നേട്ടത്തിന്‍റെ പാതയിൽ സൂചികകൾ
Monday, March 25, 2019 12:42 AM IST
ഓഹരി അവലോകനം / സോണിയ ഭാനു

ഓ​​വ​​ർ ഹീ​​റ്റാ​​യ മാ​​ർ​​ക്ക​​റ്റി​​ൽ സൂചികകൾ ഉ​​രു​​കി​​ത്തുട​​ങ്ങി. ഏ​​താ​​നും ആ​​ഴ്ച​​ക​​ളു​​ടെ ശ്ര​​മ​​ഫ​​ല​​മാ​​യി ഉ​​യ​​ർ​​ത്തി​​യെ​​ടു​​ത്ത സെ​​ൻ​​സെ​​ക്സും നി​​ഫ്റ്റി​​യും ഇ​​നി തി​​രു​​ത്ത​​ലി​​ന്‍റെ പാ​​ത​​യി​​ൽ സ​​ഞ്ച​​രി​​ക്കാം. മു​​ൻ​​വാ​​രം വ്യ​​ക്ത​​മാ​​ക്കി​​യ​​താ​​ണ് പ്രോ​​ഫി​​റ്റ് ബു​​ക്കിംഗിനു​​ള്ള നീ​​ക്ക​​ങ്ങ​​ൾ തി​​രു​​ത്ത​​ലി​​ന് വ​​ഴി​​മാ​​റു​​മെ​​ന്ന്. റി​ക്കാ​​ർ​​ഡ് പ്ര​​ക​​ട​​ന​​ത്തി​​ലാണ് ബാ​​ങ്ക് നി​​ഫ്റ്റി.

ബോം​​ബെ സെ​​ൻ​​സെ​​ക്സ് മു​​ൻ​​വാ​​ര​​ത്തി​​ലെ 38,024 പോ​​യി​​ന്‍റിൽ​നി​​ന്ന് 38,548 പോ​​യി​​ന്‍റ് വ​​രെ ഉ​​യ​​ർ​​ന്നു. ക​​ഴി​​ഞ്ഞ​​വാ​​രം സൂ​​ചി​​പ്പി​​ച്ച ആ​​ദ്യ പ്ര​​തി​​രോ​​ധ മേ​​ഖ​​ല​​യാ​​യ 38,553 പോ​​യി​​ന്‍റ് വ​​രെ മു​​ന്നേ​​റി​​യ ശേ​​ഷം സൂ​​ചി​​ക ത​​ള​​ർ​​ന്നു. ഓ​​പ്പ​​റേ​​റ്റ​​ർ​​മാ​​ർ ലാ​​ഭ​​മെ​​ടു​​പ്പി​​ന് ഉ​​ത്സാ​​ഹി​​ച്ച​​തോ​​ടെ സൂ​​ചി​​ക 38,086 റേ​​ഞ്ചി​​ലേ​​ക്ക് ഇ​​ടി​​ഞ്ഞശേ​​ഷം വാ​​രാ​​ന്ത്യം 38,164 പോ​​യി​​ന്‍റി​​ലാ​​ണ്. ഈ​​ വാ​​രം തു​​ട​​ക്ക​​ത്തി​ൽ 38,489 ലേ​​ക്ക് ഉ​​യ​​രാ​​ൻ സു​​ചി​​ക ശ്ര​​മം ന​​ട​​ത്താം.

നി​​ഫ്റ്റി സൂ​​ചി​​ക പ്ര​​തി​​വാ​​ര നേ​​ട്ട​​ത്തി​​ലാ​​ണെ​​ങ്കി​​ലും 11,426ൽ​നി​​ന്നു​​ള്ള കു​​തി​​പ്പി​​ൽ മു​​ൻ​​വാ​​രം സൂചി​​പ്പി​​ച്ച ആ​​ദ്യ പ്ര​​തി​​രോ​​ധ​​മാ​​യ 11,572 ൽ ​​വെ​​ള​​ളി​​യാ​​ഴ്ച സൂ​​ചി​​ക ചെ​​ന്ന് ഇ​​ടി​​ച്ചു. ഒ​​രു പോ​​യി​ന്‍റ് പോ​​ലും ഇ​​വി​​ടെ​നി​​ന്ന് ഉ​​യ​​രാ​​നാ​​വാ​​തെ 11,420 ലേ​​ക്ക് ത​​ള​​ർ​​ന്ന​​ന്നെ​​ങ്കി​​ലും ക്ലോ​​സിം​ഗി​​ൽ 11,457 പോ​​യി​​ന്‍റി​ലാ​​ണ്. വ്യാ​​ഴാ​​ഴ്ച ഡെ​​റി​​വേ​​റ്റീ​​വ് മാ​​ർ​​ക്ക​​റ്റി​​ൽ മാ​​ർ​​ച്ച് സീ​​രീ​​സ് സെ​​റ്റി​​ൽ​​മെ​ന്‍റാ​​ണ്. ഏ​​പ്രി​​ൽ സീ​​രീ​​സ് തു​​ട​​ക്ക​​ത്തി​​ൽ 11,179 പോ​​യി​​ന്‍റ് സ​​പ്പോ​​ർ​​ട്ട് നി​​ല​​നി​​ർ​​ത്തി മു​​ന്നേ​​റാ​​ൻ ശ്ര​​മം ന​​ട​​ത്താം.

സ​​ർ​​വ​​കാ​​ല റി​ക്കാ​ർ​​ഡാ​​യ 11,760 ലേ​​ക്കു​​ള്ള ദൂ​​ര​​ത്തി​​ന് 118 പോ​​യി​​ന്‍റ് അ​​ക​​ലെ എ​​ത്തി​​യ​ശേ​​ഷ​​മാ​​ണ് പി​​ന്നി​​ട്ട​​ വാ​​രം സൂചി​​ക ത​​ള​​ർ​​ന്ന​​ത്. വി​​ദേ​​ശ നി​​ക്ഷേ​​പ​ത്തോ​ത് കു​​തി​​ച്ചു​യ​​രു​​ന്ന​​ത് ക​​ണ​​ക്കി​​ലെ​​ടു​​ത്താ​​ൽ വി​​പ​​ണി വ​​രും​മാ​​സ​​ങ്ങ​​ളി​​ൽ റി​ക്കാ​ർ​​ഡ് പ്ര​​ക​​ട​​ന​​ത്തി​​നു​​ള്ള അ​​ണി​​യ​​റ നീ​​ക്ക​​ങ്ങ​​ൾ ന​​ട​​ത്താം.

ന​​ട​​പ്പുവ​​ർ​​ഷം കേ​​ന്ദ്ര​​ബാ​​ങ്ക് പ​​ലി​​ശനി​​ര​​ക്കി​​ൽ കാ​​ൽ ശ​​ത​​മാ​​നം മ​​റ്റം വ​​രു​​ത്തി​​യ​​ത് പണപ്പെരു​​പ്പം പി​​ടി​​ച്ചു​നി​​ർ​​ത്താ​​ൻ ഉ​​പ​​ക​​രി​​ച്ചൂ​​വെ​​ന്ന നി​​ഗ​​മ​​ന​​ത്തി​​ലാ​​ണ് റേ​​റ്റി​​ംഗ് ഏ​​ജ​​ൻ​​സി​​യാ​​യ ഫി​​ച്ച്. ന​​ട​​പ്പുവ​​ർ​​ഷം അ​​വ​​സാ​​ന​​ത്തോ​​ടെ ഡോ​​ള​​റി​​ന് മു​​ന്നി​​ൽ രൂ​​പ​​യു​​ടെ നി​​ര​​ക്ക് 72 ലേ​​ക്ക് ഇ​​ടി​​യു​​മെ​​ന്നും അ​​വ​​ർ വി​​ല​​യി​​രു​​ത്തു​​ന്നു.


ഈ ​​മാ​​സം വി​​ദേ​​ശനി​​ക്ഷേ​​പം 27,424.18 കോ​​ടി രൂ​​പ​​യി​​ലെ​​ത്തി. ക​​ട​​പ്പ​​ത്ര​​ത്തി​​ൽ അ​​വ​​ർ 10,787.02 കോ​​ടി​​യും നി​​ക്ഷേ​​പി​​ച്ചു. മാ​​ർ​​ച്ചി​​ലെ മൊ​​ത്തം നി​​ക്ഷേ​​പം 38,211.2 കോ​​ടി രൂ​​പ​​യാ​​യി. ര​​ണ്ടു വ​​ർ​​ഷ​​ത്തി​​നി​​ട​​യി​​ൽ ഇ​​ത്ര ശ​​ക്ത​​മാ​​യ ഡോ​​ള​​ർ പ്ര​​വാ​​ഹം ആ​​ദ്യ​​മാ​​ണ്. 2017 മാ​​ർ​​ച്ചി​​ൽ 33,800 കോ​​ടി രൂ​​പ​​യു​​ടെ നി​​ക്ഷേ​​പം ന​​ട​​ന്നി​​രു​​ന്നു.

ഓ​​ഹ​​രി വി​​പ​​ണി​​യി​​ലെ ലോം​ഗ് -ഷോ​​ട്ട് പൊ​​സി​​ഷ​​നു​​ക​​ളു​​ടെ അ​​നു​​പാ​​തം 60 ശ​​ത​​മാ​​ന​​ത്തി​​നുമു​​ക​​ളി​​ലെ​​ത്തി. തെര​​ഞ്ഞ​​ടു​​പ്പ് ക​​ഴി​​യു​​ന്ന​​തോ​​ടെ അ​​നു​​പാ​​തംം വീ​​ണ്ടും ഉ​​യ​​രാ​​ൻ ഇ​​ട​​യു​​ണ്ട്. അ​​ത്ത​​രം ഒ​​രു നീ​​ക്കം ഫോ​​റെ​​ക്സ് മാ​​ർ​​ക്ക​​റ്റി​​ൽ രൂ​​പ​​യു​​ടെ മൂല്യം വ​​ർ​​ധി​​പ്പി​​ക്കും.

വി​​നി​​മ​​യനി​​ര​​ക്ക് 68.93ൽ​നി​​ന്ന് മു​​ൻ​​വാ​​രം വ്യ​​ക്ത​​മാ​​ക്കി​​യി​​രു​​ന്ന 69.17ന് ​​ഒ​​രു പൈ​​സ വ്യ​ത്യാ​​സ​​ത്തി​​ൽ രൂ​​പ 69.16 ലേ​​ക്ക് ശ​​ക്തി​​പ്രാ​​പി​​ച്ചു. ഈ ​​വാ​​രം രൂ​​പ 69.43 ലേ​​ക്കും തു​​ട​​ർ​​ന്ന് 70.39 ലേ​​ക്കും ദു​​ർ​​ബ​​ല​​മാ​​കാം. അ​​തേ​സ​​മ​​യം മി​​ക​​വി​​ന് ശ്ര​​മം ന​​ട​​ത്തി​​യാ​​ൽ 68.39 ൽ ​​ആ​​ദ്യത​​ട​​സ​​മു​​ണ്ട്.

യു​എ​​സ് ഫെ​​ഡ് റി​​സ​​ർ​​വ് ക​​ഴി​​ഞ്ഞ​​ദി​​വ​​സം യോ​​ഗം ചേ​​ർ​​ന്ന​​ങ്കി​​ലും പ​​ലി​​ശനി​​ര​​ക്ക് സ്റ്റ​ഡി​​യാ​​യി നി​​ല​​നി​​ർ​​ത്തി. ഈ ​​വ​​ർ​​ഷം പ​​ലി​​ശ​​യി​​ൽ മാ​​റ്റ​​ത്തി​​നു​​ള്ള സാ​​ധ്യ​​ത​​ക​​ൾ ചു​​രു​​ങ്ങി​​യെ​​ന്ന സൂ​​ച​​ന​​യും അ​​വ​​ർ ന​​ൽ​​കി. ഇ​​തി​​നി​​ട​​യി​​ൽ ബാ​​ങ്ക് ഓ​​ഫ് ഇം​​ഗ്ല​​ണ്ടും ക​​ഴി​​ഞ്ഞ​​ വാ​​രം ഒ​​ത്തു​​കൂ​​ടി​​യെ​​ങ്കി​​ലും പ​​ലി​​ശനി​​ര​​ക്കി​​ൽ മാ​​റ്റം വ​​രു​​ത്തി​​യി​​ല്ല.

രാ​​ജ്യാ​​ന്ത​​ര വി​​പ​​ണി​​യി​​ൽ ക്രൂ​​ഡ് ഓ​​യി​​ൽ ബാ​​ര​​ലി​​ന് 58.84 ഡോ​​ള​​റി​​ലാ​​ണ്. 60.24 ൽ ​​പ്ര​​തി​​രോ​​ധം നി​​ല​​വി​​ലു​​ള്ള​​തി​​നാ​​ൽ 57.43 റേ​​ഞ്ചി​​ലേ​​ക്ക് വീ​​ണ്ടും താ​​ഴാ​​ൻ ഇ​​ട​​യു​​ണ്ട്. ആ​​ഗോ​​ള വി​​പ​​ണി​​യി​​ൽ സ്വ​​ർ​​ണം 1319 ഡോ​​ള​​ർ വ​​രെ ക​​യ​​റി​​യ ശേ​​ഷം 1306 ലാ​​ണ്. താ​​ത്‌കാലി​​ക​​മാ​​യി 1284‐1344 ഡോ​​ള​​റി​​ൽ മ​​ഞ്ഞ​​ലോ​​ഹം നി​​ല​​കൊ​​ള്ളാം.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.