Business News
ചൂടുപിടിച്ച് റബർ വിപണി
ചൂടുപിടിച്ച് റബർ വിപണി
Monday, March 11, 2024 1:14 AM IST
വിപണിവിശേഷം / കെ.​​​ബി. ഉ​​​ദ​​​യ​​​ഭാ​​​നു
ഏ​ഷ്യ​ൻ റ​ബ​ർ വി​പ​ണി​ക​ൾ ചൂ​ടു​പി​ടി​ച്ചു, ട​യ​ർ ഭീ​മ​ൻ​മാ​ർ ആ​ശ​ങ്ക​യോ​ടെ പു​തി​യ സാ​മ്പ​ത്തി​ക വ​ർ​ഷ​ത്തെ ഉ​റ്റുനോ​ക്കു​ന്നു. കു​രു​മു​ള​ക് വി​ലത്ത​ക​ർ​ച്ച​യ്ക്കുശേ​ഷം ശ​നി​യാ​ഴ്ച തി​രി​ച്ചുവ​ര​വി​നു ശ്ര​മി​ച്ചു. ഏ​ല​ക്ക ആ​റ് മാ​സ​ത്തെ താ​ഴ്ന്ന നി​ല​വാ​ര​ത്തി​ൽ. ഈ​സ്റ്റ​ർ-വി​ഷു ഡി​മാ​ൻഡിൽ കൊ​പ്ര​യാ​ട്ടുമി​ല്ലു​കാ​ർ പ്ര​തീ​ക്ഷ നി​ല​നി​ർ​ത്തു​ന്നു. ആ​ഭ​ര​ണ കേ​ന്ദ്ര​ങ്ങ​ളി​ൽ സ്വ​ർ​ണ​ത്തി​ന് റിക്കാർ​ഡ് തി​ള​ക്കം.

രാ​ജ്യാ​ന്ത​ര റ​ബ​ർ മാ​ർ​ക്ക​റ്റി​ലെ ബു​ൾ ത​രം​ഗം കൂ​ടു​ത​ൽ ശ​ക്ത​മാ​കു​ന്നു. ഏ​ഷ്യ​ൻ ട​യ​ർ വ്യ​വ​സാ​യി​ക​ളി​ൽ നി​ന്നു​ള്ള ആ​വ​ശ്യം വി​ല​യി​രു​ത്തി​യാ​ൽ ജൂ​ൺ‐​ജൂ​ലൈ വ​രെ​യു​ള്ള കാ​ല​യ​ള​വി​ൽ റ​ബ​ർ ഷീ​റ്റ് ക്ഷാ​മം വി​ട്ടു​മാ​റി​ല്ലെ​ന്ന ആ​ശ​ങ്ക​യി​ലാ​ണ് വ്യ​വ​സാ​യ ലോ​കം.

കുതിപ്പോടെ ജപ്പാൻ റബർ

ക​ഴി​ഞ്ഞ ഓ​ഗ​സ്റ്റി​ൽ കി​ലോ 196 യെ​ന്നി​ലേ​ക്ക് ഇ​ടി​ഞ്ഞ ജ​പ്പാ​നിൽ റ​ബ​ർ നി​ല​വി​ൽ ഏ​ഴ് വ​ർ​ഷ​ത്ത ഏ​റ്റ​വും പു​തി​യ ഉ​യ​രം ദ​ർ​ശി​ച്ചു. 2017നു ശേ​ഷം ആ​ദ്യ​മാ​യി ജ​പ്പാ​നി​ൽ റ​ബ​ർ കി​ലോ 310 യെ​ന്നി​ന് മു​ക​ളി​ൽ വാ​രാ​ന്ത്യം വ്യാ​പാ​രം ന​ട​ന്നു. 299 യെ​ന്നി​ൽ നി​ന്നു​ള്ള കു​തി​പ്പി​ൽ 314 യെ​ൻ വ​രെ ഉ​യ​ർ​ന്നു. മാ​ർ​ച്ച് ആ​ദ്യ​വാ​രം ജ​പ്പാ​ൻ അ​വ​ധി​യി​ൽ ഓ​പ്പ​ൺ ഇ​ന്‍ററ​സ്റ്റ് 980 ലോ​ട്ടു​ക​ൾ ഉ​യ​ർ​ന്ന​ത് പു​തി​യ നി​ക്ഷേ​പ​ക​രു​ടെ വ​ര​വ് അ​റി​യി​ച്ചു.

ജാ​പ്പനീ​സ് വി​പ​ണി 317 ‐ 332 യെ​ന്നി​ലേ​ക്ക് ഉ​യ​രാ​നു​ള്ള ശ്ര​മ​ങ്ങ​ൾ​ക്ക് തു​ടക്കം കു​റി​ക്കാം. വി​പ​ണി​യു​ടെ പ്ര​തി​രോ​ധം 336 യെ​ന്നി​ലാ​ണ്. ആ​ഗോ​ള കൊ​ക്കോ വി​പ​ണി​യി​ൽ പ​ണം വാ​രി​യ ഫ​ണ്ടു​ക​ൾ ഏ​ഷ്യ​ൻ റ​ബ​റി​ലേ​ക്ക് ശ്ര​ദ്ധ​തി​രി​ച്ചാ​ൽ 370 യെ​ന്നി​ലേ​ക്ക് വി​പ​ണി ഉ​റ്റുനോ​ക്കാം. ഡോ​ള​റി​നു മു​ന്നി​ൽ യെ​ന്നി​ന്‍റെ മൂ​ല്യ​ത്തി​ലെ ചാ​ഞ്ചാ​ട്ട​ങ്ങ​ളും ക്രൂ​ഡ് ഓ​യി​ൽ വി​ല വ​ർ​ധന​യും റ​ബ​റി​ന് താ​ങ്ങുപ​ക​രാം.

റബർ ക്ഷാമം

സം​സ്ഥാ​ന​ത്തെ വി​പ​ണി​ക​ളി​ൽ റ​ബ​ർ ക്ഷാ​മം രൂ​ക്ഷ​മാ​ണ്. ട​യ​ർ നി​ർ​മാ​താ​ക്ക​ൾ കൊ​ച്ചി, കോ​ട്ട​യം വി​പ​ണി​ക​ളി​ലു​ണ്ടെ​ങ്കി​ലും വ​ര​വ് കു​റ​ഞ്ഞ​ത് ക​ണ്ട് വി​ല ചെ​റി​യ​തോ​തി​ൽ ഉ​യ​ർ​ത്തി സ്റ്റോ​ക്കി​സ്റ്റു​ക​ളെ ആ​ക​ർ​ഷി​ക്കാ​ൻ ശ്ര​മം ന​ട​ത്തി. എ​ന്നാ​ൽ വി​ൽ​പ്പ​ന​ക്കാ​രു​ടെ അ​ഭാ​വം വ്യ​വ​സാ​യി​ക​ളെ സ​മ്മ​ർ​ദത്തി​ലാ​ക്കു​ന്നു.

നാ​ലാം ഗ്രേ​ഡ് റ​ബ​ർ 16,700ൽനി​ന്നു 17,200 വ​രെ ഉ​യ​ർ​ത്തി​യെ​ങ്കി​ലും പ്ര​തീ​ക്ഷി​ച്ച പോ​ലെ ച​ര​ക്ക് ല​ഭി​ച്ചി​ല്ല. അ​ഞ്ചാം ഗ്രേ​ഡി​ന് 400 രൂ​പ ക​യ​റി 16,800 രൂ​പ​യാ​യി. ഒ​ട്ടു​പാ​ൽ 10,550ൽ ​നി​ന്നു 10,900മാ​യും ലാ​റ്റ​ക്സ് 11,500 രൂ​പ​യി​ലും വി​പ​ണ​നം ന​ട​ന്നു. ഇ​തി​നി​ട​യി​ൽ മു​ഖ്യ ക​യ​റ്റു​മ​തി വി​പ​ണി​യാ​യ ബാ​ങ്കോ​ക്കി​ൽ നാ​ലാം ഗ്രേ​ഡി​ന് തു​ല്യ​മാ​യ ഷീ​റ്റ് വി​ല 19,131 രൂ​പ​യി​ൽനി​ന്ന് 20,000ലെ ​നി​ർ​ണാ​യ​ക പ്ര​തി​രോ​ധം ത​ക​ർ​ത്ത് 20,550 രൂ​പ വ​രെ ഉ​യ​ർ​ന്നു.

തിരിച്ചുവരവിൽ കുരുമുളക്

ഉ​ത്ത​രേ​ന്ത്യ​ൻ ഇ​ട​പാ​ടു​കാ​രും അ​ന്ത​ർ​സം​സ്ഥാ​ന വാ​ങ്ങ​ലു​കാ​രും സം​ഘ​ടി​ത​രാ​യി കു​രു​മു​ള​ക് ക​ർ​ഷ​ക​രെ ച​ക്ര​ശ്വാ​സം വ​ലി​പ്പി​ച്ചി​ട്ടും സ്ഥി​തി​ഗ​തി​ക​ൾ വി​ല​യി​രു​ത്താ​ൻ സ്പൈ​സ​സ് ബോ​ർ​ഡും സം​സ്ഥാ​ന കൃ​ഷി വ​കു​പ്പും ത​യാ​റാ​യി​ല്ല. പ്ര​തി​കൂ​ല കാ​ലാ​വ​സ്ഥ​യി​ൽ ഉ​ത്​പാ​ദ​നം ചു​രു​ങ്ങി​യ സ​ന്ദ​ർ​ഭ​ത്തി​ൽ വി​പ​ണി​യി​ൽ സം​ഭ​വി​ച്ച വി​ലത്തക​ർ​ച്ച​യ്ക്കു പി​ന്നി​ൽ പ്ര​വ​ർ​ത്തി​ക്കു​ന്ന​വ​ർ​ക്കുനേരേ ചെ​റു​വി​ര​ൽ പോ​ലും അ​ന​ക്കി​യി​ല്ല.


ജ​നു​വ​രി ഒ​ന്ന് മു​ത​ലുള്ള കാ​ല​യ​ള​വി​ൽ കു​രു​മു​ള​ക് വി​ല ക്വി​ന്‍റലി​ന് 10,600 രൂ​പ ഇ​ടി​ഞ്ഞു. പ്ര​തി​കൂ​ല കാ​ലാ​വ​സ്ഥ മൂ​ലം ഉ​ത്​പാ​ദ​നം ഉ​യ​ർ​ന്നി​ല്ലെ​ന്ന് ക​ർ​ഷ​ക​ർ അ​വ​കാ​ശ​പ്പെ​ടു​ന്ന അ​വ​സ​ര​ത്തി​ലാ​ണ് ഉ​ത്ത​രേ​ന്ത്യ​ൻ വാ​ങ്ങ​ലു​കാ​ർ സം​ഘ​ടി​ത​രാ​യി ക​ർ​ഷ​ക​രെ ഞെ​ക്കിപ്പി​ഴി​ഞ്ഞ​ത്. അ​സാ​ധാ​ര​ണ​മാ​യ എ​ന്തോ കേ​ര​ള​ത്തി​ലെ ല​ക്ഷ​ക്ക​ണ​ക്കി​ന് കു​രു​മു​ള​ക് ക​ർ​ഷ​ക​ർ അ​ഭി​മു​ഖീ​ക​രി​ക്കു​വെ​ന്നുപോ​ലും തി​രി​ച്ച​റി​യാ​ൻ ഭ​ര​ണരം​ഗ​ത്തു​ള്ള​വ​ർ​ക്കാ​യി​ല്ല.

രാ​ജ്യ​ത്ത് കു​രു​മു​ള​ക് ഡി​മാൻഡിന് അ​നു​സൃ​ത​മാ​യി ച​ര​ക്ക് ല​ഭി​ക്കാ​ത്ത​തി​നാ​ൽ ഏ​താ​നും വ​ർ​ഷ​ങ്ങ​ളാ​യി ഇ​റ​ക്കു​മ​തി ന​ട​ത്തി​യാ​ണ് ആ​ഭ്യ​ന്ത​ര ആ​വ​ശ്യ​ങ്ങ​ൾ പൂ​ർ​ത്തീക​രി​ക്കു​ന്ന​ത്. ഇ​തി​നി​ടെയാണ് വി​ള​വെ​ടു​പ്പ് അ​വ​സ​ര​മാ​ക്കി വാ​ങ്ങ​ലു​കാ​ർ നി​ര​ക്ക് ഇ​ടി​ച്ച​ത്. ഉ​യ​ർ​ന്നത​ല​ത്തി​ൽ നി​ന്നും 49,100 രൂ​പ വ​രെ ഇ​ടി​ഞ്ഞ ശേ​ഷം കൊ​ച്ചി​യി​ൽ അ​ൺഗാ​ർ​ബി​ൾ​ഡ് മു​ള​ക് ശ​നി​യാ​ഴ്ച 49,200 രൂ​പ​യി​ലും ഗാ​ർ​ബി​ൾ​ഡ് 51,200 രൂ​പ​യി​ലു​മാ​ണ്.

താഴ്ന്ന നിലവാരത്തിൽ ഏലം

ഏ​ലം വി​ള​വെ​ടു​പ്പ് പൂ​ർ​ത്തി​യാ​ക്കി ക​ർ​ഷ​ക​ർ ഓ​ഫ് സീ​സ​ണി​ലെ വി​ല​ക്ക​യ​റ്റ​ത്തെ ഉ​റ്റുനോ​ക്കി​യ​തി​നി​ടെ ലേ​ല കേ​ന്ദ്ര​ത്തി​ൽ വീ​ണ്ടും വി​ലത്ത​ക​ർ​ച്ച. ഉ​ത്​പാ​ദ​ന മേ​ഖ​ല​യി​ൽ ന​ട​ന്ന ലേ​ല​ത്തി​ൽ ആ​റ് മാ​സ​ത്തി​നി​ട​യി​ലെ ഏ​റ്റ​വും താ​ഴ്ന്ന നി​ര​ക്കി​ലേ​ക്കുനീ​ങ്ങി​യ​ത് ഉ​ത്​പാ​ദ​ക​രെ അ​ക്ഷ​രാ​ർ​ഥ​ത്തി​ൽ ഞെ​ട്ടി​ച്ചു.

ശാ​ന്ത​ൻ​പാ​റ​യി​ൽ ശ​രാ​ശ​രി ഇ​ന​ങ്ങ​ളു​ടെ വി​ല കി​ലോ 1,339 ലേ​ക്ക് താ​ഴ്ന്നു. മി​ക​ച്ച​യി​ന​ങ്ങ​ൾ 1,766 രൂ​പ​യി​ലും കൈ​മാ​റി. റം​സാ​ൻ മു​ന്നി​ൽക്കണ്ടു​ള്ള ച​ര​ക്ക് സം​ഭ​ര​ണം പു​ർ​ത്തി​യാ​ക്കി ഒ​രു വി​ഭാ​ഗം ക​യ​റ്റു​മ​തി​ക്കാ​ർ രം​ഗം വി​ട്ട​തും ആ​ഭ്യ​ന്ത​ര വാ​ങ്ങ​ലു​കാ​രു​ടെ ത​ണു​പ്പ​ൻ മ​നോ​ഭാ​വ​വും വി​ല​യെ ബാ​ധി​ച്ചു.

ഈസ്റ്റർ-വിഷു പ്രതീക്ഷയിൽ വെളിച്ചെണ്ണ

ഉ​ത്സ​വ ദി​ന​ങ്ങ​ളി​ൽ പ്ര​ദേ​ശി​ക വി​പ​ണി​ക​ൾ വെ​ളി​ച്ചെ​ണ്ണ​യെ വാ​രിപ്പു​ണ​രു​മെ​ന്ന പ്ര​തീ​ക്ഷ​യി​ലാ​ണ് മി​ല്ലു​കാ​ർ. നി​ല​വി​ൽ വെ​ളി​ച്ചെ​ണ്ണ 13,600ലും ​കൊ​പ്ര 9,100ലു​മാ​ണ്. വെ​ളി​ച്ചെ​ണ്ണ ഉ​ത്പാ​ദ​ക​ർ ഈ​സ്റ്റ​ർ, വി​ഷു ഡി​മാ​ൻഡ് വി​ല​ ഉയർത്തു​മെ​ന്ന പ്ര​തീ​ക്ഷ​യി​ലാ​ണ്. സം​സ്ഥാ​ന​ത്തി​ന്‍റെ പ​ല ഭാ​ഗ​ങ്ങ​ളി​ലും നാ​ളി​കേ​ര വി​ള​വെ​ടു​പ്പ് പു​രോ​ഗ​മി​ക്കു​ന്നു.

സ്വ​ർ​ണാ​ഭ​ര​ണ വി​പ​ണി​ക​ളി​ൽ റിക്കാർ​ഡ് വി​ല​ക്ക​യ​റ്റ​ത്തി​ന്‍റെ വേ​ലി​യേ​റ്റമാണ്. പ​വ​ൻ 47,000 രൂ​പ​യി​ൽനി​ന്നും മൊ​ത്തം 1,600 രൂ​പ വ​ർ​ധി​ച്ച് 48,600 രൂ​പ​യാ​യി. പി​ന്നി​ട്ട​ വാ​രം അ​ഞ്ച് ത​വ​ണ​യാ​ണ് വി​പ​ണി റിക്കാ​ർ​ഡ് പു​തു​ക്കി​യ​ത്. ഒ​രു ഗ്രാമി​ന് വി​ല 5,885 രൂ​പ​യി​ൽ നി​ന്ന് 6,075 രൂ​പ​യാ​യി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.