റിക്കാർഡ് തിരുത്തി സ്വർണവില, കാർഷികമേഖലയിലും ഉണർവ്
Monday, January 21, 2019 12:30 AM IST
വിപണി വിശേഷം / കെ.ബി. ഉദയഭാനു

രാ​ജ്യാ​ന്ത​ര മാ​ർ​ക്ക​റ്റി​ൽ സ്വ​ർ​ണ​ത്തി​നു കാ​ലി​ട​റു​മെ​ന്ന ആ​ശ​ങ്ക​യി​ൽ ഒ​രു വി​ഭാ​ഗം ലാ​ഭ​മെ​ടു​പ്പി​ന് നീ​ക്കം തു​ട​ങ്ങി, സം​സ്ഥാ​ന​ത്ത് പ​വ​ൻ റി​ക്കാ​ർ​ഡ് പ്ര​ക​ട​നം കാ​ഴ്ച​വ​ച്ചു. ഇ​ഞ്ചി​വി​ല ഉ​യ​ർ​ന്ന​ത് ചു​ക്ക് വി​പ​ണി​യി​ൽ വ​ൻ കു​തി​ച്ചു​ചാ​ട്ട​ത്തി​ന് അ​വ​സ​ര​മൊ​രു​ക്കി. ക​ർ​ഷ​ക​രും സ്റ്റോ​ക്കി​സ്റ്റു​ക​ളും കു​രു​മു​ള​കു​നീ​ക്കം നി​യ​ന്ത്രി​ച്ച് വി​ല​ത്ത​ക​ർ​ച്ച​യെ പി​ടി​ച്ചു​നി​ർ​ത്തി. റ​ബ​ർ‌​വി​ല​യി​ൽ നേ​രി​യ ഉ​ണ​ർ​വ്.

സ്വ​ർ​ണം

കേ​ര​ള​ത്തി​ൽ സ്വ​ർ​ണ​വി​ല സ​ർ​വ​കാ​ല റി​ക്കാ​ർ‌​ഡ് തി​രു​ത്തി. വാ​രാ​ദ്യം 23,840 രൂ​പ​യി​ൽ വി​ല്പ​ന തു​ട​ങ്ങി​യ പ​വ​ൻ വാ​ര​മ​ധ്യം 24,160 രൂ​പ​യി​ലെ റി​ക്കാ​ർ​ഡ് മ​റി​ക​ട​ന്ന് 24,200 വ​രെ ഉ​യ​ർ​ന്നു. ര​ണ്ടു ദി​വ​സം തു​ട​ർ​ച്ച​യാ​യി റി​ക്കാ​ർ​ഡ് നി​ര​ക്കി​ൽ വി​പ​ണ​നം ന​ട​ന്ന പ​വ​ൻ ശ​നി​യാ​ഴ്ച 24,040 ലേ​ക്കു താ​ഴ്ന്നു. ഒ​രു ഗ്രാം ​സ്വ​ർ​ണ​ത്തി​ന് വി​ല 2980 രൂ​പ​യി​ൽ​നി​ന്ന് 3025 വ​രെ ക​യ​റി​യ ശേ​ഷം വാ​രാ​ന്ത്യം 3005 രൂ​പ​യി​ലാ​ണ്.

സ്വ​ർ​ണം തു​ട​ർ​ച്ച​യാ​യി നാ​ലാ​ഴ്ച​ക​ളി​ൽ തി​ള​ങ്ങി​യെ​ങ്കി​ലും അ​ഞ്ചാം വാ​രം തി​രി​ച്ച​ടി നേ​രി​ട്ടു. ട്രോ​യ് ഔ​ൺ​സി​ന് 1300 ഡോ​ള​റി​ലെ ത​ട​സം മ​റി​ക​ട​ക്കാ​ൻ വി​പ​ണി ക്ലേ​ശി​ച്ച​തോ​ടെ ഒ​രു വി​ഭാ​ഗം നി​ക്ഷേ​പ​ക​ർ ലാ​ഭ​മെ​ടു​പ്പ് ന​ട​ത്തി. ന്യൂ​യോ​ർ​ക്കി​ൽ സ്വ​ർ​ണ​വി​ല 1286 ഡോ​ള​റി​ൽ​നി​ന്ന് 1296 വ​രെ ക​യ​റി​യ ശേ​ഷം വാ​രാ​ന്ത്യം 1281 ഡോ​ള​റി​ലാ​ണ്. ഈ ​വാ​രം 1270 ലെ ​താ​ങ്ങ് ന​ഷ്ട​പ്പെ​ട്ടാ​ൽ 1258 ഡോ​ള​റി​ലേ​ക്ക് സ​ങ്കേ​തി​ക പ​രീ​ക്ഷ​ണ​ങ്ങ​ൾ ന​ട​ത്താം. അ​തേ​സ​മ​യം ഒ​രി​ക്ക​ൽ​കൂ​ടി മി​ക​വി​ന് ശ്ര​മി​ച്ചാ​ൽ 1297 ഡോ​ള​റി​ൽ ആ​ദ്യ ത​ട​സ​മു​ണ്ട്. ഇ​ത് മ​റി​ക​ട​ന്നാ​ൽ 1304 ഡോ​ള​ർ വ​രെ ഉ​യ​രാം. ന്യൂ​യോ​ർ​ക്ക് വി​പ​ണി തി​ങ്ക​ളാ​ഴ്ച്ച അ​വ​ധി​യാ​ണ്.

ചു​ക്ക്

ശൈ​ത്യം ശ​ക്ത​മാ​യ​തി​നാ​ൽ ചു​ക്കി​ന് അ​ന്വേ​ഷ​ണ​ങ്ങ​ൾ പ്ര​വ​ഹി​ച്ചു. ആ​ഭ്യ​ന്ത​ര വ്യാ​പാ​രി​ക​ൾ മ​ത്സ​രി​ച്ച് ചു​ക്ക് ശേ​ഖ​രി​ച്ചു. വി​ദേ​ശ രാ​ജ്യ​ങ്ങ​ളു​മാ​യി നേ​ര​ത്തെ ക​ച്ച​വ​ട​ങ്ങ​ൾ ഉ​റ​പ്പി​ച്ച ചി​ല ക​യ​റ്റു​മ​തി​ക്കാ​രും രം​ഗ​ത്തു​ണ്ട്. വാ​രാ​വ​സാ​നം ഡി​മാ​ൻ​ഡ് ശ​ക്ത​മാ​യ​തോ​ടെ മി​ക​ച്ച​യി​നം ചു​ക്ക് വി​ല ക്വി​ന്‍റ​ലി​ന് 7500 രൂ​പ വ​ർ​ധി​ച്ച് 28,500 ലേ​ക്ക് ഉ​യ​ർ​ന്നു. ഇ​ട​ത്ത​രം ചു​ക്ക് വി​ല 23,500 ലാ​ണ്.

പ​ച്ച ഇ​ഞ്ചി​ക്ക് ക​ടു​ത്ത ക്ഷാ​മം നേ​രി​ട്ടു. ഇ​ഞ്ചി​വി​ല കി​ലോ​ഗ്രാ​മി​ന് 75 രൂ​പ​യാ​യി ഉ​യ​ർ​ന്ന​തോ​ടെ ചു​ക്ക് സം​സ്ക​ര​ണ​ത്തി​ന് ത​ട​സം നേ​രി​ട്ടു. ചു​ക്ക് വി​ല കി​ലോ 300 രൂ​പ​യ്ക്ക് മു​ക​ളി​ലെ​ത്തി​യാ​ൽ മാ​ത്രം ഉ​ത്പാ​ദ​ക​ർ​ക്ക് ഇ​ഞ്ചി സം​സ്ക​ര​ണം ലാ​ഭ​ക​ര​മാ​കൂ.

ഏ​ലം

ജ​നു​വ​രി ആ​ദ്യ പ​കു​തി​യി​ൽ ഏ​ല​ക്ക മി​ക​വ് നി​ല​നി​ർ​ത്തി. ഉ​ത്പാ​ദ​ന രം​ഗ​ത്തെ ത​ള​ർ​ച്ച മൂ​ലം ലേ​ല​കേ​ന്ദ്ര​ങ്ങ​ളി​ൽ ച​ര​ക്കു​വ​ര​വ് ചു​രു​ങ്ങി. ആ​ഭ്യ​ന്ത​ര - വി​ദേ​ശ ഇ​ട​പാ​ടു​കാ​ർ നി​ര​ക്കു​യ​ർ​ത്തി​യാ​ണ് ച​ര​ക്കെ​ടു​ക്കു​ന്ന​ത്. മി​ക​ച്ച​യി​നം ഏ​ല​ക്ക വി​ല 1600 രൂ​പ​യി​ൽ​നി​ന്ന് 1914 രൂ​പ വ​രെ ക​യ​റി. പു​തി​യ ഏ​ല​ക്ക വ​ര​വ് ശ​ക്തി​യാ​ർ​ജി​ക്കാ​ൻ ജൂ​ൺ വ​രെ കാ​ത്തി​രി​ക്ക​ണ​മെ​ന്ന നി​ഗ​മ​ന​ത്തി​ലാ​ണ് ഒ​രു വി​ഭാ​ഗം വാ​ങ്ങ​ലു​കാ​ർ. ഈ​സ്റ്റ​ർ ഡി​മാ​ൻ​ഡ് മു​ന്നി​ൽ​ക്ക​ണ്ട് യു​റോ​പ്യ​ൻ ഓ​ർ​ഡു​റുക​ളെ​ത്താം. വാ​രാ​വ​സാ​നം ഇ​ടു​ക്കി​യി​ൽ ന​ട​ന്ന ലേ​ല​ത്തി​ൽ മി​ക​ച്ച​യി​ന​ങ്ങ​ൾ 1841 രൂ​പ​യി​ലാ​ണ്.


നാ​ളി​കേ​രം

ത​മി​ഴ്നാ​ട്ടി​ൽ നാ​ളി​കേ​ര സീ​സ​ൺ ആ​രം​ഭി​ക്കാ​ൻ മാ​ർ​ച്ച് വ​രെ കാ​ത്തി​രി​ക്ക​ണം. കൊ​പ്ര​ക്ഷാ​മം മി​ല്ലു​ക​ളു​ടെ പ്ര​വ​ർ​ത്ത​ന​ത്തെ ബാ​ധി​ക്കു​മെ​ന്ന ആ​ശ​ങ്ക​യി​ലാ​ണ് ഒ​രു വി​ഭാ​ഗം വ്യ​വ​സാ​യി​ക​ൾ. അ​തു​കൊ​ണ്ടു​ത​ന്നെ ച​ര​ക്ക് സം​ഭ​ര​ണ​ത്തി​ന് അ​വ​ർ ശ്ര​മം തു​ട​രു​ക​യാ​ണ്. എ​ന്നാ​ൽ, നി​ര​ക്കു​യ​ർ​ത്താ​ൻ പ​ല​രും ത​യാ​റാ​യി​ല്ല. ഇ​തി​നി​ടെ പ്ര​ാദേ​ശി​ക ത​ല​ത്തി​ൽ വെ​ളി​ച്ചെ​ണ്ണ വി​ല്പ​ന ചു​രു​ങ്ങി​യ​ത് മി​ല്ലു​കാ​രെ അ​ല്പം പ്ര​തി​സ​ന്ധി​ലാ​ക്കി. പി​ന്നി​ട്ട വാ​രം കൊ​ച്ചി​യി​ൽ എ​ണ്ണ​വി​ല 16,900 രൂ​പ​യി​ലാ​ണ്. കൊ​പ്രവി​ല 11,285 രൂ​പ​യി​ലും സ്റ്റെ​ഡി​യാ​യി നി​ല​കൊ​ണ്ടു.

കു​രു​മു​ള​ക്

വി​ദേ​ശ കു​രു​മു​ള​ക് ഇ​റ​ക്കു​മ​തി ക​ണ്ട് ഉ​ത്പാ​ദ​ക​ർ ആ​ഭ്യ​ന്ത​ര മാ​ർ​ക്ക​റ്റി​ൽ​നി​ന്ന് പി​ൻ​വ​ലി​ഞ്ഞു. ഇ​തോ​ടെ തു​ട​ർ​ച്ച​യാ​യു​ള്ള വി​ല​ത്ത​ക​ർ​ച്ച​യെ താ​ത്കാ​ലി​ക​മാ​യി പി​ടി​ച്ചു​നി​ർ​ത്താ​നാ​യി.
വി​യ​റ്റ്നാം കു​രു​മു​ള​ക് ട​ണ്ണി​ന് 2500 ഡോ​ള​റി​ന് ക​യ​റ്റു​മ​തി ന​ട​ത്തു​ന്നു​ണ്ട്. ഇ​ന്ത്യ​ൻ നി​ര​ക്ക് 5400 ഡോ​ള​റാ​ണ്. അ​ന്താ​രാ​ഷ്‌​ട്ര വി​പ​ണി​യി​ൽ ബ്ര​സീ​ലി​ൽ ട​ണ്ണി​ന് 2000 ഡോ​ള​റി​നും ഇ​ന്തോ​നേ​ഷ്യ 2800 ഡോ​ള​റി​നും ക്വ​ട്ടേ​ഷ​ൻ ഇ​റ​ക്കി.

റ​ബ​ർ

ടോ​ക്കോ​മി​ൽ റ​ബ​ർ കി​ലോ​ഗ്രാ​മി​ന് 190 യെ​ൻ വ​രെ ഉ​യ​ർ​ന്നു. വി​പ​ണി 205‐222 യെ​ന്നി​ലേ​ക്ക് ഉ​യ​രാ​നാ​നു​ള്ള ശ്ര​മ​ങ്ങ​ളാ​ണ് ന​ട​ത്തു​ന്ന​ത്. മി​ക​ച്ച കാ​ലാ​വ​സ്ഥ​യി​ൽ സം​സ്ഥാ​ന​ത്ത് റ​ബ​ർ ഉ​ത്പാ​ദ​നം ഉ​യ​ർ​ന്നു. മു​ഖ്യ വി​പ​ണി​ക​ളി​ൽ കൂ​ടു​ത​ൽ ച​ര​ക്കെ​ത്തു​ന്നു​ണ്ട്. ട​യ​ർ നി​ർ​മാ​താ​ക്ക​ൾ നാ​ലാം ഗ്രേ​ഡ് ഷീ​റ്റ് വി​ല 12,500 രൂ​പ​യ്ക്കും അ​ഞ്ചാം ഗ്രേ​ഡ് 12,000 രൂ​പ​യ്ക്കും ശേ​ഖ​രി​ച്ചു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.