പുടിനുമായി കൂടിക്കാഴ്ച നടത്തി എസ്. ജയശങ്കർ; മോദിയെ റഷ്യയിലേക്ക് ക്ഷണിച്ചു |

Click here for detailed news of all items

പുടിനുമായി കൂടിക്കാഴ്ച നടത്തി എസ്. ജയശങ്കർ; മോദിയെ റഷ്യയിലേക്ക് ക്ഷണിച്ചു

Thursday, December 28, 2023 9:06 AM IST

മോസ്കോ: റഷ്യൻ പ്രസിഡന്‍റ് വ്‌ളാഡിമിർ പുടിനും വിദേശകാര്യമന്ത്രി എസ്. ജയശങ്കറും കൂടിക്കാഴ്ച നടത്തി. ക്രെംലിനിൽ വച്ചു നടന്ന സന്ദർശനത്തിൽ റഷ്യൻ വിദേശകാര്യ മന്ത്രി സെർജി ലാവ്‌റോവും റഷ്യയിലെ ഇന്ത്യൻ അംബാസഡർ പവൻ കപൂറും പങ്കെടുത്തു.

അടുത്ത വർഷം റഷ്യ സന്ദർശിക്കാൻ പ്രധാനമന്ത്രി നരേന്ദ്ര മോദിയെ പുടിൻ ക്ഷണിച്ചു. “ഞങ്ങളുടെ സുഹൃത്ത് പ്രധാനമന്ത്രി മോദിയെ റഷ്യയിൽ കാണുന്നതിൽ ഞങ്ങൾക്ക് സന്തോഷമുണ്ട്,”-പുടിൻ പറഞ്ഞു.

അഞ്ച് ദിവസത്തെ ഔദ്യോഗിക സന്ദർശനത്തിനായി റഷ്യയിൽ എത്തിയതാണ് ജയശങ്കർ. നേരത്തെ, ജയശങ്കർ റഷ്യൻ വിദേശകാര്യമന്ത്രിയെ കാണുകയും ഇൻഡോ-പസഫിക്, യുക്രെയ്ൻ സംഘർഷം, ഗാസ വിഷയം തുടങ്ങിയ ആഗോള പ്രശ്‌നങ്ങളെക്കുറിച്ച് ചർച്ച നടത്തിയിരുന്നു.

സാമ്പത്തിക സഹകരണം, സൈനിക-സാങ്കേതിക സഹകരണം തുടങ്ങിയ വിഷയങ്ങളിലെ പുരോഗതിയെക്കുറിച്ചും ഇരു നേതാക്കളും ചർച്ച ചെയ്തിരുന്നു. ഇന്ത്യയും റഷ്യയും തമ്മിലുള്ള ബന്ധം ഭൗമരാഷ്ട്രീയ യാഥാർഥ്യങ്ങളെയും തന്ത്രപരമായ ഒത്തുചേരലിനെയും പരസ്പര നേട്ടത്തെയും പ്രതിഫലിപ്പിക്കുന്നുവെന്ന് ജയശങ്കർ അഭിപ്രായപ്പെട്ടു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.