ശ്രീകാന്ത്, സിന്ധു ക്വാർട്ടറിൽ : Deepika.com Sports News |

Click here for detailed news of all items

ശ്രീകാന്ത്, സിന്ധു ക്വാർട്ടറിൽ

Friday, November 9, 2018 12:18 AM IST

ബെയ്ജിംഗ്: ചൈന ഓപ്പണ്‍ ബാഡ്മിന്‍റണിൽ ഇന്ത്യൻ താരങ്ങൾ മുന്നോട്ട്. പുരുഷ സിംഗിൾസിൽ കെ. ശ്രീകാന്തും വനിതാ സിംഗിൾസിൽ പി.വി. സിന്ധുവും പുരുഷ ഡബിൾസിൽ സാത്വിക് റെഡ്ഡി- ചിരാഗ് ഷെട്ടി സഖ്യവും ക്വാർട്ടറിൽ പ്രവേശിച്ചു.

തായ്‌ലൻഡിന്‍റെ ബുസനനെയാണ് ലോക മൂന്നാം നന്പർ താരമായ സിന്ധു നേരിട്ടുള്ള ഗെയിമുകളിൽ കീഴടക്കിയത്. 36 മിനിറ്റ് മാത്രം നീണ്ട മത്സരത്തിൽ 21-12, 21-15നായിരുന്നു സിന്ധുവിന്‍റെ ജയം. നേർക്കുനേർ ഇറങ്ങിയതിൽ ഇതുവരെ തായ് താരത്തിനു മുന്നിൽ സിന്ധു തോൽവി വഴങ്ങിയിട്ടില്ല.

ഇന്തോനേഷ്യയുടെ ടോമി സുഗിയാർത്തോയെയാണ് 44 മിനിറ്റ് നീണ്ട പോരാട്ടത്തിൽ ശ്രീകാന്ത് കീഴടക്കിയത്. ഇതോടെ ഇരുവരും തമ്മിൽ ഏറ്റുമുട്ടിയ ആറ് മത്സരങ്ങളിൽ 3-3ന് ഒപ്പമെത്തി. ആദ്യ ഗെയിം നഷ്ടപ്പെട്ടശേഷം 10-21, 21-9, 21-9നായിരുന്നു ശ്രീകാന്തിന്‍റെ ജയം. ക്വാർട്ടറിൽ ടിൻ ചെൻ ആണ് ഇന്ത്യൻ താരത്തിന്‍റെ എതിരാളി.

പുരുഷ ഡബിൾസിൽ റെഡ്ഡി- ചിരാഗ് സഖ്യം ഇന്തോനേഷ്യയുടെ യൂസഫ് സാൻടോസോ- വഹ് യു നായക കൂട്ടുകെട്ടിനെയാണ് ഒരു മണിക്കൂർ നീണ്ട പോരാട്ടത്തിൽ കീഴടക്കിയത്. സ്കോർ: 16-21, 21-14, 21-15.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.