വിദ്യാഭ്യാസ യാത്രാപരിപാടിയുമായി എഡ്യുവോയേജ് : Deepika.com Business News |

Click here for detailed news of all items

വിദ്യാഭ്യാസ യാത്രാപരിപാടിയുമായി എഡ്യുവോയേജ്

Monday, January 13, 2020 11:24 PM IST

കൊച്ചി: ട്രാവൽ മാനേജ്മെന്‍റ് കന്പനിയായ ഐടിഎൽ വേൾഡിന്‍റെ ഭാഗമായ എഡ്യുവോയേജ് വിദ്യാർഥികൾക്കായി വിദ്യാഭ്യാസ യാത്രാ പരിപാടി സംഘടിപ്പിക്കാൻ എക്സ്പോ 2020 ദുബായുമായി കരാറിൽ ഒപ്പുവച്ചു. ഗൾഫ് കൗണ്‍സിൽ ഓഫ് സിബിഎസ്ഇ സംഘടിപ്പിച്ച പ്രിൻസിപ്പൽമാരുടെ 32-ാമത് സമ്മേളനത്തിലാണ് കരാർ ഒപ്പിട്ടത്.

ആറു മാസത്തെ സമഗ്രപരിപാടികളാണ് എക്സ്പോ 2020 ദുബായിക്കായി എഡ്യുവോയേജ് രൂപം നല്കിയിരിക്കുന്നത്.

നൂതനവും സുസ്ഥിരവുമായ ആശയങ്ങളും പദ്ധതികളുമായി 190 രാജ്യങ്ങളുടെ പവലിയനുകൾ എക്സ്പോയിൽ ഉണ്ടാകും. വർക്ക്ഷോപ്പുകൾ, ചർച്ചകൾ എന്നിവയ്ക്കു പുറമേ പ്രതിദിനം അറുപതിലേറെ ലൈവ് ആക്ടുകളും നടക്കും. എക്സ്പോയിലേക്ക് ആഗോള വിദ്യാർഥികളെയും യുവജനങ്ങളെയും എത്തിക്കുകയാണു ലക്ഷ്യമെന്ന് എഡ്യുവോയേജ് മാർക്കറ്റിംഗ് തലവൻ ശൈഖ് ശിബിലി പറഞ്ഞു.

വേൾഡ് എക്സ്പോയുടെ എല്ലാ സാധ്യതകളും വിദ്യാർഥികൾക്ക് ആസ്വദിക്കാവുന്ന വിധത്തിലാണു പരിപാടികളുടെ രൂപകല്പനയെന്നു പ്രമുഖ ഗൾഫ് മലയാളിയും ഐടിഎൽ വേൾഡ് ഹോൾഡിംഗ് കന്പനിയായ ഇറാം ഗ്രൂപ്പ് ചെയർമാനും മാനേജിംഗ് ഡയറക്ടറുമായ ഡോ. സിദ്ധിക്ക് അഹമ്മദ് പറഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.