ചക്ക പറിക്കുന്നതിനിടെ ഷോക്കേറ്റ് വയോധികന് ദാരുണാന്ത്യം
Wednesday, June 12, 2024 6:53 PM IST
കോഴിക്കോട്: ചക്ക പറിക്കുന്നതിനിടെ ഷോക്കേറ്റ് വയോധികൻ മരിച്ചു. കോഴിക്കോട് കൊയിലാണ്ടിക്കടുത്തുണ്ടായ സംഭവത്തിൽ കൊല്ലം മരുതൻകണ്ടി രാമൻ (65) ആണ് മരിച്ചത്.
ഇരുമ്പ് പൈപ്പ് ഉപയോഗിച്ച് ചക്ക പറിക്കുമ്പോള് സമീപത്തെ വൈദ്യുതി ലൈനിൽ തട്ടുകയായിരുന്നു. പോലീസ് സ്ഥലത്തെത്തിയാണ് രാമനെ ആശുപത്രിയിൽ എത്തിച്ചത്.
മൃതദേഹം പോസ്റ്റ്മോർട്ടത്തിനായി കൊയിലാണ്ടി താലൂക്ക് ആശുപത്രി മോർച്ചറിയിലേക്ക് മാറ്റി.