സഹകരണ സംഘങ്ങളിലെ നിക്ഷേപ പലിശ നിരക്കിൽ മാറ്റം വരുത്തി : Deepika.com Business News |

Click here for detailed news of all items

സഹകരണ സംഘങ്ങളിലെ നിക്ഷേപ പലിശ നിരക്കിൽ മാറ്റം വരുത്തി

Friday, March 15, 2024 2:03 AM IST

തിരുവനന്തപുരം: സംസ്ഥാനത്തെ സഹകരണ സംഘങ്ങളിലെ നിക്ഷേപ പലിശ നിരക്കിൽ മാറ്റം വരുത്തി സർക്കാർ.

പ്രാഥമിക സഹകരണസംഘങ്ങളിലെ സ്ഥിരനിക്ഷേപ പലിശ നിരക്കിലാണു മാറ്റം വരുത്തിയിരിക്കുന്നത്. കറണ്ട് അക്കൗണ്ടുകൾക്കും സേവിംഗ്സ് അക്കൗണ്ടുകൾക്കും പലിശ നിരക്കിൽ മാറ്റം വരുത്തിയിട്ടില്ല.

പുതുക്കിയ നിരക്ക് ഇന്നലെ മുതൽ പ്രാബല്യത്തിൽ വന്നു. പ്രാഥമിക സഹകരണ ബാങ്കുകളിലെ മുതിർന്ന പൗരൻമാരുടെ നിക്ഷേപങ്ങൾക്കു പരാമാവധി 8.75 ശതമാനം വരെ പലിശ ലഭിക്കും. ഇന്നലെ മന്ത്രി വി.എൻ.വാസവന്‍റെ അധ്യക്ഷതയിൽ ചേർന്ന പലിശ നിർണയം സംബന്ധിച്ച യോഗത്തിലാണു തീരുമാനമെടുത്തത്.

കേരളബാങ്കിലെ രണ്ടുവർഷത്തിൽ താഴെയുള്ള നിക്ഷേപങ്ങളുടെയും അതിനു മുകളിലുള്ള സ്ഥിര നിക്ഷേപങ്ങളുടെയും പലിശ നിരക്കിൽ മാറ്റം വരുത്തിയിട്ടില്ല. കേരളബാങ്ക് പ്രാഥമിക സഹകരണ സംഘങ്ങളിൽ നിന്നു സ്വീകരിക്കുന്ന നിക്ഷേപങ്ങൾക്കു നൽകിവരുന്ന പലിശയിലും മാറ്റമില്ല. നിക്ഷേപസമാഹരണ കാലത്തെ നിക്ഷേപങ്ങൾക്ക് ആ സമയത്തു നൽകിയിരുന്ന പലിശ തുടർന്നും ലഭിക്കും.

പ്രാഥമിക സഹകരണസംഘങ്ങളിലെ നിക്ഷേപങ്ങളുടെ പുതുക്കിയ പലിശ നിരക്ക്

15 ദിവസം മുതൽ 45 ദിവസം വരെ 6%.
46 ദിവസം മുതൽ 90 ദിവസം വരെ 6.50%.
91 ദിവസം മുതൽ 179 ദിവസം വരെ 7.25%.
180 ദിവസം മുതൽ 364 ദിവസം വരെ 7.50%.
ഒരു വർഷം മുതൽ രണ്ടു വർഷം വരെ 8.25%.
രണ്ടു വർഷത്തിൽ കൂടുതലുള്ളവയ്‌ക്ക് 8%.

കേരള ബാങ്കിലെ വ്യക്തിഗത നിക്ഷേപങ്ങളുടെ പുതുക്കിയ പലിശ നിരക്ക്

15 ദിവസം മുതൽ 45 ദിവസം വരെ 5.50%.
46 ദിവസം മുതൽ 90 ദിവസം വരെ 6%.
91 ദിവസം മുതൽ 179 ദിവസം വരെ 6.25%.
180 ദിവസം മുതൽ 364 ദിവസം വരെ 7%.
ഒരു വർഷം മുതൽ രണ്ടു വർഷം വരെ 8%.
രണ്ടു വർഷത്തിൽ കൂടുതലുള്ളവയ്‌ക്ക് 7.75%.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.