സമ്മാനങ്ങളുമായി ലുലു മാളില്‍ വാര്‍ഷികാഘോഷം : Deepika.com Business News |

Click here for detailed news of all items

സമ്മാനങ്ങളുമായി ലുലു മാളില്‍ വാര്‍ഷികാഘോഷം

Friday, March 15, 2024 2:03 AM IST

കൊച്ചി: സംഗീത നിശയടക്കം വിപുലമായ പരിപാടികളുമായി ലുലുവിന്‍റെ 11-ാം വാര്‍ഷികാഘോഷം. ഇടപ്പള്ളി ലുലു മാളിലെ സെന്‍ട്രല്‍ ഏട്രിയത്തില്‍ ഒരുക്കിയ ചടങ്ങുകള്‍ നടന്‍ ദിലീപ് കേക്ക് മുറിച്ച് ഉദ്ഘാടനം ചെയ്തു.

ജോബ് കുര്യന്‍റെയും സംഘത്തിന്‍റെയും ബാന്‍ഡ് പ്രകടനത്തോടെ പരിപാടികള്‍ക്കു തുടക്കമായി. മനോജ് കെ. ജയന്‍, മേജര്‍ രവി തുടങ്ങി നിരവധി പ്രമുഖരും വാര്‍ഷികാഘോഷച്ചടങ്ങിന്‍റെ ഭാഗമായി. വാര്‍ഷികാഘോഷത്തോടനുബന്ധിച്ച് മികച്ച ഓഫര്‍ ഉപയോക്താക്കള്‍ക്കായി ഒരുക്കിയിട്ടുണ്ട്.

മാളില്‍നിന്ന് 5000 ത്തിനു മുകളില്‍ ഷോപ്പിംഗ് നടത്തുന്നവര്‍ക്ക് ‘ഇന്‍സ്റ്റന്‍റ് ഗ്രാറ്റിഫിക്കേഷന്‍’ പ്രോഗ്രാം വഴി സർപ്രൈസ് സമ്മാനങ്ങള്‍ നേടാനുള്ള അവസരമുണ്ട്. ഇതിനുപുറമേ ജീവനക്കാരുടെ നേതൃത്വത്തില്‍ പ്രത്യേക പരിപാടികളും നടക്കുന്നുണ്ട്.

കൊച്ചിക്കുപുറമേ ബംഗളൂരു, തിരുവനന്തപുരം, ലക്നോ, ഹൈദരാബാദ്, പാലക്കാട്, തൃപ്രയാര്‍ എന്നിവിടങ്ങളിലായി ആറ് ഷോപ്പിംഗ് മാളുകള്‍ കൂടി ലുലു ഗ്രൂപ്പിന് ഇന്ത്യയിലുണ്ട്. ഈവർഷം കോഴിക്കോട്ടും കോട്ടയത്തുമായി രണ്ട് മാളുകള്‍ കൂടി ഉടന്‍ തുറക്കും.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.