ​ര​ഞ്ഞെ​ടു​പ്പി​നെ നേ​രി​ടാ​നൊ​രു​ങ്ങു​ന്ന പ്ര​ധാ​ന​മ​ന്ത്രി ന​രേ​ന്ദ്ര​ മോ​ദി​ക്ക് ബു​ള്ള​റ്റ് ട്രെ​യി​ൻ അ​ഭി​മാ​നപ്ര​ശ്ന​മാ​ണ്. രാ​ജ്യ​ത്തെ തൊ​ഴി​ൽ​ര​ഹി​ത​ർ​ക്കു ജോ​ലി കൊ​ടു​ത്ത് അ​വ​രെ കൈ​യി​ലെ​ടു​ക്കാ​നു​ള്ള ശ്ര​മ​മാ​ണു​ള്ള​ത്. എ​ന്നാ​ൽ, പ​ണം ന​ശി​പ്പി​ക്കാ​നു​ള്ള മാ​ർ​ഗ​മാ​ണ് ബു​ള്ളറ്റ് ട്രെ​യി​ൻ പ​ദ്ധ​തി എ​ന്ന ആ​രോ​പ​ണ​വും ഒ​രു വ​ശ​ത്ത് ഉ​യ​രു​ന്നു​ണ്ട്.

ഇ​ന്ത്യ​യി​ലെ​യും ജ​പ്പാ​നി​ലെ​യും തൊ​ഴി​ൽസാ​ഹ​ച​ര്യ​ങ്ങ​ൾ വ്യ​ത്യ​സ്ത​മാ​യ​തി​നാ​ൽ "മേ​ക്ക് ഇ​ൻ ഇ​ന്ത്യ' ബു​ള്ള​റ്റ് ട്രെ​യി​ൻ നി​ർ​മാ​ണ​ത്തി​ന്‍റെ കാ​ര്യം ഇ​തു​വ​രെ തീ​രു​മാ​ന​മാ​യി​ട്ടി​ല്ലെ​ന്ന് നാ​ഷ​ണ​ൽ ഹൈ ​സ്പീ​ഡ് റെ​യി​ൽ കോ​ർ​പ് ലി​മി​റ്റ​ഡ് എം​ഡി അ​ച​ൽ ഖ​രെ പ​റ​ഞ്ഞു. എ​ന്നാ​ൽ, ഇ​ന്ത്യ​ൻ ക​മ്പ​നി​ക​ളു​ടെ ഉ​ത്പാ​ദ​ന​ക്ഷ​മ​ത​യെ ജ​പ്പാ​ൻ ചോ​ദ്യം​ചെ​യ്തെ​ന്നാ​ണ് അ​ണി​യ​റ​യി​ൽ​നി​ന്നു​ള്ള റി​പ്പോ​ർ​ട്ടു​ക​ൾ. ഇ​ന്ത്യ​യി​ൽ നി​ർ​മാ​ണം തു​ട​ങ്ങി​യാ​ൽ സ​മ​യ​ബ​ന്ധി​ത​മാ​യി തീ​ർ​ക്കാ​ൻ ക​ഴി​യു​മോ​യെ​ന്നു​ള്ള സം​ശ​യ​മാ​ണു ജ​പ്പാ​നു​ള്ള​ത്. കൂ​ടാ​തെ ഹൈ ​സ്പീ​ഡ് റെ​യി​ൽ​വേ സം​വി​ധാ​ന​ങ്ങ​ൾ ത​യാ​റാ​ക്കാ​നു​ള്ള ഇ​ന്ത്യ​ൻ ക​മ്പ​നി​ക​ളു​ടെ പ​രി​ച​യ​ക്കു​റ​വും ജ​പ്പാ​ൻ ചൂ​ണ്ടി​ക്കാ​ണി​ക്കു​ന്നു​ണ്ട്.


താ​ത്പ​ര്യം ഈ ​ക​മ്പ​നി​ക​ൾ​ക്ക്

നി​പ്പോ​ൺ സ്റ്റീ​ൽ ആ​ൻ​ഡ് സു​മി​ടോ​മോ മെ​റ്റ​ൽ കോ​ർ​പ്, ജെ​ഫ്ഇ ഹോ​ൾ​ഡിം​ഗ്സ്, ക​വാ​സാ​ക്കി ഹെ​വി ഇ​ൻ​ഡ​സ്ട്രീ​സ്, മി​ത്‌​സു​ബി​ഷി ഹെ​വി ഇ​ൻ​ഡ​സ്ട്രീ​സ്, തോ​ഷി​ബ കോ​ർ​പ്, ഹി​റ്റാ​ച്ചി ലി​മി​റ്റ​ഡ്.

അ​വ​സ​രം പാ​ഴാ​ക്കി

റെ​യി​ലു​ക​ൾ നി​ർ​മി​ക്കാ​ൻ ക​ഴി​ഞ്ഞ വ​ർ​ഷം ജ​പ്പാ​ന്‍റെ നി​പ്പോ​ൺ സ്റ്റീ​ലി​നെ​യും ഇ​ന്ത്യ​യു​ടെ ജി​ൻ​ഡാ​ൽ സ്റ്റീ​ൽ ആ​ൻ​ഡ് പ​വ​ർ ലി​മി​റ്റ​ഡി​നെ​യും സം​യു​ക്ത സ​ഹ​ക​ര​ണ​ത്തി​നായി കേ​ന്ദ്ര​സ​ർ​ക്കാ​ർ ക്ഷ​ണി​ച്ചി​രു​ന്നു. എ​ന്നാ​ൽ, ജി​ൻ​ഡാ​ൽ സ്റ്റീ​ലി​ന് ഗു​ണ​നി​ല​വാ​രം കു​റ​വാ​ണെ​ന്നു ചൂ​ണ്ടി​ക്കാ​ട്ടി നി​പ്പോ​ൺ സ്റ്റീ​ൽ പി​ന്മാ​റി. ഇ​ന്ത്യ​ൻ റെ​യി​ൽ​വേയ്​ക്കു​വേ​ണ്ടി സ്റ്റീ​ൽ ന​ല്കു​ന്ന സ്റ്റീ​ൽ അ​ഥോ​റി​റ്റി ഓ​ഫ് ഇ​ന്ത്യ​യും ഇ​തേ കാ​ര​ണ​ത്താ​ൽ ത​ഴ​യ​പ്പെ​ട്ടു.
Loading...
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Loading...